|
|
مساء الورد والخير عليكم يابنات ميخالف بنات استحملوني شويه مالي غنى عنكم بعد الله انا كتبت موضوعي من قبل بس والدي اقولكم التطورات الي صارت وشنو حسيت فيه بعد الله يخليكم لي ماقصرتوا معاي في ميزان اعمالكم انشالله
بنات انا بتكلم على طول انا قلتلكم عن موضوعي ان صارلي تقريبا سنه ونا عند اهلى تدرون ليش لان زوجي ناوي يطلقني وقال خلاص الي بينا انتها ووداني بنفسه بيت اهلي السالفه او الخلاف الي ادى الى هذا كله راح اقوله لكم اول شي كنت تةن راده من زعله بعد وقعدت عنده شهر ومره كنت رايحه عندبيت اهلي وكان العيد الي السنه الى طافت الله يهداني بس ياليتني مادزيت المسج هذى قتله تعال وسو شغل حق ولدك وبعدين اعتذر ونا عصبت عليه قلت يالله ياتتعدل اسلوبك يا خلاص وبعدين دزالي مسج قالي انتي الي جنيتي على نفسك تري وبجي اكلك ابوج وقتله تعال وقلبي يرقع من الخوف والله بس شسوي تعامله معاي جاف ومتغير علي
وبعدين وصل بيتنا وكان ناوي ياخذنا معاه بس طلعوا اهلي كلموه وبعدين زعل وطلع من البيت وقال حق اخوي بطلقه خلاص المهم نطرت يومين بعدين رحت شقتي بس تفاجات في رده فعله انه خلاص مايبي اي شي وناوي على الطلاق ووصلني بيت اهلي كان حييييييييييييل مجلروح ومعصب مبين عليه
وهذا انا عند اهلي وبس حاولت في البدايه اعتذ1ر واتنازل علشان الجهال وادز مسجات بس مايرد كلش وطبعا الفتره هذي كان يشوف عياله بس مو بس مرات يطول مايشوفهم يقعد ثلاث شهور ويعطيهم مصروفهم
اقولكم شغله بنات في البدايه كان يقول بطلق ويالله نحدد نروح المحكمه وبعدين يكلمونه اهلي يقوله يالله قال لا انا اسويه بروحي هالكلام من زمان ونا ليلحين ماادري شسوي بعمري والله
بقولكم شغله عن شخصيته مايراضيج لو شنو ولازم انتي الي تبادرين وتحلين المشكله ولو انج مو غلطانه وهو شخصيته معقده وصعبه وسبق له الطلاق من قبل
بس اخر فتره جتني مسجات من رقم غبير هو طلع يسلم ويقول مشتاق
بس انا بنات استخرت علشان اهلى يكلومنه علشان يشوفون الوضع بس ماارتحت ننطر يمكن تجي منه الرضا هو لازم احد يحركه
بس مرات اشتاقله ومرات احقد عليه على الي سواه فيني ترى بنات سبب مشاكلنا جلوسه على النت حيل والسوالف الثانيه
ونا بعد استغليت فتره رمضان ودزيت مسجات بس مايرد كلش وادز وادز بس مافي استجابه
بنات ضايعه شسوي والله احترت مابي الطلاق
الله يوفق الي ترد وتعطين حل
|
المشاركة الأصلية كتبت بواسطة australia girl
 الله يرده لج يارب ..وانتي موقفج زين ..انا براي تحاولين تشوفين امه وتحاجينه يمكن مايكسر بخاطرها وتنصلح اموركم ..والله يرده لج يارب ..واقري سورة البقره والله لها نتيجه انا جذي ريلي عنيد ومره وصلت لشي كبير وقريتها والله بس مره ورد صالحني من كيفه انا تفاجات من تصرفه ..
|
بعد عمري مشكوره انتي اول وحده رديتي علي
كلمت ابو زوجي بس مافي حل
والله يرزقج انشالله بتوام صبيان انشاللله
31مشاهده ورد واحد بصراحه زدتوا همي
انصحج تتنازلين وتعتذرين له وتقولين كلام حلو له وانسى سالفة كرامة بين زوجين ترا ماكو كرامة بين زوجين وارجعي عشان عيالج وعن سالفة نت كلنا نشتكي من هالمشكلة ما لنا غير ندعي لهم بالهداية وغضي النظر عنها وتفضي لنفسج ولعيالج
واقرييييي سوره البقره واستغفري ربج ١٠٠ مره بنيه انه الله يهدي زوجج ويرجعه لللج ياارب وصلي الثلث الاخير من الليل مافي شي بعيد عن الله سبحانه انتي حاولي منتي خسرااااااانه
واعلمي انه مهما كانت النتيجه خيررر من ربببببج وعسى ان تكرهو شيئا وهو خيرا لكم
والنت والسوالف الثانيه تتغير مع الوقت والمسئوليه ينساها فكري بعيالج ووضعهم بعيد عن ابوهم على شغلات بإيدج تغيرينها بس شوي شوي وبدون عصبيه لأن الزوج العصبي يبيله وحده عكسه عشان تعيش معاه يعني وحده هاديه عاقله والله يهديكم جميعا ويهدي بالكم ويجمع شملكم عالخير والمحبه
ماتبين تتطلقين ولا تبين تكلمينه ولاتبين تتغاضين عن اخطائه شالمطلوب الحين
واظن انا رديت قبل عليج بموضوع ثاني خلي اهلج ينادونه ويقولوله يايطلق يا يرجعج
يمكن لانادوه وحس المسألة صج يرجعج يمكن لاطلقج يندم ويرجعج بالعدة ماتدرين
اما قاعدة جذيه معلقة فيه امل كبير ومعلقة نفسج فيه لا والله
شوفي ليش ما تعتبرين قعدتج ببيت اهلج لصالحج وتسوين الاشياء اللي ما قدرتي اتسوينه عنده , وانتي تقولين انه يدز انه مشتاقلج يعني راح يتلحلح ويردج خاصه انه ماطلق معناته بس بيربيج عشان ما تكررنها ان شاء عن قريب بس اختي وين اهله من الموضوع انتي شلون علاقتج فيهم , لانها لو زينه اظن لاااازم يفيدونج واذا مو زينه اذا رديتي عدلي العلاقه وياهم عشان اي مشكله يساعدووووونج
|
المشاركة الأصلية كتبت بواسطة بمبة المفترسة
يعني انتي ما ادري شتبين بالضبط ؟؟؟
ماتبين تتطلقين ولا تبين تكلمينه ولاتبين تتغاضين عن اخطائه شالمطلوب الحين واظن انا رديت قبل عليج بموضوع ثاني خلي اهلج ينادونه ويقولوله يايطلق يا يرجعج يمكن لانادوه وحس المسألة صج يرجعج يمكن لاطلقج يندم ويرجعج بالعدة ماتدرين اما قاعدة جذيه معلقة فيه امل كبير ومعلقة نفسج فيه لا والله |
اذا انا رايحتله البيت برجولي اول السالفه وقال لا خلاص ووصلني بيت اهلي وادز مسجات ماكوفايده ذليت نفسي ذل والله
اخاف اذا احد كلمه يقول يالله نطلق ونا خايفه ماابيه يطلقني شسوي ياليت هو الي يبادر
اكثري الاستغفار
صدقيني بتنحل كل مشاكلج