|
|
حياكم الله ..
وأتمنى منكم مشاركتي بالرأي علشان نجمع أكبر عدد من الأصوات ونشوف من يؤيد زواج المسيار وليش ؟؟ ومن يرفض .. وليش ؟؟
حبيت أطرح الموضوع وما أدري هل هو مكرر أولا لكن هالوقت مهم خاصة بعد ما صدرت فتوى مجمع الفقه الإسلامي بجوازه !!!
أبي أعرف رايكم ونبي آراء عقلانية تناقش الموضوع من كل زاوية
وأتمنى من أي عضوة مؤيدة للمسيار تقول هل توافق أن تتزوج بهذي الطريقة ؟؟ حتى اللي كبرت بالعمر وظروفها صعبة هل تعتقد إن هذا النوع من الزواج بيحقق لها الهدف من الزواج اللي هو السكن والمودة والرحمة والأطفال وتكوين أسرة اللي تتعارض مع زواج المسيار ؟؟!
شاركوني بالرأي ولا تبخلون بآرائكم الرائعة لأنه موضوع جدا مهم وصار موضه عند الرجال يعني ينبسط بدون أي التزامات لا بيت ولا نفقه ولا خوف من عيال .. ولا من شاف ولا من دري !! والزوجة ياغافلين لكم الله ..
لكن لو مافيه بنات ترضى ما كان انتشر هالزواج .. أنا متحمسة أعرف آرائكم خصوصا المؤيدين لأني إلى هاللحظة ماني متصورة كيف تقبل بنت بهذا الوضع اللي أحسه إهانة للمرأة .. ومعاملتها و كأنها مجرد جسد بلا روح ..
… وأعتذر عن الإطالة …
ومشكلة العنوسة اللي منتشرة والبنات الحين اغلبهم يقولون نبي نتزوج وعادي لو نتطلق المهم نتزوج نعيش!!
اما في بنات ماتفكر بالزواج اللي عارفه ان الطلاق اكيد ممكن نفسيتها ماتتحمل
وفي بنات اعرفهم اعمارهم فوق الثلاثين ومشالله عليهم اخلاق وجمال بس ضيعووو عمرهم بالدراسة والوظيفة والحيييييييين يتمنون لو تزوجو بالاول
ولا يقولون مو مهم لوووو شهر شهرين المهم نتزوج وبعدها خلاص لو يطلق عادي
بالنسبة لي ماأيد هالزواج
انا بالنسبه لي حتى لو افتو بجوازه ما ارضى اتزوج بهالطريقه
البنت شنو تبي من الزواج غير الاستقرار و الأمان و العاطفه
و برايي ان هالاشياء ما يحققها زواج المسيار
اللي مرتكز على ناحيه وحده فقط
الحالمه انا متأكده 1000% وقاريته بالجريده قبل فترة وانصدمت صج
ومطلعين صورة المشايخ اللي محللينه …
عموما انا بصراحة اعارض وبشدة زواج المسيار!! لانه هالزواج الزوجين يستفيدون بس من شي واحد!!وبعدين بالله صار فيه يهال؟ ترى المجتمع ما راح يعتبروهم يهال عاديين يمكن يقولون هاليهال حالهم حال عيال الحرام (ترى مو قاعدة ابالغ) اهو صج العنوسة زايدة بس ما اوصل لي هالمرحلة انا عندي اني اعنس (الله لا يقول!!!!!) ولا اتزوج زواج مسيار!
تسلمين يا بشورة عالموضوع
مادري شقول بس انا ما ارضى بهالزواج لو حللوه
احسه امتهان للمرأه و اهانه لها و لكرامتها
بس كل شئ خارج عن المألوف تحطين وراه أمية علامة أستفهام ؟؟؟؟؟؟؟؟؟؟؟؟؟
وبعدين في يهال !! ومثلج يعرف غلات الأطفال ومراعات لشعورهم !!!!
أشراح تقوليلهم لما الفاس يقع بالرأس !! وخصوصاً الولد ؟؟ 
مايتسموون عيال حرام!!! في عقد زواج وفي اثبات نسب والا شنوالدنيا فوضى !!
