هل يحق للناظرة التجسس على المدرسات ؟

السلام عليكم خواتي …. الحياة في عالم المدارس والعمل مع النساء يقصر العمر لا وبعد يسبب كل الأمراض الحديثة .. من سكر وقلق نفسي وضغط واكتئاب .. صراحة اليوم صار موقف حز في نفسي … والسبب يا بنات الناظرة .. قامت بعمل كبسة عل لا وبعد كمين تدرون ليش .. طالب حصل على درجة متدنية بالامتحان لا ولللأسف أنا بعد مرفعته ومعطيته أكثر من حقه .. المهم الأم والأب طبعا من اخوان العرب لا ويا ليت كويتين بعد يمكن نتقبلها … الأم والأب طبعا موصين كل الجمهورية من الجماعة في مدرستنا ويش كثرهم المهم عسا ما شر ما وعيت الا والناظرة مبطلة الباب يعني حضرتها ضابطه الدور كمين حتى تصيدني بالجرم المشهود .. استغربت وانا المتعلمة المتميزة ان تدخل علي الناظرة بهذا الأسلوب كان قلبي من الصبح حاس المهم عسا ما شر يا الحبيبة قالت انا ما أنا في زيارة بس دقايق أب أطلع يعني بالعربي الفصيح جولة تفتيش تفضلي يا الغالية المهم أخذت تفتش كتب الطلاب .. كتاب كتاب بعد ما صرقعت الطلاب شوي الا سألت عن البيه المحترم .. وقالت وين فلان راحت تتأكد من دفتره بعدها نزلت قالت لحقيني بأوراق الأمتحان لولد البيه .. المهم أخذت أنا الأوراق بعد الحصة وبعثتهم لها قلت شيكي يمكن أنا ظالمته لا اكتشفت اني زايده ولد البيه بعد رأفة ورحمة كويتية قلبي طيب .. بعدها تجمعن حولي الأخوات المعلمات الوافدات ويتوسطن وقالن ماعلش .. قلت ماعلش والله المره الجاية لأصلح بضمير عدل وأعلمكم كيف تشوهن صورتي وتتهمني بظلم الناس .. بس هذا اللي عندي خواتي انفقعت مرارتي عسى يربي تفرج لي بس من الوزارة التعبانه أستغفره وأتوب اليه..ولا حول ولا قوة الا بالله العلي العظيم. بس أبي النحشة من التربية

الناظره لازم تتحقق من كل شكوى توصل لها

بس في طريقه احسن انها تناديج وتستفسر منج عن مستواه بكل وضوح

في ناس ياااااااحبهم للتصيد ,,,, مادري شنو بياخذون من الدنيا

حبيبة قلبي أولا لا تحترين
ثانيا .. ليش تقولين تتجسس.. من حق المديرة والموجه ورئيسة القسم الاطلاع على دفاتر الطلبة..
ماتدرين اهي شنو انقال لها واشلون شيشوها..
عموما دايما لا تسوين لاحد خير يتقلب عليك.. خليك سيده محل له عليك شيء
والله يوفقك

ليش تشوفين اللي سوته انه كبسة عليج …عادي دش الصف وتشيك على كتب التلاميذ
احس خذيتي الامر بحساسية وانتي تقولين موظالمته ليش متضايقه
احس عادي هذا نوع من متابعة التلاميذ وهي وطريقتها بعضهم تاخذ الكتب موب بحصة المعلمة وهي جات بحصتج شنو المشكلة؟؟؟؟

حبيبتي

بصراحه الموقع عادي ومن حق الناظره تدخل الفصل بأي طريقه وبأي شكل

دام ماغلطت عليج جدام الطلبه معناته المديره علي حق

وهذا حق ومافيه زعل

والمدرسه بيت المديره .. ويحق للمديره تفتش .. تراجع الإختبارات وبأي شكل اهي تشوفه مناسب

ماأشوف الموقف فيه أي غلط .. والحمدالله مالقت عليج شي .. وتري شي عادي حبيبتي

ناظرتي صج عصبية بس راقية بزياراتها لنا
لايمكن تسوي الحركة هذي لو شنو
اذا في مشكلة تدز رئيسة القسم اتجيك على طالباتنا وتخليها تناقشنا

