|
|
السلام عليكم ورحمة الله وبركاته ،،،
حبيت اطرح موضوع افكر فيه من مده ان هل كل حياة زوجيه تعتبر سعاده ومطلب اللي الفتاة تحلم فيها من المراهقه تبي فارس احلام ترتبط فيه وتسهر معاه ويشاركها حياتها لكنها مافكرت بالعقبات وبان هالحياة مافيها السعاده الا لحظات
والمطلقه حزيييينه على طلاقها بهذا الزوج ومعلقه سعادتها بايد هالريال يعني جنه الددنيا اوقفت لها السعاده مع رحيل هذا الزوج
والعانس تلعن سوء حظها في هالدنيا وانها منبووووذه من هالمجتمع وتكون منطويه عن عالم النساء بسبب انه ماعندها رجل بهالدنيا علشان تكمل فيه سعادتها
اللي بعرفه من الخوات هل الزواج اهووو سبب السعاده ام احنا بايدنا اللي نبني السعاده من غير زواج حتى!!
بالنسبه لي … احس ان مجتمعنا اهو اللي رابط الزواج او بالاصح الريال بالسعاده … لو تلاحظين اغلب الاهل دايما يحاتون البنت من تتخرج من الثانويه وينطرون الخطاب والا اتلاقين الام تقول حق بنتها لا تزوجتي سوي اللي تبين والا لاتزوجتي لبسي جذي ولا تزوجتي ولاتزوجتي ……
طبعا هذا ما يعني ان الحياة الزوجيه مافيها سعاده بالعكس كافي الاحساس بالاستقلاليه وكافي اليهال الله يخليهم لنا … بس مع وجود المسئوليه وهالشي اللي اغلب البنات غافلين عنه … عشان جذي نلاقي المشاكل والطلاق الزايد … لأن الزوج او الزوجه يبون البيت والزواج والعيال بس بدون تحمل المسئوليه مايصير …. يعني الحين اغلب اللي اعرفهم لما يتزوجون الاهل اهم اللي يدزون لهم الغدا … طبعا ادري هالشي يعتبر تافه وشي طبيعي ان اول الايام الاهل اهم اللي يدزون الغدا بس في ناس يتمون جم سنه على هذي الحاله…
اما بالنسبه للسعاده بحد ذاتها فكل واحد او وحده سواء متزوجه او لأ تقدر تحققها … من خلال الايمان بان لكل واحد نصيب ولازم نقتنع باللي الله كتبه لنا مهما كان ومن خلال مشاركتها او مشاركته بانشطه وايد تنفع المجتمع
وبــــــس
واللي يتأخر بالزواج (طبعا كل شي نصيب) تبدأ تحوم حوله التساؤلات والغمز واللمز !!
اما مسأله ارتباط الزواج بالسعاده !!!!
