|
|
السلام علييييييييييييييييييييكم ياابلات
في البدايه الموضوع مبين من عنوانه
انا تخصصي انجليزي …ومقبله على التدريس وخيره اني ماتوظفت السنه اللي طافت
لاني فكرت اما اروح للديوان او الشركه او البترول او ايكويت بحكم ان تخصصي انجليزي ويساعد
بس اخاف اندم …اني تركت التدريس …واخاف استمر في التدريس واتحسف كثر شعر راسي
وانحاش عقب سنتين …..وخصوصا اني ماحب احد يغلط علي ……—> عارفين منهي
وانا كنت حيل متحمسه للتدريس ….. حتى كنت حاطه افكار جديده وحديثه للتدريس
بس حاليا ظروفي النفسيه ماتسمح ولاعاد اتحمل صياح جهال ولويه
فانتوا شنو تصحوني فيه؟؟
هل استمر بالتدريس والا؟؟؟
والله ما انصحج
المشكله حتى اولياء الامور (البعض مو الكل)عباله انج تشتغلين عنده ويكلمج بعصبيه وعنجه (حلوة عنجه) والله المستعان وانتي اختاري
والله يوفقج وين ماكنتي يالحلوة
في التصحيح و عمل اوراق العمل
اذا انتي تحبين التدريس توكلي على الله
لان اللي يحب الشي يقدر يعطي فيه ومو بس يعطي لا ويبدع فيه
واذا انتي ما تحبين التدريس شوفيلج وزاره ثانيه لانج ما راح تمشين بالتدريس
لازم تكونين حابته
واذا ما تحبينه لا تغامرين روحي وزارة ثانية
لان التدريس يبيله بال طويييييييييييييييييييييل
|
المشاركة الأصلية كتبت بواسطة العمر
 لا و الف لا ما انصح ما صار للمدرسة هيبة فوق راسج الكل بس ناقص الحارس المدرسة و خصوصي ان تخصصج E تعب
في التصحيح و عمل اوراق العمل |
من قالج ان الحارس ما له شغل ذاك اليوم احنا طالعين من الدوام ولا اهو داخل الادارة يتشكى يقول مافي ابلة مناوبة برا الباب هههههههههههه
اذا تحبين التدريس تعيني في الابتدائي لان منهجهم اخف من المتوسط
واذا ما تحبين اليهال تخصصي متوسط
واحسن شي استخيري والله يوفقج 
تبين نصيحه من اخت
انحححححححححححححححششششششششش
روحي اي وزاره ثانيه ارحم لج والله
وبالاخير صلي استخاره وموفقه
والله ماتقصرون على هالنصيحه…….
ولي رد مخصوص حق كل وحده فيكم
بس عندي سؤال…..اللي يقولون انحاشي منه اهما مدرسات؟؟
طيب ليش قاعدين فيه؟؟؟…..والا انتوا تخصصاتكم ماتسمح تروحون وزارات ثانيه ….والا مضطرين عشان الميزانيه….والا عشان ازواجكم؟؟
سؤال فضولي عشان احدد موقفي اكثر من التدريس….
والف شكر لكل وحده عطت رايها
انتي تعرفين نفسك وظروفك
اول شئ استخيري حتى لو مو في وزارة التربية دائما استخيري
وبعدين حسب ظروفك وميولك انتي حابة المهنه دشي فيها وانتي بعدين تقررين يا تستمرين يا تغيرين
علشان ما تقولين ليتني رحت وجربت يمكن انا غير … وحماسي غير … والذي منه…
بس انا عن خبرة سنين ما انصحك خصوصا اذا كنت دقيقة ومضبوطة
لانك رح تشوفين وتعيشين شغلات تزيد على شوي شوي تخليك تنفجرين
ونظرتك الوردية بتحسين وتطوير طرق التدريس هووووووب تطير وكل شئ يصير اسود
على العموم فيه مدرسات مكملين يا اما لانهم على وشك تقاعد
او اهلهم ما يرضون الا بالتدريس أو ملتزمين بمصاريف معينه أو تخصصاتهم جابرتهم
او
او
او
والي اهيا مصيبة ومخربة نظرة الناس لهالمهنة السامية
انه الضمائر انعدمت والقلب مات وصارت المدرسة تداوم حيا الله تغيب تتميرض تروح حصتها في نص الوقت
تدرس واهيا نايمة على الكرسي لا سبورة لا شفافية لا حياة بالصف لا تحضير مثل العالم …والا تقرا الدرس بثواني وباقي الحصة مخلية الطالبات هذرة وازعاج
للاسف هالمناظر في ازدياد
والي قاعد يصير انه معاشات المدرسات في ازدياد مستمر !!!!
لا تزعلون مني على شنو يزيدونه على التسيب الي كل ماله ويزيد!!! , على الاهمال !!!
(طبعا مو الكل بس للأسف شريحة كبيرة)
مابي اضيق خلقك
بس انا ما عدت اتحمل التدريس والحمدلله خلصت الانتخابات وابي اشوفلي واسطة اشلع من التربية على مكان ثاني
بهالظروف ومع معاش التربية المرتفع وعلى الرغم من ارتباطاتي المادية بس عوووووع ما بيه الله ان ساء الله يعوضني
ماحد فينا يقدر يقولك درسي أو لا تدرسين القرار بايدك والله يكتب لك الي فيه خير وصالح
اتمنى اني ما كون زدت العيار بس هذا الواقع
انا ما انكر التدريس من أحلى المهن اذا توفرت له ظروف صحية مناسبة