هل انتي مع او ضد والسبب

مرحبا ياحلوين
يارب ماينقضي رمضان الا غفر كل ذنوبكم ويسر لكم اموركم ووفقكم اميييين

سؤالي لكم يامتزوجات هل انتي مع اوضد النومة عن الاهل بالويك اند يوم واحد هل ياثر على الزوج ولا عادي تخلينه يشتاق سواء كنتي عند حمولة او بيت بروحج اتمنى الجواب مع ذكر الاسباب

لا النومه خليها فبيتج احسن خلي هالشي بالذات اساسي
عشان اسم الله عليج ان ولدتي او مرضتي او شي يفقدج ومايقدر ينام

خوش موضوع

كل وحده و ظروفها

في البعض مايروحون حق اهلهم الا مره بالاسبوع او مره كل اسبوعين

و غير چذي الريال مايرضى

ف انا اشوف مافيها شي انها تنام يوم عند اهلها

اما اللي مطيحه عند اهلها
ف احسن لها تنام في بيتها

ضد ماابيه يتعود على فراقي عشان عقب لا ولدت ولا زعلت يكره البيت من دوني ويحس بقيمتي

ضد النومه بغير غرفة نومي حتى لو بروحي

سواء لدواعي سفر الزوج

او نفاس

او للويك اند

او لاي سبب

احب الزوجين ….كل ليله ينامون جنب بعض …..حتى لو متزاعلين

لانه النومه بره ممكن تعود الزوج على الفراق …..ويتعود على غيابها ….وماتفرق معه بعدين

تنام يوم او يومين او اكثر

فوفو

ضد بس انا بحكم انو اهلي في الاردن بسافر كل سنة شي اسبوعين
بس لو اهلي بالكويت ما بفضل أنام بغير بيتي
وكمان متل ما حكت فوقو افضل شي يمامة الزوجين في عرفتهم
حتي لو كانو متزاعلين طبعا الله لا يجيب زعل

انا ضد وعمري ما سويتها
اصلاً ننطر الويكند عشان نقعد مع بعض لانه طول الاسبوع مضغوط من الشغل معقولة اهده واروح بيت اهلي !

سوري بدليات بس الايفون بقرر عني وبكتب لحاله!!

,’
ممكن بس مو كل مره

طبعا ضد
راح يتعود بعدين على فراقج
ريلي كان اذا بياخذ قيلوله الظهر و انا ما انام يمه تدرين شنو اسوي ؟
انسدح يمه و انومه و بعدين اطلع من الغرفة و اشوف شغلي
لا تعودينه على هالشغلة راح يتعود على الفراق

ااااااب يعطيكم العافيه

ضد ولا يمكن اسويها

ضد والله لايغير على كل زوجين يارب
زوجج لمن اتعودينه لاتعودينه على فراقج ويفضاله الجو ويصير وجودج وعدمه واحد

اكيييييييييييييييييييد ضد ليش انام بيت اهلي ؟؟