واقع ثانوية ام الهيمان من يوقف الامر عند حده

اهلين بنات كيف الحال

موضوع العصر مدرسة ام الهيمان

\\\\\\\\\\\\\\\\\\
والله انا اليوم خلاص طقت كبدي يعني الصبر له حدوده والي يسير بثانوية ام الهيمان صار تااااااف وبدء الموضع يمصخ صراحه ….

انا متاكده الكل عنده فكره عن ثانويتنا مستحيل محد سمع عن بلاويها … انا بفهمكن شصاير فيها

المدرسه تحولت من مكان لطلب العلم الى معتقل عسكري الله وكيلكم انا طالبه هناك باخر سنه علمي يعني ما بقى شي على التخرج تبوني اقولها بكل صراحه صرت اكره شي اسمه مدرسه بسبب الاداره احس ما عندهم شغله غيرنا يا الطالبات … يعني معقوله كل يوم تفتيش دقيق وانا لما اقول دقيق اقصد صدق دقيق يعني ما يطوفون شي حتى لو الطالبه ملتزمه ونست شغله طوااالي وراء الطابر للمحاسبه العسيره
.. وياااااا ريت بس مخالفه ونمشي لاااااااا لازم نقعد بالبرد تقريبا نص الحصه ومرات اذا نسينا الكرنيه نوقف بالبرد حصتين كاملين بالبردددددددد هذا الكلام قبل الامنحانات بكم اسبوع يعني بعز الشتاااء ونسمع كلام يعني اشدعوه كل هل الكلام والتهزيى لا مو بس كلام عادي مرات اتطرق الى تربية هلي لي
ابفهم هلي شكو بالسالفه المفترض تعطيني مخالفه وتدزني الصف او اذا انا مرتكبه مخالفه لا تغتفر تتصل على ابوي اشدعوه تسمعني كلام انا عمري ما سمعته من هلي والله ما اكذب لما اقول مره نزعتني دلاغاتي بالطابور قدام البنات وخلتني اقطهم وبعد تجريح وكلمتها الي قهرتني ( والله ما اكون انا ؟.؟؟ اذا ما مشيتكم حفاي بالمدرسه

هل هذا اسلوب يفترض ان تقوله وحده تربويه بالذمه … شسالفه اخاف انا اشتغل عندها ولا جاريت ابوهم وانا مدري هذا خلوه يمر انتو عارفين الامتحانات الي طافت كيف كانت صعببببببه وكان فيه توتر مو طبيعي
خل اقولكم شصار بامتحان الاسلاميه بالتحديد صار فيه صراخ وهواش وفلم هندي بالجنه الي لازقه جمبنا والصوت عرفناه طبعا ما يحتاج اقول من الي يصارخ ؟؟؟؟ المهم صار في البنات ربكه مو طبيعيه والله ما قدرنا نحل من الخرعه خايفين تدخل علينا وتطلع المخالفات \ ماكو شغل

المهم والا تدخل وحده همن ماني قايله منهي بس هي اكيد ذراعها الايمن داخله اتمخطر : انتو اكيد سمعتو الصوت الي جمبكم هذولا مخالفات طلعناهم من نص اللجنه وخليناهم يقطون المخالفات ويقصون اظافرهم بعدين دخلناهم … طبعا احنا صدمه ما يحتاج اوصف امتحانات 12ع نص الترم وكذا يسوون
تخبلو بالامتحان مااااكو حد يدخل نستفسر منه اي شي او اي سؤال بولا ماده ابدااااااااااا حتى الانقليزي , وازيدكم من الشعر بيت بفترة الامتحانات اللجنه كلها بغت ماي والله مساكين من الخرعه عطشنا خاصة الحمل علينا اكبر بما انه اخر سنه فاظن اننا نستحق معامله شوي حلوه تخيلو شردت علينا المشرفه

… كل لجنه لهاا بس 4 قواطي ماي انتو تصرفو … شفو التعامل بس شفو كيف المدرسه مقطعه نفسها عشان الطالبات

والي قاهرني الجرس الي لين الحين خربان و الفرصه الي حتى ما اتكمل 10 دقايق ما يمديني طلعت من الفصل مستانسه الا الجرس طاق وطاردينى على الصفوف والفرصه الثانيه 5 دقايق بالذمه وين تكفي نرتاااح من المواااد العلميه المهلكه ماني قادره اسولف سالفه على بعضها مع رفيقات الدرب == فديتهم والله صبرت لخاطرهم ولا انا من زمااااان منتقله