لأ
كل انسان يقدر يكون سعيد بطريقته
يعني الوحده اذا رضت ربها ورضت والديها… راح تحس بالسعاده
وحده ناجحه بدراستها….راح تحس بسعاده
….الخ
يعتمد على مقياس السعاده عند كل وحده
وفي وحده تعتقد ان الزواج اهوا السعاده …<< اهيا حره
بالنهايه..اليعاده لها مقاييس خاصه عند كل وحده
***لا ننسى ان احتمال يكون الزواج بدايه للتعاسه !!
وشكرا
حياج الله وكلامج والله صح 100 % ويمكن مجتمعنا اهووو اللي لزم علينا السعاده بالزواج ولا بعد في عوايل ماتخلي بناتها تسوق الا اذا تزوجت فنلقى البنات يوافقون مو على اساس الاقتناع انها تبي الحريه من ابوها او اخوووها ولا امها بس بالنهايه يمكن تنصدم انه بعد ماساقت وطلعت وخذت حريتها واللي تبيه انها مو لاقيه هالسعاده مع الزوج وانها ساوت حريتها على زواجها والضحيه دايما يكونون >>> الاطفتــال
جولي
صاااجه في زواجات تكون بدايه التعاسه مثل قصه اختنا مرمر اللي الله حفظها ونجاها من ريلها بس في ناس اعتقادهم الفلانه ماتزوجت اهي عيل اتعس وحده بالدنيااا وانها من المغضوووب عليهم وانه مانتحجى جدامها باشياء تجرح مشاعرها ويطلع على البنت عاااايدي
انزيين ليش يمكن حياة هالمره احسن الف مره من المتزوجه واللي قاعده ابيتها بنكد
و الزواج لا يمكن يرتبط بالسعادة لانه ببساطة مسؤلية وواجبات وحقوق وفيه سيطرة من الزوج وتقييد للحريات واشياء وايدة ما ابي اذكرها الحين والزواج مو لعبه ولا تسلية الزواج ميثاق غليظ
فصعب نربطه بالسعاده اصلا السعاده مالها وقت بالزواج
لكن ممكن نعتبر الزواج يحقق راحة واستقرار وامان للانسان ( وجعلنا بينكم مودة ورحمة )
يعني الزواج سكن واستقرار و رحمه واشياء حلوة ثانية مو بشرط توصل للسعاده المطلقة
لكن السعاده بالزواج اتيي لما الواحد يشوف نتيجة جهوده وتعبه تنعكس على بيته وعياله
فيحس بالراحة
لكن الي بيتوقع السعاده من الزواج ما راح يلقاها لانها نسبية ومو في كل الاحوال تكون متحققة
الله يرزقنا انشاااالله
انا بعرف منو اللي مسميه قفص ذهبي الا قفص مصدي حتى لو حظ الوحده زين بالريال لكن يا تطلع امه ولا اخته ولا يدته ولا ابووووووووووووووه ) قاههرني ) ينكدون عليج حياتج
ان نظره الممجتمع للمرأه المتزوجه افضل من غيرها للاسف ابالهم ان المرأه المتزوجه كامله ولها الاولويه بكل شي
مثال علي ذالك
التقاعد المرأه المتزوجه اللي عندها طفل تتقاعد بسن ال 40 بشرط 15 سنه خدمه
الغير متزوجه تظل تكرف طول عمرها حتا لو كملت 15 سنه خدمه واربعين !!
مافي عدل
الاجازات السنويه الاولويه للمتزوجه ليشلان لها بيتها وظروفها ، والغير متزوجه ان فضل عطوها او اذا ناجرت وقالت ابي نفس وقت المتزوجه كل من حقد عليها وصا رت المتزوجه اهي الضحيه المسكينه اللي العانس الشريره حاسدتها علي بيتها وانها بتطلع اجازه ويا ريلها واسرتها السعيده بس الشريره اللي تحقد علي غيرها مارضت تكمل سعاده المسكينه وناحستها
واسهل شي يقولون لها
خو ان تي شعندددددددددج شورااااااااااااااااج بتاخذين الاجازه وتنامين حرام تناحسين غيرج
ومعاشج كله لج ماعندج التزامات شواراج
احنا مساكين مصاريف بيتنا وعيالنا وكل الدنيا علينا
ولا بعضهم وصل لمرحله يقول للبنت الغير متزوجه خو شنو وراج من هموم؟؟؟ اي هم عندج ماكله نايمه شاربه ابلاش ولاهم ولاحد يناجرج ولاحد ياذيج ويحن علي رساج طول الليل وياهل مريض تراكضين فيه
شنو عندج غير صالونات وخلطات واي انتي مرتاااااااااااااااااحه
ياجماعه اللي بالنفس بالنفس حرام جذي
ترا هذا حال 90 % من مجتمعنا (واكثر شي تلقون هالنظره ببين المدرسات للاسف وبعض الوزارات)
++++++++++++++++++++++++++++++++++++++++++++++++++ +++
حتا لارياييل يقولون المتزوجه مره محترمه غير ، اما البنت في مجال انها تنحرف وشبهه لا واللــــــــــــــــــــــــــــــــــــــه !!!!! يعني هذي مو بشر وهذي بشر !!!!
