|
|
السلام عليكم كويتيات ..
مبارك عليكم الشهر وعساكم من عواده ..
والله يتقبل منا صالح الأعمال…
بنات عندي استفسار أنا سقطت الجنين وكان عمرة 3 أسابيع في تاريخ 22-7 واستمر نزول الدم لمدة 6 أيام يعني طهرت 28-7 ونزل بعدها علي دم بس يوم واحد في تاريخ 30-7 ووقف الدم وطهرت بشكل كامل الحمدالله ..
وأمس واليوم أشعر بالتعب ودوخة ووخز في الثدي وألم في أسفل البطن ما يطول يجي ويروح … هل احتمال أكون حامل ؟ ويصير أحمل مباشرة بعد سقوط الجنين ؟ وأنا موعد الدورة يكون آخر الشهر يعني على 26 من الشهر!
وشكراً أنتظر مساعدتكم ..
والله يرزقج يااارب ويعوضج عن الي راح
بس لازم تاخذين فولك اسد سوائن حامل ولا لا علي الاقل 3 اشهر بعد الاجهاض
أنا قاعدة أخذه بس مو بعد الإجهاض مباشرة..
أنا سمعت إن خطر أحمل مباشرة بعد الإجهاض هل هذا خطر على الجنين؟ هل إحتمال تكون نسبة الإجهاض كبيرة ؟
بس اذا صار ديييييري بالج على عمررج
الله يكتبلج الحمال الهين و الثابت
انا الي اعرفه ان التنضيفات اهيا الي يقولون لج نطري 3 شهور لان بطانة الرهم خفييفه بس اذا مو مسويه لا حالها حال اي دوره عاديه
بالذات انه عمر الحمل 3 اسابيع
انا اجهضة بل اسبوع السادس وقالتلي الدكتوره عادي بس اخذي فولك اسد
مس كويتية : إيه ما سويت تنظيفات قالتلي الدكتورة ما يحتاج لأن بس صارله 3 أسابيع ..
عملت فحص الحمل المنزلي وظهرلي خط كامل والخط الثاني مو واضح فاتح بس أقدر أشوفة .. ما معنى هذا ؟؟
والله يسمع منج الله يزرقج
أروح أسوي تحليل ؟
انا كانت الدورة متأخر 7 ايام وحللت منزلي وطلع خطين واضحين وعقب رحت احلل دم وطلعت حامل الحمدلله يارب