هل وصلت العلاقة بين الزوجين إلى ؟؟

سلام عليكم كويتيات و مبارك عليكم الشهر الكريم

و لأول مرة في تاريخ احط موضوع
بس هالشي لفت انتباهي و شي منتشر وايد بين المتزوجين
هل وصلت العلاقة بين الزوجين من مودة و رحمة إلى حقي و حقك و واجب عليك و واجب علي
هذا دوام في قطاع خاص و ليس بيت مليء بالمودة و الرحمة و التفاني بين الزوجين
و هذي كلمة عقل لكل المتزوجين ان حياتنا قائمة على المودة و الرحمة و الاحترام و التفاني
خلنا نعيش حياة هانئة بعيدة عن التعصب و الكماليات و التروي صح لازم تكون في مشاكل بين الزوجين لو لا المشاكل الحياة مالها طعم بس هالمشاكل لا ننسى انها تكون من انسان عزيز على قلبنا سندنا و ظهرنا بهالدنيا اذا اهو شد انتي ارخي اذا انتي شديتي اهو يرخي لا بقانون العين بالعين و السن بالسن و البادي اظلم

و اترك لكم المايك

لأن الزوجين كل واحد يكون جاي من خلفية وبيئة غير الثاني وكل واحد متربي على اسس ومباديء ممكن تكون مو صحيحه وممكن تكون مبالغ فيها .. في ناس تعتبر العطاء واجب ولازم ينرد وكل شي بمقياس وفي ناس تعطي بدون مقابل وماتنطر رد

المحبة والتسامح ضرورية بالحياة الزوجية

صاجه زنووووب

تعقيبا على كلام ام الدرر
الحين حتى اللي يبي يخطب يدور ع الموظفه عشان تساعده بالمصرف الله المستعان
جييييل تعبااان

بس الصراحة هالزمن يتطلب ألمساعده بالصرف لان كل شي غاااالي
بس الأهم يكون بالتفاهم والرضا بينهم مؤ بالغصب

حبيبتي اول شي مبارك عليج الشهر

وثاني شي حياة قبل غير عن الحين

الحين الرياييل يدفعون اجار ويصرفون عالبيت عشان جذيه بعضهم لو بيعطي مرته يقولها حدي اعطيج 150 او اذا قدر 200 بعد شيسوي اهو بروحه موملحق عنده العيال والخدامه

يعني يا مره خفي عالريال شوي ولاتتشرطين ابي ماركه وابي هديه بو 400 دينار نفس فلانه وعلانه

خفوا عالرياييل شوي

لحد تحط ببالها ريال بخيل لا وألف لا
الريال موملحق عالمصاريف مسكين
انا ماقولج دفعي معاه غصبا عليج لا عاونيه وتعاطفي معاه شاركيه هذا زوجج بالنهاية
موعيب لي عاونتيه لو بقدر اليسر ادري انج موملزومه بس على الاقل قدري وضعه كافي موفرلج سكن ومصرف حقج وحق العيال والخدامه

كل وحده تقول شخانته ريال مايصرف علي
اي يصرف عليج
بس الاجار والبيت والعيال والخدامه هذا كافي حتى لوماقدر يعطيج عندج معاشج
يكفيج ولاتهايطين تقططين على ماركات كل شوي خفي ايدج

قدري زوجج
يعني مااعتقد في ازواج بخلاء يخشون معاشاتهم ومايعطون حريمهم مستحيل الحياة غاليه والواحد مايلحق عالمصاريف يالله يالله يكفيه اجار وعيال وخدامه
حتى لو ماعنده قرض اقل شي قسط سياره

عاد الوحده خل تخف عالريال حالج حال الناس

مع كلام مملوحه الحين كل شي غلاااء ومو معناته بخيل بس لازم في تقدددير بين الزوجين

لا حول ولا قوة الا بالله

لاحول ولا قوه الا بالله

كلام جميييييييييييييل واتمنى البنات يستوعبووونه
خلنا نعيش حياة هانئة بعيدة عن التعصب و الكماليات و التروي صح لازم تكون في مشاكل بين الزوجين لو لا المشاكل الحياة مالها طعم بس هالمشاكل لا ننسى انها تكون من انسان عزيز على قلبنا سندنا و ظهرنا بهالدنيا اذا اهو شد انتي ارخي اذا انتي شديتي اهو يرخي لا بقانون العين بالعين و السن بالسن و البادي اظلم