فيه شغلات كثيررررررررررررررره من ناحية التعامل … انا خلاااااااااااااص طقيت وزهقت 3 سنين بهل العذاااااااب حتى الابلات يهربون من المدرسه ما يبونها وصرااااححه ما الومهم … ترا حتى الابله ينلعن خيرها عندنا وتهزء قدام الطالبات … انا مستغربه شنو هذي مو معلمه لها حجمها ومكانتها قدام طالباتها ليش يهاوشونها قدام الطالبااات

اتمناء المدرسه تتغير ويعطونى مجاااال نتنفس ماكو فرصه ماكو وناسه
\\\\

\\\\\\\\\\\\\\\\\\

الي عندها شي بتضيفه او ملاحظه على ثانويتنا المثااااااااااااااااليه جدا لا تردد

لازم لا يشددون ولا يرخوون مع الطالبات يعني في حلوول وسطا

الله يعيييين بس

سؤال حبيبتي منو يهزأ المعلمه مافهمت عليج ؟؟ تقصدين الناظره؟؟
الاداره زينه ولاشنو بالضبط؟!
انا اللي فهمته انه مدرستكم موشي بس ماني عارفه شنو السبب،،؟
ومن ناحية التفتيش كل المدارس اتفتش شي عاادي ترا ومن ناحية الزف كل الابلات يزفون البنات اللي يسوون شي غلط بس عاد ماتوصل انها تطرق لاهلج اهني وستووب عااد
والله يكون بعونكم وعون الجميع

ايه قلبي تقيم الابله وتنقد عليها قدام الطالبات وصراحه سمعت كذا بنت قالو هذا الكلام ينص الحصه تقعد تهاوش ليش تسوين جذيه وليه وليه ووين التواريخ ودري شنو باسلوب شوي

مدرستنا تفتيشها مو عادي وزفها مو عادي مو نفس كل المدارس احنا جدااا متطرفين ويحبون يضخمون السالفه …. من ناحية الاداره فحدث ولا حرج … صراحه اذا تعبت وبغيت اطلع مستحيل يطلعوني لو فيني الي فيني السالفه صارت برفيقتي حيل اتعبت وصارت بحالة الم مو طبيعي ,,, تبكي وتصرخ من بطنها المسكينه توها جايتها الدوره الشهريه بالمدرسه وهي من النوع الي ما يستحمل

المهم محد يرضى يطلعها خايفين من ال,,, اكيد والعنو خيرها من الممرضه للاداره يمين ويسار قعدت 2 ساعتين او اكثر الاداره تقول ما يصير والسستر معطيتها الورقه والي بيدها اتطلعها برا وتخليها تتصل اختفت والله انا انقهرت عندهم حالة احتقار للطالبات سبحان الله ماكو طالبه تعبانه لاااااازم عياره ,,, ترا احنا بشر نتعب نفسنا نفس اي احد

اتمناء مدرستي تكون مكان احبه وارتاح فيه لانه بالتهايه بيتي الثاني واقضي فيه ساعات طويله خمس مرات بالاسبوع على مدار السنه … فهل اتظنون التضييق على الطلاب ومعاملتهم بهذي الطريقه بتفيد باي طريقه

الله يعين تخلص السنه على خير وافتك

حبيبتي ميمو كلامج ٥٠٪ صحيح بس اللي يسمع غير عن اللي يشوف واحنا جربنا مدارس ام الهيمان تصرخ من كثره الكثافه الطلابيه والبنات ثلاث ارباعهم فالتين سوري على الكلمه بس هذا الواقع والمخالفات حدث ولاحرج واخص ثانويه ام الهيمان انا كنت فيها والله ماكنت اتنفس من كثر الازدحام والبنات صعب السيطره عليهم عشان جذي لاتلومون الاداره في شدتها لو مو هالشده كان الله اعلم بحال هالثانويه انظروا للموضوع من جميع الجوانب

حبيت بس اوضح وابين لج الموقف

امشي عدل يحتار عدوك فيك
ليش تخالفين الانظمة اذا ماتبين تسمعين كلام
هذا وانتي تبين تتخرجين الحين يعني عارفه النظام اكثر من غيرك
غريبه في مدرسه بالكويت شاده مع البنات ؟؟؟؟

