وأخيرا سويت عمليه خشمي عند د.بشار رباح بتفاصيل الممله

طبعات بعد معانات انا وأهلي وريلي أني اسوي العمليه وبعدما شفت بنات خالتي و مدح كذا اخت أهني بالمنتدي وبره المنتدى صليت استخاره والحمدالله ما حسيت باي شئ وحجزت موعد سافرت سوريا بتاريخ 1-2 واول ما وصلت المطار حطيت اغراض بالفندق رحت علي عياده الدكتور حق الكشف دشيت كان عنده زحمه وكذا جنسيه سوريا ولبنانيه والخليجيه المهم سالت الرسبشن وقتلها عندي موعد قالتي روحي الغرفه الثانيه دشيت سألتني شنو اسمح وجم عمري ومنو المرافق اللي معاي وصورتني من كل جنب وجذام وتحت وقالتلي باجر العمليه 2-2 الساعه 8 اكون أهناك وعطتني عنوان المستشفي وورقه فيها التحاليل ودخل الدكتور علي يبتسم ونفسيته حلوه كشف علي وقالي شنو احتاج وشنو يمشي معي وتقاطيع ويهي وكانت عندي صوره وريته الصوره وقتله ابي نفس الرسمه يعني مو مرفوع ولا مكبوس بس القياس اللي يمشي علي ويهي وقالي ييبي معاج الصوره أشوفها مره ثانيه قبل العمليه توكلت علي الله و رحت تمشيت بالسوق وتعشيت ورديته الفندق أنام استعداد حق العمليه طبعا يومها مانمت بس اتقلب لأني جبانه وأخاف من الابر والعمليلت المهم صار الصبح قمت خذيت شور وتدفيت وتلبست وطبعا مو مأكله شي رحت المستشفي فتحت ملف سويت تحاليل دم وحذت عينت زيت من الأذن صعدوني غرفه مشتركه وعطتني الروب تلبست وخذوني علي العمليات طبعا لما صارت الصجيه خفت وايد وقعدت أتشهد وأوصي ويلي علي ولدي وعلي نفسه ودخلت ومعاي تلفوني حطوني علي السرير يايه دكتور التخدير حط الابره بيدي بس ما حطلي منوم لأني بكلم الدكتور يايه الدكتور كلمته وقالي انا مو ناسي الصوره ولا تحاتين شي طبعا الاستاف كان مريح ويضحكون ويتغشمرون قالي دكتور التخدير قول بسم الله عقبها ما حسيت نفسي الا وانا بالغرفه طبعا من التخدير او المنوم قمت اخربط ومعاي بنت لبنانيه بنفس الغرفه ريلي استحى يدخل كلم السسترات ودوني غرفه بروحي قعدت علي ما صحصحت وكل اشوي تيي السستر تشوف شنو ابي صعدلي الدكتور تحمدلي بالسلامه وقاللي شنو الممنوعات و سالته جم سؤال المهم قالي تقدرين تطلعين لبست ورحت الصيدليه خذيت الادويه والشاش رديت الفندق ريحت وعقبها طلعت تسوقت اشوي طبعا الجو بارد وايد وما اقدر لتنفس الا من حلجي لانه حاط فتايل داخل خشمي وان شات الله باجر أشيلهم قبل لا ارد الكويت وأي استفسار انا حاظره

ألف ألف مبروووووووك^^

الحمد لله على سلامتج .. وإن شاء الله تكون النتايج رووعه مثل ماتتمنين
ونااسه هذا تجربه جديده منج عن الدكتور بشار..
بيتشجع أبوي يوديني له
بروح بشهر جمادى أول.. على بدايته

الحمدالله على سلامتج و انشالله تطلع النتيجه حلوه مثل ما انتي تبينها

بس ويهج ورم وايد ولا شويه؟ و جم كلفتج العمليه مع التذاكر و الاقامه؟

مبرووووووووووووووووووووووك الخششم اليديد ههههه
حمدلله على سلامتج وان شااء الله تكون النتيجه مثل ماتبين
طمنينا بعد ماتشيلين الجبس وقولي لنا كل شي تحسين فيه
وادا ممكن تراوينا صور بعد
وبسئلج عادي اسوي العمليه 3 ايام وارد من سوريا يعني ماقال لج المفروض تقعدين اسبوع لين اهو يشيل لج الجبس ؟
والله تشجعت اكثثثر هدي التجرربه الراابعه في المنتدى
خلاااص فااطمه انا وانتي رايحين رايحين ههههههه

حمدالله ع سلاامتج حبيبتي …
وان شاءالله تبشرينا بأحسن النتايج …

الحمدالله على سلامتج حبيبتي

انشالله تطلع النتيجه مثل ماتبين

بس الحين بسالج انتي لازم تقعدين سبوع عقب الجراحه ؟؟؟

والعمليه شكثر كلفتج ؟؟؟ مع الادويه والتحاليل وفتحة الملف

الحمدالله على سلامتج

حمدلله على سلامتج وان شاء الله تكون النتيجه مثل ماتبين واحسن يارب
ممكن توريناا صور …

الله يسلمج حبيبتي توكلي على الله وسويها انا كنت خائفه بس الدكتور ريحني والحمدالله

الله يسلمج حبيبتي لا والله رحت الثلاثه ورديت الخميس يعني بس 3 ايام والعمليه طلعت علي مع التحاليل والادويه ب170 دينار

الله يسلمج حبوبه ان شاء الله يطلع مثل ماابي والله الحمدالله ويهي ما ورم ولا زرق و العمليه طلعت على مع الادويه والتحاليل ب 170 والتذاكر على الكويتيه 170 د.ك والاقامه فندق فور أستار ليلتين ب 120

حبوبه الله يسلمج ان شاء الله يطلع حلو ، لا عادي انا رحت ثلاث ايام و رديت قالي شيلي الجبس بعد اسبوع عند اي دكتور تجميل وتوكلي على الله وروحي انتي و فطوم

الله يسلمج يالغاليه ان شاء الله

الله يسلمج يالغلا

الله يسلمج يالغاليه وان شاء الله يطلع مثل ما تمنيت بحاول احط الصور عقب ما أشيل للجبس ويخف الورم *