بالنسبه لي الحياااة كلها عيشيها بعفووويه
الا مع زووجك لازم تكونين مفتحه وحريصه تمسكين اعصابك وتتحكمين بعيشتك وتفكرين بس لعقلك بالنهار

اما بالليل خلي عاطفتك هي اللي تغررررد وتغررررررررررق بعد

الامور الماديه مااتكلم فيها لاني مااعرف لها البنات مايقصروون

منوره المواضيع زنوووب

للأسف هالشي حاصل بس بين نسبه كبيره من المتزوجين وموضوعك جداً حساس ضايعه في دوامته الكثير من البيوت

ولكن اخت زينب سالفه حقي وحقك مالها علاقه بالموده والرحمه. المودة وارحمه هي نتيجه العشرة والنتيجة الطبيعيه الي يتحول لها الحب واللهفه والشوق
(حقي وحقك )هو نتيجه فهم خاطئ للحقوق والواجبات الزوجيه او حتى عدم محاوله فهم ماهي تلك الحقوق والواجبات

والحل هو انا نمشي على شرع الله
وانت هنا اعتقد تتكلمين عن الناحيه الماديه. الشرع هنا قال الرجل مكلف بالصرف على المراءه وأنها غير مجبره على الصرف ولو بريال على الزوج او البيت او نفسها ولو كانت مليارديره. لحد هذا حلو الكلام وكلنا نحبه ونعرفه
بس نسينا انها مجبوره دام تزوجته تعيش بمقدرته ومستواه. العادي او حتى البسيط. ولو كانت بعد مليارديه او حتى كانت ببيت اهلها مرهفهه
وهذا سبب الكثييييييير المشاكل الحين

يا اما ساعتها تخل بالوضع الطبيعي وهذا طبعا مسموح ومو حرام وتصرف من فلوسها سواء وظيفتها او اهلها او ورثها

بس الي يصير عند بعض الحريم. يا اما تدخل عليه وهي مالها شغل يدبر لها من تحت الارض فلوس
او تختار تصرف على عمرها وتدلع نفسها بعدين تقعد تتشكى وتولول انا الي اصرف انا الي اشتري عمره ما جاب هديه تسوى عمره. وعمره!!!واحتمال تصرف عليه وتقول جبت له وسويت !!

الماده اعتقد انها السبب الاول للطلاق بعد الخيانه والله واعلم

صارت جذي لان عقب العشرة والوقت تطلع اطباع يديدة وامور ما كانت بالحسبان ، واشياء كل طرف متعود عليها وافكار
كل طرف مؤمن فيها فا تبتدي انت ما سويت لي انتي ما سويتي لي ، وليش وليش وراتبج وفلوسك وين وين

بس ترا لازم هالشي يصير لان الدنيا تغيرت وفي ناس ماشاله عايشة عشان تشيش الريال على مرته وبيته وتزرع براسه
سوي وسوي ولا تراضيها ولا طنشها ولا تكلمها لين تكلمك شدعوه ترا مرتك مو عدوتك ولاهي شطارة يوم تزعلها وتطنشها

مشكورين حبيباتي كلامكم كلكم عين العقل
و حقي و حقك كنت اقصد فيه المادية مثل ماتفضلت احد الاخوات و عقبت عليه
ان الله وضع اول شي بين الزوجين المودة و الرحمة اذا وجدت يهوووون كل شي من مشاكل و مصاعب و عتاب و هواش
و اللي معور قلبي ان صايرة الحياة الزوجية صايرة تجارة و فلانة خذت ماركة يعني انا لازم اخذ اكبر من هالماركة
و الريال يكدح و ينفخ عشان خاطر مرته و عياله
و الريايل مثل الشي يبي حقوقه فقط ومايبي يعطي مرته حقها من حب و حنان و عاطفة و احترام و تواجد في حياته
الابتسامة صدقة و اهوا مستغليها على مرته الوفاء خصلة لازم تتوافر بكل بيت بس اهو يخونها
لو نجوف و نتمعن احنا الجنسين الزوج و الزوجة في حياة الرسول الاعظم عليه افضل الصلاة و السلام بنجوف معنى الاسرة و الحياة الزوجية نبي نغير من نفسنا و حياتنا للاحسن نساعد بعضنا عشان نوصل لحياة مااقول خالية من المشاكل و فيها كمالية
لكن حياة نقدر نعيشها مرتاحين لان احنا يوم القيامة بنحاسب عليها
و يارب بحق هذا الشهر الفضيل يارب تسخر لنا ازواجنا و تهدينا و تهديهم لطريقك و رضاك