هل نفاسي مو زين أو الرداده هي السبب؟؟؟

يبت رداده وايد زينه بيوم ال9 >10>11 والحمدلله وايد ارتحت…لكن انصدمت بالأيام الأخيره أحس بألم بظهري وجسمي كله ..حته إني إذا رفعت إيدي آخذ شي بعيد أحس إني ما أقدر أردها بسرعه ..باقيلي على الأربعين 12 يوم…فيدوني جزاكم الله خير إذا كان إلي رددتني مو زينه أو نفاسي مو زين مع إني محافظه على نفسي من الأكل والبرد وكل شي…

حبيبتي الي تقولين عنه ماله شغل بنفاسج ولا الرداده يمكن فيج خشونه بايدج او الاوتار لان مره ياتني هالحاله ورحت الطبيب وعطوني مرهم وحبوب وخذو اشعه وقالي الاربطه عندج ملتهبه………… راجعي الطبيب احسن

حبيبتي الرداده هذي شنو اصلها واشلونرددتج؟؟؟
لان اغلبهم يقصون عليكم ايون 3 ايام مساج عبالكم ترديد واهو لاترديد ولا شئ
انا ردادتي خذت 30 بيوم واحد ماكملت ساعه بس طقطقت كل عضمه بجسمي ورددتني عدل ورفعت الرحم ووقفت على حوظي ردته
صج ترديد مال اول
غير جذي مو ترديد
ويمكن مثل ماقالت الاخت فيج خشونه

ما عندي خبر,,,واتمنى البنات يفيدونج,,,

راجعي الطبيب احسن

مادري يمكن خذيتي برد وانتي ما تدرين خاصه وقت النوووم

شنو ادويتج ؟؟

مشكوره حبيباتي على الردود ..والظاهر كلام إختي السيده الصغيره صح إني ماخذه برد وأنا نايمه لأن التكييف بااارد حته وأنا متتدفيه…وإختي خبيرة الأعشاب أنا أدويتي لهوم وحسو وأشرب شاي كمون وزعتر وشاي أخضر وحبة حلوه ويانسون…أنا أتوقع يبيلي مساج صيني …بس ساعدوني حبايبي هل بيمسك الألم بعد النفاس ويطول..عطوني خبراتكم

حبيبتي انا كنت نفس حالتج قبل ما أحمل و لما فحصت قالي فيني إلتهاب بالعظم و لما فحصني قالي إنه أعصابي ضعيفي مو قويه لأني ما أقدر أتحكم بإيدي وايد و ما أقدر أحركها ساعات – إنتي فحصي يمكن داشج برد بعظامج و هذا صعب يطلع بيوم و ليله لأنه بالعظم يعني يبيلج جلسات علاج طبيعي و أنصحج لا تروحين أي مكان يدلكونج و يعالجونج لازم تروحين حق دكاترة متخصصين بالعلاج الطبيعي لأنهم أدرى بحالتج و شنو محتاجه بحكم الفحوصات اللي مسويلج إياها .