هل هذي الي ايسمونه بواسير وله شنو بالضبط؟؟؟

السلام عليكم ورحمة الله وبركاته….
شلونكم خواتي … بنات والي يعافيكم انا الحين دشيت الثامن الله ايثبت حملي واوصل للتاسع على خير ….
بنات انا الحين احس بعوار بكل عضامي وصار فتره حايشني وانتو ابكرامه امساك وقمت الاحظ ان بعد ما اخلص الحمام يتم شي بارز مثل الحبوب بس كبيره واتعور انا من حمالي الاول صار فيني هل شي بس راح وتم يطلع بين وقت و وقت وكان مرات يطلع شوي دم جنه امجرح بس الحين بدون دم بس انتفاخ كبير واحمر … اااااااااااااااسفه جدا على الاسلوب اذا ضايق وحده فيكم بس مالي غير الله ثم انتو…
ولي يعافيكم ساعدوني وقولولي شسوي وهل هذي اهي البواسير وله شنو؟؟؟
وشلون اتروح ؟؟؟
وشنو طرق علاجها ؟؟؟
الي تعرف اي معلومه عنها لاتبخل فيها علي …والله ايسهل على كل حامل ويفرج عن كل وحده همها …

حياتي هذا كان فيني وطلع اسمه شرخ وسويت عمليته عند الدكتور عامر الفواز والحمدالله وأي استفسار أنا حاضر والله يعينج على عواره

اللــه يعييينج هم أنا مثلج بس ماعالجت رجلي يحن علي يقولي عالجي وانا عييت عود إني مستحيه

حياتي احيانا يكون بواسير واحيانا شرخ واحيانا بروز من اللحم من داخل اذا بواسير او شرخ يتدخلون بالجراحه بس اذا بروز من اللحم الداخلي هذا ما ينصحون له بالجراحه واحسن واحد يفيدج دكتور شاطر بس بعد الولاده وحاولي دايما تحطين كريم او سألي اذا المره ما تأثر غسلي فيها من ورا لانها مضاد حيوي طبيعي بس مو متأكده سألي اذا يصير تغسلين فيه وعلى قوله الحريم ماتموت الحره وبيتها مره

حبيباتي مشكورات على مروركم علي والله يعطيكم على قد نيتكم ويرزقكم بالذريه الصالحه …
والله لايخلاني منكم ان شاء الله بس هذا الي صاير يفيني يعني يروح بعد الولاده اذا عالجته ؟؟؟؟
واذا جراحه ..شلون يعني عمليه وتخدير عام وله شنو ؟؟؟
طمنوني جزاكم الله الف خير

الله يشافيك ويعافيك
ماعندي معلومات عن البواسير والشرخ كثير
بس اهم سبب لهم وعارض الامساك
حاولي تتخلصين منه يعني كثري عنب وكيوي وبرتقال لان الامساك يسبب بواسير والبواسير تعسر الولاده بعيد الشر عنك
ولازم تروحين الحين للمستشفى بيعطونك مرهم حاليا وبعد الولاده تكملين العلاج

حبيبتي لاتاكلين شي يمسك بطنج
ونصيحه اشتري علاج للبواسير .. انا شريت روووعه

الحين الله يعينج ماراح يعطونج شي الا يمكن مرهم اوشي ودكتورتج الي تراجعين عندها هي الي تفحص وتقولج شنو الي فيج

الحين جيبي قطن الي تمسحين فيه المكياج عرفتيه ورحي الصيدليه اشتري كريم يخفف من لعوار والالتاب

حطي على القطنه وحطيه على العوار وحاولي بالضغط انج ادخلينه داخل

ضرري تعالجين االامساك لان الولاده والامساك يزيد

الله يشافيك ان شاء الله وتولدين بالسلامة ..

والله انا اعرف علاج يشيله مره وحدة ولا عاد يطلع لك مره ثانية ,, بس ما ادري هو يصلح لك والا لا ..

العلاج هو : مرهم عيون وقشر الرمان تلقينه عند الحواج .. اول شي غسلي المنطقه عدل وبعدين انقعي شوي بماي دافي وبعدين اخلطي العلاج وحطينه بالليل وشوفي النتيجه .. وان شاء الله ماعليك شر …

علاجها انش تفتكين وتتحاشين الامساك وانتي بكرامه

كثري من البرتقال والكيوي والعنب والخضره بشكل عام خاصه البقدونس والجرجير والخس يهبل بعد

وتقدرين تستخدمين تحاميل نيوهلار مع المرهم بشكل مؤقت وما تضر الحامل

ما تشوفين شر وعسى الله يهون عليش ويقومش بالسلامة

ماعندي فكره بس روحي الطبيب قبل لايزيد

ماتقدرين تحكمين داام انج حامل لانه اغلبيه الحوااامل يعانون من الامسااك..

والا مساااك يرافقه هالعوااارض اذا قادره تصبرين اصبرى لبعد الولاده باذن الله..

واذا لا رووحى الدكتور يعطيج مسكنات ليما تولدين بالسلااااااامه.

والله العظيم يا بنات انكم خففتو عني شوي والله ايريح قلب كل وحده ردت علي وطمنتني ويرزقها بالذريه الصالحه…
ومشكورين وما قصرتوا …
اهو الحين ايعورني وخااااصة لمن وانتو ابكرامه ادش الحمام حتى لو بس ابول عزكم الله … يطلع ليبره لازم ادخله بالضغط يلا ارتاح شوي…وعذروني على
الاسلوب بس لاني محتاجه لكم عشان تفهمون الي قاعد امر فيه يمكن احد منكم يفيدني…وانتو ما قصرتوا
ومره ثانيه مشكورات على مروركم لي وفدتوني واتمنى الي بعد تعرف اشياء اكثر عن هالشغله لاتبخل علي بالمعلومات …

ماعندي خبره
بس الله يشافيج

حبوبه هذا بواسير والله يعينج

والشرخ يكون من داخل يكون الجلد منشرخ وينزل دم وعوار مو طبيعي وعسى الله يعينج يارب