|
|
يتخرج من الجامعه المفتوحه ((تربيه)) مايشتغل الا بقطاع خاص؟؟!!
هذي الجمله سمعتها اكثر من مره بدون اثبات وحبيت اسالكم اذا ممكن ندرس بالجامعه المفتوحه ونتوظف بمدارس حكوميه بنفس راتب المدرسات اللي من التربيه الاساسيه وجامعه الكويت اولالا
ناطره ردكم ياخريجات
حبيبتي انا لما كنت ميداني كانت معانا مدرسه متخرجه من الجامعه المفتووحه
مدرستي مدرسه حكوميه مو خاااااصه
والله يوفقكم ياااارب…
هلا حبووبه لا تطمني … انا خريجة تربيه تخصص اجتماعيات … ومن الجامعه العربيه المفتوحه .. تخرجت وتعينت سيدا عن طريق ديوان الخدمه …. . وادرس حاليا في مدرسة حكومه …. ونفس الشي مع رفيجاتي اول ما تخرجوو سيدا تعينوو في مدارس حكومه ..
وحالنا حال خريجات جامعة الكويت مافي فرق بولا شي .. راتبنا وحقوقنا وحدا .. محنا اكثر ولا اقل من احد حالنا حال الجميع ..
تطمني لا تحاتين ووايد من طلبة الجامعه تخرجوو وأشتغلوو في احسن الأماكن في الحكومه والقطاع الخاص .. بالتوفيج حبوبه
مشكورين زين طمنتوني
الله يوفقج
ما ادري
بس دام speed تعينت بالحكومه يعني عادي التوظيف بالحكومه و بنفس المعاش
لا عادي من قال ..
رفيجتي مدرسة حاسوب معانا بالمدرسة الي اشتغل فيها وكانت دارسه بالجامعه العربية المفتوحه ..
الله يوفقكم
هلا حبيبتي ، انا اعرف وحده كانت امينة مخزن ، وكملت بالجامعة المفتوحة والحين تدرس بمدرسة حكومية لغة عربية