هوس الليالي الرومانسيه

السلااام عليكم ورحمة الله وبركاته

:eh_s (4):

خواتي حبيباتي عضوااات منتدى كويتيااات

انا حابه اناقش معاكم موضوع او بالاحرى هوس انتشر بالسنوات الاخيره وماندري هالشي له مردود ايجابي او سلبي على الحياة الزوجيه

اللي هو مايسمى ب الليالي الرومانسيه

بنات انا متزوجه لي 13 سنه الشي اللي اذكره انه كل ليالينا هاديه ورومانسيه باني اتعدل واتزكرت بالبجامه الحلوة ولا الروب الناعم مع مكياج خفيف وطبعا شور قبل النوم وانتظر زوجي لا انطر شنو بيسوي ولا انتظر يمدح لبسي بالعكس احيانا نتناقش واحيانا تصير متعة اللقاء بينا بدون اي مقدمااات
لكن اللي صار اللحين ولما فكرت اني اطبقه والله حسيت له انعكاس سلبي على تفكيري وعلى نظرتي لزوجي
قلت خلي اسوي هالليالي اللي يتكلمون عنها البنات بس شنو صااار احيانا يجي الزوووج تعبان ولا متضايق
عاد تخيلي نفسج عاد ينقلب المزاج ويقوم المخ يلعب شفيه وش وراه اكيد مايحبني ووووالخ
زين ليش هالخبه يبا الله لايهينج اذا عندج مناسبه عيد زواج عيد ميلاد ترقيه لزوجج اي مناسبه حاسه انها تستاهل الاحتفال اكشخي كانج رايحه عرس وسوي حفله بينج وبينه حسسيه بحلاوة المناسبه
وكان الله غفور رحيم
بمعنى واختصار للكلام هل هالليالي الرومانسيه اللي انتي كل يوم والثاني خابه الرجال فيها ضافت لحياتج الزوجيه شي ؟؟؟؟؟؟؟؟؟؟؟
ولا انج تمتعين بالهدوء والاستقبال الراقي كل يوم لزوجج وتحسسينه ان وجوده بقربج يكفيج وتبهرينه باحتفالات للمناسبات الخاصه والعزيزه على القلب ؟؟

اترك النقاش لكم واتمنى محد ينتقد وجهة نظري مع العلم انا رومانسية درجة اولى لكن هالليالي اللي خبونه فيها احس هزت علاقتي بزوجي وخلتني اشوف زوجي انه عديم مشاعر
مع العلم ان الرجل له احتيااجاات خاصه فيه لازم الزوجه تهتم فيها بدل مو مضيعه وقتها بالاشياء هذي اللي ماراح تضيف اي شي لعلاقتها مع زوجها
فياليت من المتزوجات يقولون لنا عن دور هالليالي الرومانسيه وهل لها دور خلي البنات المقبلات على الزواج او الحديثات العهد بالزواج يستفيدوون علشان مايقولون ليش الرجل بالاخير يخووون
اترك لكم الكيبووورد

يلا بناااااااااااااااات

انا اشوف كل وحدة اخبر بوضعها وبزوجها
مافي قانون يمشي ع الكل بخصوصها
والافضل خليها بوقت معين مو كل حزة
على سبيل المثال
اول لقاء بعد الدورة خبي نفسج فيه
وهو بيكون مستعد ومتوقع
يعني لا تفاجئينه
وانت تدرين يبي ينام مبجر
او عنده شغل مهم
كل وحدة تعرف وقت زوجها وروحاته وجياته
يعني هيئيه نفسيا للقاء
ف يجهز نفسه
بس مااشوف لها علاقة بالخيانة
يعني اللي ماتسويها زوجها بيخونها واللي تسويها بيصونها
ومتعة الاستعداد للزوجة اكثر
تدرون اشلون؟
استعدادها قبل اللقاء والروحة للتسوق وتلوق وتبدل
وتضيف لمساتها للغرفة
مثل ماتستعد لزيارة او استقبال احد
مو دايما بسيطة ومكياج ناعم ولبس عادي روتيني
حلو الجنون
واستخدام المنتجات والالعاب الزوجية بين فترة واخرى
واختيار موديلات جديدة تلبسينها غير اللي متعودة عليها
حتى لو مو حابتها بس كافي التجربة الجديدة ( لأني اشوف بنات يترددون علشان لا زوجها يضحك عليها )
عادي خلو الضحك مشترك
وتكون ذكرى حلوة تضاف لذكرياتكم
وارد واقول كل وحدة اخبر بزوجها

8

8

8

8

انا معك كل شخص غييييير عن الثاني

بالعكس التغيير حلو لي انا اولا ثم اهوة ،، حتى احنا ساعات ايينا احساس بالملل من العلاقه العادية والشموع والقميص

ادور بالنت افكار وحركات بسيطة خفيفه مااخب روحي كلش

في ليالي ذربه رومانسيه صج اما الحركات المبالغ فيها كلش مو مطلوبة

وكل وحدة تعرف متى ريلها فاضي ومتى يرد مبجر ومتى يكون بيسهر ومو فاضي ومتى له خلق

خواتي اللي ردوا كلامكم حلووووووووووجميل وفعلا اللي قلتوه هو عين العقل وفعلا بعض الخوات قالوا كل وحده اخبر بزوجها
لانه في ازواج يحبوون الاكشن والحركات
بس انا اتكلم عن الهوس اللي ملحوظ عند المتزوجات اللي مايمر اسبوع الا مسويه مفاجئات وحركات
عقلية الرجل يبيلها شي اكبر من هالامور فعلا عنصر التغيير مطلوب بس اللي مو مطلوب انشغال الزوجه بالامور هذي وبالاخير ومانقول الكل تلقى زوجها يخونها وهي تقول بنفسها انا ماقصرت معاه
الرجل يبي اللي تفهمه يعني افهمي زوجج اولا وفاجئيه ثانيا

