هل صحيح ان مستشفى هادي مثل الصباح ؟؟

السلام عليكم ورحمه الله وبركاته

خاوتي اليوم رحت راجعت مستشفى هادي وانا اليوم لي 37 اسبوع تقريبا عشر ايام بالتاسع رحت مستشفى هادي من الساعه ثمان ونص تقريبا او اقل دخلت جريب العشر من الزحمه لاعت جبدي وزهقت عمري المهم ولا الدكتوره تقولي بفحصج قلت اوكي انا طبعا بكريه ما اعرف الا الي اسمعه من ذوات الخبره المهم اول شي قالت الممرضه فصخي كل ملابسج الي تحت من اهني انا مت من الخوف بعدين يات الدكتوره قالت طنج يااااااااابس اكيد في عوار قلت لها لا ما فيني فيني ثقل المهم ولا تشوف نبض الجنين ولا يطل زين بعدين بغت تفحصني ما خليتها قمت اصارخ وريلي يصار خليهم خليهم ما رضيت قلت ماااااااااااااابي خلاص

وسووو تخطبط ما ادري ليش المهم قالت السستر ما اكووو طلق والتخطيط زين المهم رحت ادخل عند الدكتوره ولا السستتر نفيسه وتهاوش معاها زوجي لانه اخرونا الساعه 11 طلعنا من المستشفى الله يرحم ايام نجيبه القطان وعيادتها خلال ربع ساعه اخلص كل شي

يعني قعدت تقريبا فوق 3 ساعات على الاضي وانا زوجي طبعا عصب وحلف انه ما اولد بهالمستشفى

يقولووون انه وايد زحمه عليهم وما يصبرون على الوحده سيدا قيصيريه عشان يفتكون

فما رايكم بهذااا الكلام

وشنو تنصحوني فيه عشان ما اخاف انا قررت اني ما ا راجع الا لما ايني الطلق الصجي والله يستر

اول شي الله يسل عليج او يقومج بالسلامه او بما ان المستشفى عليه ضغط يعني المستشفى زين

انا قلت ما ابي اولد هناك مع ان دكتورتي ناهده العلي من بره بسبت الزحمه بس تحسفتاني ولدت بالشفا ما ولدت بالهادي ولا المواساة الهادي والمواساه صج رعايه او سستراتهم فاهمين
او عمري ما سمعت عنهم انهم يستعيلون بالعكس يخلونج على راحتج كل اهلي يولدون اهناك الا انا المنقوزه قلت ما ابيهم او تحسفت
او اذا الله كاتبلج قيصريه بتولدين قيصريه

الحمدالله طول فتره حملي كان سليم 100% او اخرشي بالتاسع صار فيني تكلس بالمشيمه خفيف او كان طبيعي
المهم او البيبي الحمدالله كان 100% او وضع راسه اوكي او طلقي حامي

دخلت ولاده طبيعي بظرف نص ساعه الوضع كله تغير او الحبل السري لف على الياهل او ولدوني قيصري طبعا لو مو شطاره ناهده جان ركوني….. الله ستر عليه الف الحمدالله والشكر

لا مو لهدرجة بس انا اقولج صج في له اوقات تكون اوقات الذروة وااااااااااايد يصير زحمة و يلوع الجبد و في اوقات زيينه و ساعات فااااضي
بس انا عن تجربة انصج برويال حيااة عجيييييييييييييييييييييييييييب

انا والده بالهادي مرتين ومادري احس انهم خبره بس دكتورتي من بره وانا سامعه انه الي تولد ودكتورتها من بره تكون لها رعايه خاصه يعني هذي المريضه تبع الدكتوره فلانه فيخصصولج سستر اتابعج اول بأول عشان تعطي خبر حق دكتورتج بس اذا الدكتوره من المستشفى الوضع ثاني

انشالله البنات يفيدونج

الهاااااادي وايد زين بسبب الخبرة بس وايد زحمة زحمة مو طبيعية و هذا اللي مكرهني فيه مع ان دكتورتي بهواني ما اقدر استغني عنها

انا والده فيه 3 مرات وصراحه ما افكر مجرد تفكير اغير الكمام ررررررروعه والرعايه ممتازه وكل شى صراحه ما شفت شى من 3 تجارب

وعلى الزحمه دليل على انهم زينين

وعلى انهم يستعلون على الوحده لا ابد انا مره كنت ناطره يم الولاده بدخل الطوارى ووحده ام تنطر بنتها قالت لها السستر تراها تعبت وايد وما طلع البيبى الدكتور راح يشفط البيبى اخر احتمال عشان لا يسوى عمليه وشوى قالت لها ولدت يعنى لو استعيلوا عليها كان سويها العلميه

اهو صج مرات زحمه بس انا لما كنت تروح الصبح ما فى احد على طول ادخل انطر شوى العصر لا اخس من الصباح

الهادى و بس انا والده عندهم مرتين من قبل و ألحين انا اراجع عندهم و انشاله بولد عندهم المره الثالثه
بس انتى ألى فصلتى على السسترات و الدكتوره و ينتي و يننتى ريلج معاج

الله يتمم عليج بخير يا عمري
صراحة الصباح أحسن و أرقى وايييييييييييييييد من الهادي

والله بنات عمي مايمدحونه مادري عنهم
يقولون ماعطوهم بنج ولا شئ وكمامهم موشئ
بس مادري معقوله في مستشفى خاص جذي انا احس يجذبون

قطيعه الهادي عيبهم زحمه انا فاتحتلي ملف هناكعلى مايوصلي الدور عشان السونار الا صارت 3ساعات اففففففففففف
هذا عيبهم

المستشفى واااااايد حلو والعنايه فييييه عجيبه بس انا دكتورتي كانت من بره يعني مااراجع عندهم ولاشي بس وقت الولاده دكتورتي حولتي عليهم مع رساله بكل تفاصيل حالتي وبس وقت الولاده يتني الدكتوره بس مستحيييييييييل يقارن بالصباح حرااااام ظلم الصباح عزكم الله زبااااااااااااااااااااااااااااااله يمكن الدكاتره زينين بس اهو كمستشفى مرض عمري ماسمعت وحده ادخلته الا قالت ياتني كااااابه منه وانا وحده منهم

ماسمعت ‏.أحد‏
ذمه.الي.اعرفهم.اغلبهم.بالهادي
وأمي.والده.فيه.تمدح.كمامهم.

والمولد
الله ‏
وادعي.السهاله….

حلفي آنا والده بالصباح 3مرات والهادي مره بس هالمره من أروع المرات ما حسيت بالطلوق كللللللش

ما عندهم سالفه آنا طول الوقت نااااااايمه ما حسيت بالطلوق