هل ممكن أن يخطئ تحليل الحمل المنزلي ؟

انا المفروض باجر موعد دورتي ( عساها ما تيي)

سويت التحليل المنزلي الديجيتال اليوم على أساس انه يطلع النتيجه قبل الدوره بخمس أيام
بس طلع لي (-) و أنا حاسه بأعراض كانت قويه فترة التبويض و استمرت معاي الأعراض 10
أيام و الحين اعراض خفيفه مثل أعراض الدوره و لوعه تروح و ترد
مادري هل ممكن ان التحليل أخطأ و لا شي نفسي فيني لأني أفكر بالحمل ؟؟

كل شي جايز
حبيبيتي سوي تحليل هرموني فكي عمرج

انشالله يكوون غلط سوي دم اضمن

التحليل المنزلي افضل وقت تسوينه يكون موعد دورتج متاخره على الاقل ١٠ ايام
وسويه الصبح احسن يبين

لمن تقومين من النوم الصبح سويه لان هرمون الحمل يكون عالي بالبول بهالحزه

مشكورين عالردود
و الله يكتب اللي فيه الخير
راح انطر بس نفسيا تعبت من كثر التفكير

اي ممكن يخطأ .. الهرموني وايد افضل
ان شاء الله ماتييج وتبشرينا اختي
والله يزرقج بالذرية الصالحة

انا الي اعرغه ان الديجيتال مضبوط بس يمكن حملج صار متأخر من جذي ما بين بالتحليل

حبيبتي احسن شي تحليل الدم هو اللي يبين فيه الحمل اكثر انا سويت التحليل المنزلي وطلع لي موحامل ولما سويت تحليل الدم تو طلعت حامل

اي ممكن يغلط انا غلط معاي سوي التحليل الصبح اول ماتقعدين من النوم وان شالله يبين معاج وريحي نفسج تحليل الدم يبين واضمن

ان شالله تكونين حااااااامل

حبايبي مشكورين عالمرور
بس للأسف نزلت الدوره
و الحمد لله على كل حال و خيره ان شاء الله