لا هذا موضوع ثاني

انا دايما اقول
الرجل بحاجة للاحتواء النفسي والروحاني قبل الجسدي
يعني حتى الزوج المعدد بيحصل الجنس من اكثر من وحدة
بس يلقى راحته بالسوالف والضحك عند وحدة اكثر من غيرها
يعني ريحي زوجج بالسوالف وبالوجه البشوش والقعدة المريحة
وتالي راح يجي الاحتواء الجسدي تلقائي
لا تظنين لو للحظة ان الجنس قبل
لأن السالفة حب وارتياح مو غريزة
ولا تصير علاقة بهيمية حزتها
وبعدها سوي مفاجاتج ولياليج لو كل يوم
دام مرتاحة على جذي

حلو التغيير بين فتره و فتره و اكيد بالمناسبات بعد

ناتشووو كلامج حيل حلو وهذا اللي ابي اوصل له
اننا احنا شريكات العمر مو تفكيرج بس منصب على انج تكونين له كفتاة هوى بالعكس الرجل يبحث عن صديقه اكثر من جسد للمتعه
ونفس ماقالت ناتشو انتي اذا ابهرتي زوجج بضحكج معاه وسوالفج اللي يرتاح لها فاجئييه حتى لو كل يوم مو مهم
بس الاهم لا تشغلين مخج بالامور الثانويه عن الامور الاساسية

في رجاجيل يحبون المفاجآت والتغيير

خصوصا اذا في مناسبه عيد زواج فلانتاين عيد ميلاده راح يستانس اني خابه روحي عشانه

وبالعكس تصير مواقف حلوه وذكريات ما تنسي

وهم كسرت روتين الرجاجيل يملون من الروتين

وبالنفس الوقت هم الشي اذا زاد عن حده ينقلب ضده

ما امصخها واخلي كل يوم ليله رومانسيه او مثلا بالاسبوع مره لا

حلاتها بالشهر بالشهرين بالثلاث اشهر مره عشان يكون لها طعم مميز وما يكون شي معتاد

انا ريلي ماتناسب معاه هالمفاجأت تدرون ليييش اول مايدخل البيت حط على العربيه تالي الجزيره تالي تصير الساعه وحده تطلع اخبار الرياضه عاد اهني ذبحيه ولا يسكر تلفزيون واطوف اخبار الرياضه بالله ماتقولولي شلون بسوي مفاجأت وليله رومانسيه مايصلح ليله حمرااااء مع العربيه والجزيره

حبيبتي بطاري المفاجئات والرومانسيات
قلت خلي اغير شوي من اللي هو معتاده
لبست البس المغري واضواء الشموع تتراقص
وبوفيه صغير على حب قلبج وما تتخلينه موجود
والموسيقى والنغمات الهادئة اللي تخلي الحايط يتحرك
والجوو المو طبيعي اللي يتمناه كل رجل
بس للاسف شفت العكس
واعتبر هالاجواء مو مناسبه له وما يحبها
قام يحس ان هناك واجب لازم يسويه بعد هالاجواء
مثل الشرطي منتظر دوره
ههههههههه
من يومها بطلت هالاجواء
وظلت ايامنا وحياتنا عادية
وهي اللي يحبها زوجي
ومشكورة قلبي

انا وحده ماتعجبني هالليالي احسها سخاااااافه واحس نفسي هبله لووووول حتى زوجي مايحبها

بو سروال وفانيله مو اختصاصه هالحركات انا واقعيه شسوي

هذا الصح والوحده ادرى بزوجها وعشان جذيه قاعد اشوف شكثر بنات والله يكسرون الخاطر خاابه روحها بالمفاجئات وكل اسبوع قصه وحركه غريبه وبالاخير تشكي ان الرجال مايقدر
نست انه رجل شرقي وهالاشياء يمكن تعجبه وتونسه بس ماهو محتاجها بالدرجه الاولى

هذي المشكله بعض الاواج بالمره هالامور ماتمشي معاهم فالزوجه بعد ماتتعب وتجهز كل شي تلقاه مو معبر هني عاااد تلقينها ميته من الحره معناته زوجج يبيله من اول مايدخل مضبطه الجو حاطه على العربيه مع مطارة الشاي ومضبطه القعده هذي عنده احلى اكشن تسوينه ولا بعد ساليه وسايريه علشان يحس انج مهتمه باهتماماته راح تلقينه يغرد خخخخخ

للاسف كثير من البنات صارت معاهم وبصراحه حتى انا مره قالها لي انا مااهتم للامور هذي بس هم مو معناته اني اهمل المناسبات الخاصه بس عرفت زوجي شنو يبي وابتعد عن المبالغه في الشي
معناته يابنات كل وحده ادرى بوجها واصابع ايدج مو سوا
مو تنتظرين من وجج ردة فعل زوج رفيجتج

لا عاد توت مو عاد كلش انتي حاولي بمناسبه انج تفرحينه بس مثل ماقلنا المبالغه والهوس هالشي مرفوض لانه فعلا شي دخييل على حياتنا