|
|
السلام عليكم
حبيت أسأل الأمهات ؟؟؟
هل للأم حق في أن ترى مذكرات ابنتها او ان تفتش في اشيائها الخاصة فبعض الفتيات يقولون بعد سن ال18 سنة لايريدون ان تتدخل امهاتهم في امورهم الخاصة،موضوع شيق أبي الكل يرد على هذا الموضوع ابي اشوف ردودكم؟
وعلى منهج الدين أسستيها
مافيه خوف
أعطيها كامل الثقه
مع التذكير بالله بين وقت والثاني
أما إن راودت الأم الشكوك
فمن باب الحرص عادي
ولكن بشرط
أنها ماتحسس بنتها
لأنها ممكن تجرحها بهالتصرف
باحساسها إن أمها ماتثق فيها
أنا عن نفسي
ماأفتش ولاأدور واحترم خصوصياتهم
ولاعمره كان عندي هالفضول
لأني أعرف عدل شلون ربيتهم
وأثق فيهم بقوة
ولكني دوم أذكرهم بالله وغضبه
من باب الترهيب
اذا ربيتيهم عدل و يخافون الله لا تحاتين
و تطمني
بس في شغلة
لازم الأ تكون واعية و تلاحظ اي تغيرات على عيالها
و بين فترة و فترة تفتش لأنج تضمنين عيالج بس ما تضمنين عيال الناس
ترى الصاحب ساحب
اعطيكم مثال
وحدة من بناتي كانت متفوقة على طول و تموت من البجي اذا نقصت ربع درجة
الينة هذي حسيتها مهملة بدروسها
و تقول لي بكل برود يمه انا اليوم يبت بامتحان الاجتماعيات 17 من 20 و تضحك
انا اخترعت و عصبت عليها ليش؟
من متى انتي تقبلين بهالدرجات
قالت عادي يما بعد هذا حدي ما اقدر اكثر من جذي
و حتى لو اقدر بشنو راح تنفعني الدرجات اذا انا بدخل كلية عادية ما احتاج نسبة عالية
فليش اتعب نفسي خليني استانس
والله العظيم قمت اصيح .. بنتي تتكلم بهالمنطق ؟؟ من متى ؟؟
و ما عندنا بالبيت احد كسلان بالمرة
لا انا و لا ابوها و لا احد من عمامها و لا خوالها
و تميت احوس احوس و اسولف معاها لما عرفت انها
مرافجة بنات يدد بالمدرسة كانوا يتوددون لها من العام الماضي و السنة صاروا رفيجاتها
اخيرا على قولتهم صارت رفيجتهم
و طلعوا كسالى و همهم اللعب و الكمبيوتر و التلفزيون
و جروها وياها
و الحمدلله كلمناها انا و اختي و تغيرت و قامت تدير بالها و على دروسهاو ردتم مثل ما كانت
و يابت الريبورت احسن من اللي قبله
و قامت تنافس رفيجتها على منو تطلع الأولى عالصف
طولت عليكم
بس القصد انه اذا انا اضمن عيالي ما اضمن عيال الناس و تأثيرهم على عيالي
لأنه الصاحب ساحب
و الشين يخرب الزين
مع التحية……………..
|
المشاركة الأصلية كتبت بواسطة mrs_sugar
 الموضوع روعة
اذا ربيتيهم عدل و يخافون الله لا تحاتين و تطمني بس في شغلة لازم الأ تكون واعية و تلاحظ اي تغيرات على عيالها و بين فترة و فترة تفتش لأنج تضمنين عيالج بس ما تضمنين عيال الناس ترى الصاحب ساحب اعطيكم مثال وحدة من بناتي كانت متفوقة على طول و تموت من البجي اذا نقصت ربع درجة الينة هذي حسيتها مهملة بدروسها و تقول لي بكل برود يمه انا اليوم يبت بامتحان الاجتماعيات 17 من 20 و تضحك انا اخترعت و عصبت عليها ليش؟ من متى انتي تقبلين بهالدرجات قالت عادي يما بعد هذا حدي ما اقدر اكثر من جذي و حتى لو اقدر بشنو راح تنفعني الدرجات اذا انا بدخل كلية عادية ما احتاج نسبة عالية فليش اتعب نفسي خليني استانس والله العظيم قمت اصيح .. بنتي تتكلم بهالمنطق ؟؟ من متى ؟؟ و ما عندنا بالبيت احد كسلان بالمرة لا انا و لا ابوها و لا احد من عمامها و لا خوالها و تميت احوس احوس و اسولف معاها لما عرفت انها مرافجة بنات يدد بالمدرسة كانوا يتوددون لها من العام الماضي و السنة صاروا رفيجاتها اخيرا على قولتهم صارت رفيجتهم و طلعوا كسالى و همهم اللعب و الكمبيوتر و التلفزيون و جروها وياها و الحمدلله كلمناها انا و اختي و تغيرت و قامت تدير بالها و على دروسهاو ردتم مثل ما كانت و يابت الريبورت احسن من اللي قبله و قامت تنافس رفيجتها على منو تطلع الأولى عالصف طولت عليكم بس القصد انه اذا انا اضمن عيالي ما اضمن عيال الناس و تأثيرهم على عيالي لأنه الصاحب ساحب و الشين يخرب الزين |
والله كلامج ميه ميه
نورتي 
|
المشاركة الأصلية كتبت بواسطة brounzi_girlly
صراحة موضوع شيق بس بناتي صغار ربي يقدرني اربيهم احسن تربية
مع التحية…………….. |
الله يخليهم لج يارب تشوفينهم عرايس