والله حتى الشيب في راسي من كثر الهم

السلام عليكم ورحمة الله وبركاته

خواتي عضوات منتدى كويتيات يمكن هذي 2 مشاركه لي بالمنتدى لكن والله من زمان وانا اتابعه منتدى حلو وراقي والعضوات على قلب واحد الله لا يفرقكم امين يارب العالمين..
ادري ان ماهي حلوه ابتدي اول مشاركاتي بطرح مشكله لكن والله العظيم ان نفسيتي تعباانه من جد

ولاني قادره اكتم اكثر من جذي..
بطرح مشكلتي عليكم وانشالله القى عندكم الحل يارب وتكفون لاتهملون رسالتي انطر الرد منكم بأسرع وقت عسى ربي يفرج ضيقتي يارب العالمين..
انا عمري 22متزوجه صارلي سنتين وعندي بيبي عمره سنه المشكله بدت تقريبا من اول شهور زواجنا وهي اني حسااااااااااااااااااااااااااااااااااااااااااااسه حيل حيل يعني على اي شي ازعل ((وانا من قبل جذي عند اهلي))فأي تصرف يسويه زوجي احسه جرحني تلقيني بجي ودموووع وزعلانه وهو اول سنه تقريبا كان يراضيني ويتنرفز لما ازعل (يعني هو يشوف ان زعلي ما كان له داعي في كثييييير من الاوقات)
وانا ما ودي يعاملني بهالطريقة ما تعودت عليها ولا تقولوي لازم تعودينلأني من جد تحملت حييل وليش اتعود على الكلام الجارح والتصرفات اللي مالها داعي….
المهم يا بنات انا صارت بيني وبين زوجي مشاااااكل واااجد والله ولا مره خذيت اغراضي ورحت لأهلي لأني احبه احببببببببببببببه والله ما اتخيل حياتي بدونه مع ان في مواقف واجد مرة علي بينت لي انه مرات احسه عديم احساس يعني انا منهاره وابجي وهو ينام عادي والله ولا همه قسما بالله يمكن لأن دموعي صارت شي عادي عندة……والمشكله الثانيه ان والله ولا مرة اذكر طلعنا نتمشى الا تزاعلنا او تخانقنا يعني اطلع من بيت حمولتي كاااشخة وارد دمووعي تارسه عيني بسرعة اركض شقتي>>>>والله تعبت يا بنات مشكلته ما يعرف يتعامل مع المره يعني يجرح بالكلام بعدين يبي يتكلم عادي طيب شلون والله ما اقدر
المشكله الحاليه يا بنات صارت قبل اسبوع تقريباطلعت انا معاه نتمشى ورحنا مجمع قلتله لف هاللفه انا وامي دايم نلف منها ونلقى مصافط اهني قال اخاف صج انتي جايه اهني اذا بحلف عمرج مادخلتي هالمجمع>>>>>يعني يبي يتغشمر
سكت ويروح يدور يدور على المجمع يبي مسفط مالقى رد نفس المكان اللي قلتله عنه جان اقوله شفت مو قلتلك بتلقى اهني والله يا بنات صررررررررررررررررررررررررررررررررررخ صرخه مو طبيعيه قال خلاااااااااااااااااااااااااااااااااااااااص بسج حنه والله اني من الصرخة على طول اخنقتني العبره حسيت بسخافته ويوم نزلنا يبي يتكلم جنه ما صار شي ((تخيلو))؟؟
يكلمني وانا ما ارد عليه لين ركبنا السيارة وردينا البيت شفتو السخافة ولي يومكم واحنا ما نكلم بعض رحت نمت عند اهلي يومين وما سأل والله ولا يدري اني بنام ولا حتى اتصل (وعلى فكره اهو داااايم جذي يعني لما يقطني على اهلي ينساني ما ادري مافيه احساس بالمسؤليه والله مافيه كل شي على اهلي اذا مرض ولدي اذا ابي السوق اذا اي شي)ولا تقولون انتي عودتيه والله شسوي من اول عرسي وانا احاول اغيره ما يتغير اهو جذي….تكفووووووووون بنات والله ادري طولت عليكم بس خلوني افضفض الله يجعلها بميزان حسناتكم يارب العالمين ردو علي انا ما انام الليل والله من كثر الهم حتى الشيب خصل في راسي….