حرام جذي بعدين اللي تزيد عليهم مسكينه المطلقه يا لازم الكل يحسسها انها ناقصه ومسكينه وحرام وانها اقل منهم او يحسسها انها خطر علي حياته وبيته وانها تسعي لتهديم البيوت
علشان جذي الناس تقول ظل راجل ولاظل حيطه
وتلقينها حزنانه على الطلاق مع انه حياته عقب الطلاق احلالالا بوايد من حياتها الزوجيه بس نظره التشائم اهي اللي تحكم قلب المرأة
هالموضوع بالنسبه لي دوس على الوتر الحساس
لاني انا اعاني منه
الناس بحكم الي انا عايشته للاسف .. دائما ينظرون لج نظرة واحده ماكو غيرها ..
اذا انتي متزوجه خلاص انتي موناقصج شي ( مع انه يمكن ريلج عال جبدج وانتي وياه مشاكل على طول ومو مرتاحه معاه ) مالهم شغل طول ما انتي بذمة ريال انتي كااااامله ..
لاكن اذا كنتي بنت مثلا عندج كلشي تتمنينه ومنتي محتاجه لاحد ومنجزه بحياتج انجازات حلوه يعني بمعنى اخر كامله من مجميعه والكامل الله ..ما يهتمون لايشي من هذا اذا كان ماعندج زوج او مو متزوجه ..
تخيلي ؟؟؟؟
انا استغرب من الناس والله شي عجيب ..
بالنسبه لي انا الحمدلله عايشه بخير ونعمه من جمييع النواحي والناس تعرف شنو انا ويعزوني ويحترموني .. لاكن ايضا ينظرون لي نظرة المسكينه ..
ليش ؟؟؟
لاني ما توفقت بزواجي ..بس ..
بس انا الحمد لله عارفه قدر نفسي فمحد يهمني وبالعكس ما ازعل منهم وادري انهم يبولي الخير فاخليهم على رايهم وانا الحمد لله عايشه وقاعده امارس حياتي بشكل طبيعي …
والحمد لله ماني من النوع الي احاط ايدي على خدي واندب حظي بالعكس ملهيه نفسي بولدي وبامور وايد عشان ما افكر وايد ولا اتعب ..
والحمدلله على كل حال ..
وباعتقادي ان الشغله هذي تعتمد على الشخص نفسه في من يمارس حياته بشكل عادي وينسى الي فات وينظر للمستقبل ..
وفي من يقعد طول عمره وهو يلوم نفسه ويعيد ويزيد بالسالفه وكلما شاف واحد قام يعرض عليه قصة حياته واذا يتيه بعد سنين تلاقينه مكانك راوح ..
السعاده احنا بايدنا نصنعها حتى لو كانت في اسوء الظروف …
تسلمين على الموضوع فتحتي قريحتي للقرقه
الصراحه ارفع قبعتي احتراما لج
ولشجاعتج
وقولي اميييييييييييين
يااااااااااااااااااااااااااااااااااااااااااااااااا ااارب يااااااااااااااااااااااااااااااااارب يوفقج حبوبه بكل مكان تحطي رجلك فيه انشالله يااااااااااااااااااااااااااااااارب
والخير من عند الله مو من عند الزوج
اذا راح الزوج راح الخير لالالالالالالالالالالالالالالالالالالالالالالالالا لالالالالالالالالا
الخير موجود بيد الله
واهم شي ان الوحده تعرف قدر نفسها
والله يوفقج انشاء الله ويرفع قدرج وينولج الي تتمنينه .. امين ..
انا متملله بس العيال ماسكيني
بس هم شر لا بد منه قطيعه تقطعهم
بس مثل ماقلنا نظرة المجتمع
لوضع المرأة
اهو صج سنة الحياة وانا خلقنا زوجان بس في شي اسمة قدر ونصيب
وبصراحة اذا كانت الحياة الزوجية جحيم من واقع تجربة اعتقد الحرية حلوة لولا ينصب تفكيرج ونفسيتج علي انسان مادري عن هوي دارج
احنا النساء عاطفيات وحساسات اكثر من اللازم
فعشان جذية اي كلمة تأثر فينا
والمثل يقول الباب اللي يجيك منة الريح سدة واستريح
واللة يكون في عون الجميع