وصراحة مادري اوافق بهالموضوع والا لأ مادري!! بس الحمدلله انا متزوجة
بس المشكلة البنات اللي كبروووا يكونون في حاله يأس والبنت اللي تقول لا الحين جم عمرها؟؟ تلقين ماكملت 25 سنة؟؟
والله يستر على بنات الحلال
كلكم ما تأيدوون .. مشكلة العنوسه احنا حاسين فيها بس مو بهالطريقه
اللي ودي اعرفه شنوو الدليل اللي خلا المشايخ يحللونه ؟؟؟
طبعا احنا ما نعارض الشرع .. ونمشي على منهجه لو مهما كاان ونرضى فيه
لكن زواج المسيار من اسمه تحسين انه زواج غير محلل ولا مره تقبل فيه
ولان مشكلة العنوسه زادت المشايخ حللوا زواج المسيار عشان يقللون من العنوسه
طيب شنو الدليل ؟
لا حرج في زواج المسيار بشروطه الشرعيه
السؤال : قرأت في إحدى الجرائد تحقيقا عما يسمى زواج المسيار وهذا الزواج هو ان يتزوج
الانسان من ثانيه او ثالثه او رابعه ، وهذه الزوجة يكون عندها ظروف تجبرها على البقاء عند
والديها أو أحدهما في بيتهما فيذهب إليها زوجها في اوقات مختلفه تخضع لظروف كل منهما،
فما حكم الشريعة الغراء في مثل هذا الزواج افتونا مأجورين ؟
الجواب : لا حرج في ذلك إذا استوفى العقد الشروط المعتبره شرعا وهي وجود الولي ، ورضا
الزوجين ، وحضور شاهدين عدلين على اجراء العقد وسلامة الزوجين من الموانع لعموم قول النبي
صلى الله عليه وسلم:" ان احق الشرط ان يوفى به مااستحللتم به الفروج"
وقوله صلى الله عليه وسلم :" المسلمون عند شروطهم"
فإذا اتفق الزوجان على ان المرءه تبقى عند اهلها او على ان القسم يكون لها نهارا لا ليلا او في
ايام معينه او ليالي معينه ، فلا بئس بذلك بشـــــــــــرط اعلان النكاح وعدم اخفاءه
والله ولي التوفيق. جريدة الجزيرة العدد8768 الاثنين 18 جمادى الأولى 1417هـ الشيخ بن باز
المرجع : الفتاوى الشرعية في المسائل العصرية من فتاوى علماء البلد الحرام ص 450
لاني ابي زوج دائما جنبي يحسسني بحنانة
لا طبعا
عيل انا بقول
No Ofcours
خخخخخخ
اهو حلال
اوكي انا اتفقوياكم ان الله شرعه لاسباب وظروف
بس الصراحه اهو احل لاسباب معينه ومايغني عن الزواج الطبيعي المشروع
والمرأه اهي الظلوم فيه حقوقها مو كامله اهو صج عقد صحيح والعيال ينسبون للابو لاهو عرفي ولا شي بس انه يكون بالويك اندز والمناسبات حق اللي يبي يعصم نفسه
وللاسف في ناس قامو يستغلونه كاسغلال العرفي بغا المره قالها تعالي يافلانه نتزوج مسيار يعني ااييلج كلماسمح وقتي وحافظي علي سريته وبعضم يشرط انه ماتييب اعيال علشانمايبي المسؤوليه لان غرضه اصلا من هالزواج اهو اشباع رغبه ومتعه بس
انا مارضاها علي نفسيولاحد احبه
واتصدقون انا عرف وحده كبيره بالسن عمرها بالابرعينات نصهم وفوق
تزوجتمرتين وتطلقت ماقدرت تتحمل بيت ولاتبي تتحمل ريل فول تايم
موطلعات ولاروحات وردات لاوالله بيتوتيه درجه اولي بسماتقدر تعيش ويا ريال اخر شي تزوجت مسيار امام مسيد ملتزم وبوحمله حج بعد
عنده ثنتين ويبها تزوجو جذي وشنو قممممممممممممممممه الراحه بالنسبه لها تشوفيها عروس عروس كله مزهلقه وكله مستانسه لان السريه تعطي حراره وتعطي اكشن
انا بالنسبه لي مستحيل ارضاها علي نفسي