بصراحة ما اعجبتني حركة ناظرتج
مادري يمكن ما تعودت على هالاسلوب

ماحبيت الحركه

كانت تقدر تناديج وتطلب الدفاتر ويصير كل شي بصورة اذرب وارقى من جذي

ولا تزعل المعلمه ولا ولي الامر

آنا أحس بعد شي عادي جدا ولها الحق تفتش بأي طريقة كانت

بس يمكن لو مناديتج تحت من غير ما تدخل الصف وتطلب منج أوراق الإمتحانات أحسن لأنج متميزة

الحمدلله مدامج متميزة لا تخافين يالغالية

موفقة إن شاء الله تعالى

يا حياتي طريقتها وهي داخله خرعت الطلاب .. شفتي الواحد اللي مضيع شي وقاعد يدور عليه هي كانت تتصرف بهذه الطريقة ربكت الطلاب حتى المساكين تخرعوا .. حتى واحد منهم من طريقتها طاح علي بعد ما طلعت من الخرعه وهويصيح من بطنه مع ان الولد ما كان فيه شئ قبل لا تدخل بس تخرع منها .. وثاني قعد يبكي والله العظيم دخلتها خلتني أتضايق فيه طريقه أرقى كا ممكن تدخل بزيارة عادية وتقعد على الأقل قولي عشر دقايق هي تدري انني معلمة متميزة في عملي .. وبعدها تقول طلبها اللي تبيه صدقيني انا مو حساسة بس يقولون في المدرسة عنها عجايب الدنيا وانها تحب التصيد .. وان طريقتها هذه طرقه غير تربوية .. أبدا … حتى انا سمعت ان أهل الطالب كانوا عندها .. وأنا رحت لها بعدها وأنا واثقة من نفسي والحمدلله بس أنا طبيعتي أحب الشخص يصارحني ويقول الشئ اللي يبيه بدون لف ولا دوران .. طرق المباحث هذه ما تعجبني .. حتى مدرسات المدرسة لاحظن هذا الشئ وقالن ناظرتنا تحب التصيد لكن هذه أول مرة تعامل مدرسة بهذه الطريقة .. أنا معاج لها الحق تشوف الكتب والدفاتر لكن مالها حق تقول قدام الطلاب أنا ماني جاية أزورج بس دقايق وأخذت تفتش الكتب وبعدين طالعت في الطالب اللي كان متشقق من الفرحة لأن البهوات اهله تحت يعني امه وأبوه راح يراوني العين الحمراء والدليل الناظرة جاية بنفسها حقي والله غريبة ويش دخل الكتب في امتحانه .. مع اني أتابعهم أول بأول وهي أول الناس عارفه في هذا الشئ … بس ما أقول إلا حسبي الله ونعم الوكيل أستغفره وأتوب اليه ولا حول ولا قوة الا بالله العلي العظيم ..

حبيبتي مااشوف الناظرة غلطانه يمكن شوي دخلتها حاده بس اعذريها انها حبت تتطمن الي سير العمل بعد بلوغها شكوي عليج

بلاج من الي يتبلونج بقصص وسوالف موفيج وفوق هذا ياذونج بدون ذنب
والمساله بس كيد حريم هذا الموت الحمر

دام انج شغلج كله مضبوط و لا مقصره بشي لا يهمج أحد.
صج تحز بالخاطر بس لا تنسين ان ربع الباشا مقدمين شكوه و الحمدلله انج اثبتي انج على حق.
صاروا ما يستحون حسالهم بديرتهم ادفع و خذ الامتياز

بنات ليش قلبتوا الموضوع تجريح بشخص اهل الطالب
والكلام فيه عنصرية شوي
شنو الفرق بين الكويتي والمقيم
كلنا عيال ادم وحوا
اهم شي اختي انتي ما غلطتي
خلاص

لايهزك ريح
احتسبي الاجر عند الله

لو تشوفين الي عندنا تحمدين ربج على الي عندج تصدقون بنات تحرجنا جدام الطالبات اول مره اشوف ناظره جذيه تنقد يم الطالبات وبصوت عالي

نقص ثقه بالنفس

ليش محتره ؟؟ مو واثقه من نفسج وشغلج .. تشتغلين بذمه وظمير .. خلاص حبيبتي الله معاج وكاهو انصرج عليهم يوم صارت الكبسه .. انا لو منج استانس لان الحين بالذات انتبهت الناظره لاداءج انه زين وخذت عنج فكره عكس الي سمعتها منهم ..

وتسلمين