اب اب اب

انا كنت مدرسة ام الهمان صحيح هم مشديدن حيل وفتشون باي وقت واي واحدة نسيت الكرنه او حواجبه رسمتهم وقفة حصتين كاملين بالطبور صراحه عقاب سخيف مافي احترام للبنات بس عقاب وسب لا وبلامتحانات حيل الصرخ عند بعض البلات

هو بشكل عام الناظرات مجنونات ودايم ما يحطون ناظرة ووكيلة إلا اللي فيها عقد نفسية
ألا ما رحم ربي طبعاً . .
اللهم من كل المدارس اللي فريت عليها ناظرة وحده مثل الأوادم وهي ناظرة مدرسة الواحة أما الباقين لا بالله مهن صاحيات عقد نفسية يا كافي الشر . .

معلومة لج غاليتي :

أولاً العقاب البدني من توقيف ساعات بالبرد والحر ها ممنووووووووع من الوزارة نفسها
ثانياً العقاب النفسي من تحقير وسب بذئ وشتم ممنوووووع

والتربوية اللي دراسة طريقة التعامل وعارفة السلوكيات ما راح تحتاج لهذه الأساليب عشان تضبط المدرسة
وأصلاً محد يستخدم هالأساليب إلا اللي شخصيته ضعيفة مو قادر يسيطر على الوضع إلا بالتخويف

أما سالفة التفتيش فعقابها أنذار وإذا تكرر أستدعاء ولي أمر أو خصم من درجة السلوكيات من جميع المواد
يعني الدرجة اللي بيد الأبلة ع سلوكج تأخذين فيها صفر ويعمم أسم الطالبة ع الأقسام ان مالها درجة شفهي اللي هو بعد سلوكج بالصف . .
هذا التصرف السليم اللي درسناه بكتب طرق التدرس وسيكلوجية التعلم ما إلى ذلك . .
أما التخويف وتحويل المدرسة إلى معتقل غونتانامو هذا أمر مرفوض . .

الحل :

جهل الطالبات بالقوانين بعد يخليهن عرضه للتمصخر , يعني ترا انتي مو مضطره تتحملين سبها وشتمها
تقدرين ترفعين عليها شكوى بالمنطقة التعليمية ولا تقولين ما يوقفون معاج لا حبيبتي . .
أنا مره رفعت شكوى على ناظرة مدرسة لما كنت صغيره . .
يعني كنت بثالثة متوسط قبل 15 سنةخخخ . .
وطرشوا مثل المندوب يحقق مع الناظرة ونادوني بمكتبها وقلت أيه طقتني طراق
والسبب صارت شوشرة بين البنات بندوة وراحت وتأشر علي تقولي قومي انتي وانا يا غافلين لكم الله
واجي عندها وتقرص أذني تقول ليش تسولفين قلت لها أبلة مو انا وقبل لا اكمل ولا جايني طراق ؟؟؟؟؟
فشلتني جدام نص المدرسة والمدرسات وانا مظلومة والله جتني حالة صدمة ما تكلمت ورجعت البيت ولا قلت ولا كلمة ولا تغديت وسألني أبوي وأبطها بجيه
قال أنا ما طقيتج تجي هذي تظلمج وتطقج طراق جدام الأوادم يا عل أيدها الكسرر
أنا موديج مدرسه تتعلمين ولا تنهانين
ومن بكره رحنا المنطقة التعليمة وقدمنا شكوى والجلبه أنكرت بعد . .
النتيجة . . أبد ما كملت شهر ونقلوها وصارت الوكيلة هي الناظرة

والله من كثر ما شفت من الأبلات ما كرهت التدريس ولا كرهت الأبلات
وهذاني أبلة تربية إسلامية وحتى توقعت بتجيني عقدة وأصير اطق طالباتي
وبالعكس والله أحن علي منهم ماكو وقادرة أضبطهم بنظرة وحده من دون تخويف ولا غيره لإنهن يخافن ع زعلي والمدرسة كلها تحبني
حتى خامس يحبوني وأرفهم مع اني ما أدرهم اللهم لك الحمد
لدرجة كسبت غيرة بعض زميلتي المدرسات بالمدرسة ويقولن لي انتي مسويه لهن *** يحبنج ؟؟

ههههههههههه سوري هذرت واجد بس لازم أبين اللي لج واللي عليج