|
|
اللي ابطرحه اليوم استطلاع عام للكل واحب كل خواتي يشاركون فيه علماً بان هالموضوع له عدة جوانب ونتطرق جانب وهو هل تؤيدين شعار النساء الجديد " ظل وظيفة ولا ظل رجل"
يعنى اكون على وظيفة ومعاش يسندني في هالدنيا او اكون بظل ريال يسندي ويكون رفيقي بهالدنيا حتى لو مو على وظيفة
ناطره مشاركاتكم خواتي الغاليات
حلو ان الوحدة تعتمد على نفسها
ومافي مانع الريال يعطيها لأنه
في النهاية ريلها وملزوم يصرف
عليها الا اذا كان معاشه يالله يكفيه
والوظيفه اتييب الريل
لان الريال ايي علي ريحه المعاش
الموظفه مرغوبه اكثر لان تصرف علي البيت وتساعد الموظف
فوظيفه
ووظيفتي حتا لو حرتني بتردلي معاش
الزوج لو كان موجود و بخيل .. او توفى .. من لها في هالدنيا يعينها على الحياة ؟
طبعا الوظيفه لان وراها معاش
والمعاش حتى لو ماعاش ونصرف بس دايم
والريل الله العالم يمكن يدوم ويمكن لاء
هالشي نقيييييييييييض النقييييييض من غرييزت الانساان فعلا الشغل له مردوود مادي وحلو بس الرياال هم يشبع فييج غرييزتج وقد يكووون داافع قوي وحلو للشغل بالعكس الريااال انتي اللي تعطيينه وتعلميينه حدووده بخصووص الوظييفه واهو ماراح يقصر علييج حتى بفلوووسه (اذا كاان فعلا رياال)
اما انه البناات ما يتزوجوون بدافع انه الشغل اهو اهتمامهم الاول والاخيير هالشي حرااااااام انتي قاعده تظلمييين نفسج وتقتلييين انووثتج البنت موو نفس الرياال باشبااع غراائزها بالجنس لااااا البنت تبي عااطفه وغيييير جذي البنت لها عااطفه الاموومه اللي حتى لوو ماكانت تبيها او تحبها بيييها يوووم وتحن وتشتااق لكلمه ماما
سوري عالاطاله بس اتمنى اني ما اكوون انا اللي متنحه واكوون فااهمه الموضووع صح
والحمدالله حصلت الريل اللي يغنيني عن كل الوظايف
بس ريلي ما يتعوض عسى الله يحفظه لي
صح المعاش مهم اكييد
لكن العيال الله يحفظهم والزوج هم سند للمستقبل اكبر من افلوس الحمدلله الوحدة اذا الظروف حدتها بظرف تركها الزوج او شي تقدر تشتغل او حتى الشؤون تتكفلها اذا مان غلطانة صح ماراح تكون مترهفة نفس المعاش بس بيمشي حالها
اما وظيفة ومعاش وانا طرق عمري غلقة وبحس بالوحدة
واصلا الدنيا هذي اساسها الله الزم الريال بالصرف والمرة للبيت او اذا بتشتغل مخيره …………….. يعني حتى الطبيعة والفطرة تقول جذي للأسف خوفنا من المستقبل خلانه نغير فطرتنا
حتى لو الريال بخيل ورزيل ياما شفنا هالاشياء بس المرة عقبها الحمدلله عيالها يمشون لها معاش
بنات ضيقتوا خلقي ليش هالتشاؤم من الحياه؟؟؟؟؟؟؟؟؟؟؟؟؟؟
و بعدين وين الريل اللي يسد مكان الوظيفه بدون مغثه و نكد
و بصراحه اغلب المتزوجات اللي اعرفهم عايشين و متمتعين من معاشاتهم و ظايفهم مو من رياييلهم
يعني بهالزمن الريال اهو اللي صار اكسسوار حق المره مو الوظيفه
انا اشوف حريم متهنين وعايشين احسن عيشه ولا وظيفه ولا شي
كله على هالزوج
انا للحين مو موظفه والحمدلله ريلي مو مخلي علي قاصر الله يخليه