هل فيها مشكله على حياتي المستقبليه جعلها في موازين حسنات الي ترد

بنات انا عندي مشكله في الدوره تجيني شهر وتغيب دهر يعني صراحه مادري وش اسوي

يعني شهرين ثلاثه ماشوفها هل تشكلي خطر

صراحه انا خايفه من هالموضوع بليز وش اسوي عشان تنتظم

كم عمرج اختي؟
انا كنت جذي وساعات يصير معاي جذي عادي ،، بس اكثر شي اول ما جتني الدورة يعني من 12 سنة يمكن ليييين 15 سنة
والحين ساعات تتأخر اكثر من شهر ،، والدكتورة قالت لي عادي بما انج للحين ما تزوجتي ،، ويفضل انج ما اتخذين هرمونات خارجية ..
وبس

انا عمري 21 سنة
بس مافي خووووووف علي

انتي تقريبا كبري،، انا من اول من جاتني الدورة وكله تتاخر بالشهووور ،، بس الحين شوي احسن من قبل يعني شهر ونص ،، شهرين بالكثير
.. انتي روحي الدكتورة وسوي تحليل ،، اذا ما فيج شي خلاص لا تلعبين بعمرج ،،
انا الدكتورة مرة عطتني فيتامينات وحديد بس قالت لي حبوب هرمونات مابي اعطيج احسن لج …
بس يفرق اذا انتي من اول ماجاتج الدورة جذي ولا توج من فترة ،، واذا انتي من زمان جذي ان شالله ما عليج شر ،، واذا توج من فترة شيكي مب خسرانة شي ..

اختي سوي تحليل غدد وهرمون حليب
ويمكن تكيس ع المبيض هذا اكثر الاسباااب تخلي الدوره مو منتظمه
ماابي اخوووفك بس تحاليل عشااان تتطمني …
ويمكن مافيك الا العااافيه خالتي تتاخر ماتجيها الا بعد 6 شهور وطبيعيه تزوجت والللحين 3 عياااااال
في بعض الحالات تكون طبيعيه ,,,,,,,, تقبلي ودي

جزاكم الله الف خير بس البنات يخوفوني وصرت اوسوس بس كلامكم يطمن وانا من يوم جتني وهي جذيه متلخبطه

لخبطة هرمونات روحي للمستشفى ينظمونها لج بحبوب فتره وتهدينها ما قدامج الا العافيه

تعودي تاكلين تمر عالريج سبع تمرات يوميا راح ينظم الهرمونات

الدوره اول سنتين او ثلاث سنين ما تكون منتظمه فعادي .. يعني انا لما بلغت انقطعت عني ست اشهر بعدين قامت مره اتيي ومره لاء .. بس الحين لا الحمدالله .. وانصحج اذا بزياده ما اتيلج روحي راجعي .. لان بنت خالتي لما صار عمرها ١٨ انقطعت عنها سنه و لما راجعت عطوها حبوب منع الحمل مع انها مو متزوجه و الحمدالله شوي شوي قامت تنتظم .. انشالله مافي الا كل خير

بس لا تخافين انشالله ماكو الا العافية

روحي العطار وطلبي منه عشبة الفوه اسمها جذي .. وحلبه وطبخيهم معه بعض وشربيها لمدة ثلاث ايام مره وحده الصبح

واذا موعارفه شنو الفوه دشي قوقل وانتي تعرفين مميزاتها حبيبتي وهالشي حق الي ينقطع عنها الدوره وترتفع ..

روحي حللي وشوفي شنو المشكله ووحزت الدوره اهتمي بنفسج عدل

روحي طبيبة و سوي تحليل قبل لا تاخدين أي وصفة و عادي أنا كنت مثلج
خديت حبوب وصفتها طبية طبعا و بعدين خلاص صرت زينة الحمد لله

الله يجزاكم الف خير يارب