هل ظلمني الدكتور منصور العرف

بنات تكفون عندي سالفه تقرقع بقلبي
انا السنه اللي طافت سويت طفل انبوب عند منصور العرف
اولا انا فيني هرمون حليب وغده درقيه لكن هرموناتي منتظمه من ثلاث سنوات وتبوبضي زين
ثانيا طلع معاي سبع بويضات اثنين تلقحوو والباقي صغار وقطهم
مو المفروض يقول لنا ترى بس بويضتين تكملون او اكنسل العمليه او اهو من نفسه يأجلها لان ماطلع معاه بويضات وايد
وبعد رجع لي بويضتين والمثاااانه فارغه انا اللي اعرفه تكون مليانه و كل المنتدديات بحثت فيها الكل يرجع الاجنه والمثانه
مليانه لان سبحان الله الرحم يرتفع ويساعد على ثبات الاجنه
يعني تخيلوا فشلت العمليه وماعندي بويضات ارجعهم راحت الفلوس على الفاضي لازم من جديد ابر تحضيريه وتنشيط
وسحب وقبلها فولك اسد يعني تعب بتعب يارب لك الحمد
سامحوني طولت بس بعرف هل ظلمني ان ما شاورنه ان بس عندنا بويضتين ولا خله المثانه مليانه
وكلفتني العمليه الفين
ابي رد اللي عندها خبره بهالامور
جزاكم الله خير ويارب يرزق كل وحده الضنا ويرزقني

هلا حبيبتي لااااااازم المثانه تكون مليانه اهو مو شاطر بهالمجال وبعدين المبايض جم كان حجمهم يوم سحبهم ؟؟

انا سحب لي الدكتور تسع مبايض اثنين اللي تلقحو والباقي ماتلقحو يعني الدكتور اهم شيء عنده تكون المباايض حجمهم من ١٧ وفوق وعددهم من ثلاث وفوق

بالنسبه لتلقيح بعض البنات ماتلقح عندهم ولا بويضه

انصحج تروحين لدكتور شاطر بهالمجال واذا انتي فيج ضعف بالمبايض اكلي رويال جيل حبه او حبتين باليوم عشان اذا نويتي تسوين العمليه تطلع عنذج مبايض زينه وفوليك اسد على طول اكليه لاتقطعينه وعسى الله يرزقج بالضنا يارب

شنو هالعفیسه الی اهو مسویها اشلون یرجع لج الاجنه والمثانه مو ملیانه انا سویت ترجیع اجنه والمثانه ملیانه ..شنو ما حسیتی بعوار واهو یزجعها لج؟

واشلون یقط بویضات بدون لا یقولج!! مایصیر الی قاعد یسویه الدکتور مو بکیفه اصلا حتی قانونیا ما یصیر لانه لازم یاخذ الاذن من المریض نفسه وما یسوی بکیفه ای شی بدون علم المریض

انا عندی جم بویضه ما تلقحوو قالت لی الدکتوره وعطتنی خبر انه بینقطون المفروض الدکتور یقول

جزاكم الله خير اللي ردوو علي
الدكتور رجع لي بويضتين واحجامهم ممتازه وخمس بويضات قطهم لان حجمهم صغار تحت الطلوب
ورجع لي بويضتين والمثانه فارغه
الحمدالله على كل حال والله خلاني انسى اني احمل أيسني من كل شي
تخيلوا السنه اللي طافت مسويه هالعمليه ومو ناسيتها ابجي كل ما اتذكرها تحسفت اني سويتها لان مو شويه اللي
يبدأ علاج طوييييييل بالاخير مايستشيرني ان بويضتين بس وانا مافيني ضعف كلش بس كان يعطيني ثلاثه بودره وماي …
وحده صادفتها بالمستوصف تطق ابر معاي خمسه بودره وماي اثنين عكسي تماما

انا سويت اطفال انابيب برويال حيات ورجع لي بويضيتين وبويضتين قطهم ولما رجعو كانت المثانه فاضيه باليوم الخامس لانه سوو دراسه ان لما يرجع والمثانه فاضيه افضل والحمدلله لك يارب رزقني بتوم بنات توني والده بنص الثامن صارلي ٣٥ يوم عسالله يرزقج ويرزق كل محروم ومحرومه يارب.

الحمدالله

كوكا الف مبرووك والله يتمم عليج ويسهلها عليج يارب
بس مافهمت الابر اللي تطقينهم بالرجل ابر منشطه او تحظيريه
يعني الرجل الاولى ثلاث ابر والرجل الثانيه ثلاث بنفس اليوم؟؟؟
انا اطق ابرتي بالعضل ثلاثه بودره وماي بس
واي دكتور انتي وكم كلفتج

الله يعوضج ويرزقنا جميعا

الابر الي بودر وماي هذول تهيى لج الرحم انا اخذت ٣ بودر و٢ ماي استمريت فيهم فترة اسبوعين وبعدها قبل العمليه الترجيع ٢٤ ساعه خذيت ابره تفجيريه وحده بس

الله يعوضج يارب و تكون هالتجربه خير لج تعرفين اللي عليج
لا تيأسين من رحمة الله و هذي تجربه و الخير جدام … بإذن الله بيرزقج و يرزق كل محروم

الصراحة ما ادري شسالفة هالدكاتره نختار أشهرهم و أفضلهم ننصدم بعدم الأهتمام المطلوب
ما أحس يبردون الچبد !!!
المفروض إحنا نبحث و نأخذ فيتاميناتنا و نحرص على نفسنا و نسأل الدكتور نذكره شنسوي بعد

الله يرزقج يارب الذريه الصالحه

لاتياسين. من. رحمة الله

والانابيب. مو دايم. تنجح.

ومنصور العرف. دكتور شاطر وفاهم. يسوي اللي. عليه. والرزق. من. الله

انت. ريحي. كم. شهر. وسويها. مره ثانيه.

ماتدرين. لو حملتي طبيعي. ان شاءالله