الله بعينج حبيبتي والحياه كلها مشاكل……زيمكن اسلوب زوجج جذي…….ززليش ماتقغدين معاه قعده حلوه بروحكم وتختارين وقت تكونون مستانسين ومو متناجرين وتفتحين قلبج له وتقوليله كل الي يزعلج وانج تبين تعيشين معاه بدون مشاكل ولازم يتفهم طبعج وحاولي تقنعينه انه يتغير

الله يسخره لج ويهديه

هلا اختي .. اعتقد اني اول رد واتمنى افيدج … من كلامج واضح جدا انج حساسة و كثيرة البكاء و هذا الشيء يملل الريال المفروض تحكمين عقلج في امور تستحق انج تزعلين بس مو حييييييل و تبجين لا .. بعدين وضحي لزوجج بس مو بوقت الزعل الامور اللي تضايقج … شوي شوي تتفاهمون و تعودون على طبايع بعض الله يوفقج ويسخره لج

صح كلام ام يوسف قعدي معاه قعده حلوه و كلميه بهداوه و سلوب حلو و قوليلي كل اللي اب قلبي و شنو الاشياء اللي تضايقج بس اهم شي يكون اهو اب مزاج حلو و قولي اميين عسى ان شاء الله مايطوف هاليوم الا و ريلج ياي ماخذج و معشيج اب احلا مطعم ويراضيج احلى رضاوه وتردون حق بعض احلى زوجين بالدنيا طول عمركم بسس هااا بسج دلع و زع على اي شي ترى والله الريايل يملون و عسى الله يوفقكم يا رب

حبيبتي والله قلبي معاج

بس حبيت اقول لج على شغله

سالفة انج حساسه هالشي محد يلومج عليه لانه طبع فيج وانتي ربيتي عليه

لكن المشكله انج على كل شي كنتي تبجين

اي بنت حديثه الزواج لازم تخلي دموعها غاليه يعني مو على ادنات الدون تبجي عشان ريلها لا يتعود عليها وهي تبجي

ترا الريال يمل وما يحب النكد

اخذي معضم المواقف اللي تصير بينكم بروح رياضيه واذا كان الموقف عادي حوليه الي غشمره وضحكوا عليه

واذا المشكله كبيره تفاهمي معاه بالكلام مو بالصراخ والبجي

واخر شي اقول لج خلي دموعج غاليه مو على اي شي

والله يهديكم يارب

يا بعد عمري ما قصرتو على الردود الله يجزاكم خير لكن والله يا بنات انتو مو فاهميني اكثر من مره اكلمه وهو رايق عن الامور اللي تضايقني لكن ما يفهم للاسف يسكتني ونرد اذا اختلفنا على نفس المشكله عارفين ولا نتخانق اذا حبيت اوضحله الامور اللي تجرحني يابنات ما ني عارفة شسوي والله والله
اهو انسان لا مبالي ما شالله مشاعره بيده وما يتحمل مسؤليه ومشكلتي الاساسيه ان بعض الاوقات لما احس ان المشله شدت حيل بين ما اقدر انام وهو متضايق حتى لو هو اللي جارحني اجي ابي اراضيه يدزني ولا يصرخ لااا تكلميني اليوم وانا والله ما اقدر اخليه ينام متكدر خاطره انتو حاسين فيني يعني اذا نام واحس ان خاطره زعلان مني والله ان عيني من كثر البجي اقوم 2 يوم حمراااااا…..تكفون قولولي شسوي الحين صارلنا اسبوع مانكلم بعض اهو ولا هامه ولا سائل جنه ما نعرف بعض بالشقة كل واحد يجي ينام ويطلع والله والله وانا ما ابي اكلمه امس حاولت اكلمه وقلتله البيت كله درى ان احنا ما نكلم بعض انت ما تستحي قمت انحرج اطلب من امي السايق عشان توديني مشاويري ولا مشاوير ولدي ولا قالت وين زوجج اتعذرلك جدامها ليش تطلعني بالشينه عند اهلك وانا ما اطلعك بالشينه عند اهلي >>>تخيلو ما رد علي حاقرني ونام وخلاني على طول نام والله طلعت بالصاله وانا والله ما نمت رقبتي تعورني وراسي صدااااع تخيلو والله ما ادري شسوي متبع معاي اسلوب الحقران وانا تعبت ويبين علي الهم

تدرين ليش ما يهمه زعلج؟
مو بس لأنه تعود على دموعج
لان بعد واثق مليون بالاميه انج تموتين عليه
قللي من اهتمامج فيه شويه

ما اقولج الا عيشي حياتج

طنش تعش تنتعش

الله يعينج

واختي حناين صح كلامها

شوفي حبيبتي ولدج على ما ربيتيه و ريلج على ما عودتيه في رياييل ما يحبون الحنة و الزعل و الطناقر

جربي مرة تطلعين معاة و تصير وسالفكم كلها ظحك ولا تقعدين تنطرين الزلة !!

و الله يوفقج ان شاء الله

الله يعينج …

مادري شقولج بس انا ريلي جذي ! يعصب على اتفه الاسباب ولما يصارخ ويزف وراها يبيني اتكلم عادي وانا ماقدر اكون متضايقه وبدي يعصب زياده ! .. احقريه خلج مع اهلج واستانسي وافرحي … مع ان ادري صعبه بتقوليلي عيل ليش متزوجة .. بس شنسوي وشنقول نحاول نتأقلم مع الوع قدر المستطاع

الريال ايي بالمساحل

حبيبتي الله يعينج ويسخر لج زوجج ويحنن قلوببكم على بعض يااااااااااارب

حبيبتي زوجج اسلوبه جذيه دفش بالكلام ويقط كلام موتعليقات ما يثمنها واغلب الريايل جذيه

غشمرتهم وقطاتهم ثقيله تحطم الواحد بس اهم ما يحسون متعودين على جذيه

انتي حاولي تتاقلمين شوي شوي مع اسلوبه وحولي قطاته حق غشمره وردي على تعليقاته بتعليقات عليه تضحكم انتو الإثنين لا تنكدين عليه اهو هذا اسلوب الغشمره والضحك عنده ..ادري في البدايه بيكون وايد

صعب عليج بس شوي شوي تتعودين…هذا بالنسبه لأسلوبه

بالنسبه لأسلوبج انتي معاه لا تعطينه اكبر من حجمه ولا تخلينه يظن ان اهو كل شي بحياتج وان حياتج ومشاعرج كلها متعلقه فيه ان ضحك ضحكتي وان زعل بجيتي ..لا في حالة الزعل واهو غلطان طنشيه وعطيه طاف من قلب واستانسي وكشخي وطلعي مع رفيجاتج ومع اهلج وونسي ولد ولا تفكرين فيه كلش

الريال كل ما حسستيه انج ما تقدرين على زعله ولازقه فيه يشيخ فوق راسج

خليج متوازنه بعلاقتج معاه لا افراط ولا تفريط

ولا تقعدين تبجين من اي كلمة وتهتزين من اي موقف منه جذيه بيحس ان اهو ملكج وسيطر عليج وبيده يلعب بأعصابج..خليج مره كبيره ناضجة دمعتج عزيزه وكلمتج بحساب وتصرفج محسوب

يا حبيبتي خلي دموعج عزيزة و غالية مو على حباية و ماي تنزل أدري انج حساسة بس في نفس الوقت الرياييل ما عندهم احساس حتى أطيب واحد فيهم ، يعني خا زعاج يكزن له معنى و يكون في وقته علشان ريلج يحس بأهميته .

يا حبيبتي انت جذي بتتعبين واييد ولا تخيلن الهم يأثر عليج

تدرين شنو غلطتج زعلتي على اي شي لين حس زعلج ماله قييمه عززي دموعج علشان باجر لي زعلتي ولا دمعتي يحس دمعتج غاليه وبيراضييج