|| هشتكنـا و بشتكنـا يـا ريـّس :p إنـت زعيـم و النعمـه كـويس|| ازواجنـا بالسفر غير :p

,.

السـلام عليـكم ورحمـة الله وبركـاته

شلـونـكم بنـات حلـوين طعميـن

.
.

البـرد قـارص و الـدرابيـل تنـادي .. إلا آآنـا يا حضـي رجيـم و مشتركـه بنـادي << يعنـي شعـر ههههههههههه شرايكم بس بتأليفـي ..

المـهـم ,

سي السيـد بالسفـر ومـا أدراك مـا السفـر ..

الريـال يصيـر غييييييييييير خـاصة اذا معـاج نـاس .. واااي يـا حلاتـه ودج النـاس ينـامون معـاج بغرفـة الفنـدق من كثـر ما أهـو غيـر بوجـودهـم

هالنكت اللـي من كـل صـوب .. و نظـرات الحـب

و جـدامهم .. هـا حبيبـتـي شنو تبيـن ..

و الكـل يحسـدج عليـه .. يمكن اللي معـاج تتهـاوش مع ريلهـا تقوله شوف فـلان صير نفسـه ههههههههههه

آنـا ما أقـول رياييلنـا بالكـويت مو زينيـن بس السفـر يلعـب دور ..

مثـلا .. بسفرتي هالسنـة رحـت مع ربعـه و حريمهـم .. بالفندق يقـول حـدي اليـوم 200 يورو
كيفـج .. و آنـا أقـول ان شاءالله حـاضر .. " هذي نصيحة لبنانية كله قولي ان شاءالله وحاضر "

ولمـا طلعنـا يااا سبحـان الله عـاااازم ربعـه و حريمهم و قاعد بالطاولـه ينكت ويضحـك ..
و قط 150 يورو على غـداهم و يقـول حق ربعـه لا لا انا ادفـع .. و انا بغيت اغص باللقمـه هههههههههههههههههه

عـاد انا كريكـره .. أضحك إذا صـار شي مو متوقعتـه ..

عقب نـروح السـوق نتمشـى يوقف فـوق راسي هذا حلو واخذي هـذا اخذي كثر ما تبيـن
و انا شوي مخترعه ههههههههههههه عرفتوا مصدومـه .. ما هذا الكـائن !!!

و احـط و احـط .. و يدفـع جـدامهم

و لمـا نرد الفندق يقـول ترى كثـرنـا اليـوم .. و انـا كلـه أقـوله اي صح .. ممم صح والله
" الريـال كله قوليله اي صح اي صح اي صح انت صح طبعـا صح "

وقت الصجية سوي اللي تبيـنـه بهـدوء حسي ان صج في شي اسمه كيد النسا << والمشكلة يا حضي مو مسوية شي فوق طاقته والا يعني طالعه فيها ..

باختصـار سـؤال صريـح زوجج يتغيـر بالسفـر خاصة اذا معـاج ناس او جـدام اللي يشتغلون بالمحلات والمطـاعـم !!!

آنـا زوجي مقصـر علـي الحمـدلله بس هم في تغييـر بالسفـر ..

مـرات ودي اقـوله من أين لك هـذا .. بالكويت بسرعه يطير المعـاش اهني راهي ههههههه ماشاءالله بس اسكت عشان ما يقـول ولييييييه لازم امسـك نفسي جـدامهـا وافتحلـي باب ..

و آنـا عبالي بس ريلـي .. طلـع جم وحـده جذي ريلهـا يتغير 180 درجـة
لان ريلي بالكويت بالطلعـات ثقيل وما يبتسم وايد الا بالسيـاره ولازم انا امسكه مو اثنينا نمسك بعض وبالسفر ياعيني ياعيني روميو وجولييت << حددده هههههههه

شنو مواقفـكم بالسفـر مـع رياييلكم وتغيراتهم المفاجأه اللي تصكج البوهـااا ..

و أرد و أغنيلـه

هشتكنا و بشتكنـا يـا ريّس إنت زعيـم والنعمـه كويس

اختكم فـي الله .. اخت خالتهـم ..
وهل يخفى القمـر !

,.

لوووووووول ضحكتيني قسما بالله خخخخخخ
حاليا آنا بسفر وباجر بيوصلون آهلي خنشوف كرمه الحاتمي جود يزيد لووووول
آشكرج ضحكتيني والله

هههههههههههههههه ياحلات اسلوبج بس الصراحة ماشاءالله تبارك الرحمن >>> اخاف احسد زوجى

اهو بالديرة وبرة الديرة زين معاى الله لا يغيرة يارب العالمين >> طبعا هذا من ناحية التشرى وجذى

بس بالسفر لازم لازم وركزى عالكلمة لازم اتصك بينا هوووشة مادرى ليش والله العظيم كل سفرة لازم نتهاوش
على ولا شئ .. مادرى عين والا خبال زايد وما طلع الا برة الديرة ههههههههههههه

لوووووووول

العنوان حسسني ان الموضوع يرقص خخخ

فيه رقص شرقي شي جذيه

اهم مو بس بالسفر مرات ينزل عليهم الكرم مره وحده ماتدرين مضيعين ولا شنو

مره وانا معاه بالسياره يحليلي مفهيه مرجعه الكرسي لورا وشبه منسدحه وعاطيته ظهري خخخخ اوقات قله الذوق تنزل علي فجأه خخخ

الا هو يقول منمنتي خخ مدلعه روحي

متى نروح ناخذ لج اشي فستان احمر واخضر واصفر وجنط طقم وشوزات وعبابات ولبس تحتاني خخخ من اللي احبه ومكياج وووو الخ

انا طبعا امبيه بطلت عيوني وفجيت حلقي ونقزت من عالكرسي

وشاقه الحلق اقول امبيه طلللع الفرج

خخخخ >>>للاني توي كم شهر متزوجه واستحي اتشرط

امبيه طلعت مني الكلمه بالغلط الا اهو زعل وبوز وانكسر خاطره يسألني ليش تقولين طلع الفرج

الا تدودهت وقدت اتبسم واضيع السالفه الا اقول لا ههه مو قصدي انا اوقات استخدم كلمات مالها علاقه بالموضوع لاني ماعرف اعبر بس

وطلعت نفسي من السالفه قبل لايزعل خخخ واتورط

هههههههههههه زوجي لو بقي يسافر يازينه يقعد يدلعني ويلبي طلباتي كلها
ويبي يسافر بعد شهر ياسلام راح ينفذلي طلباتي وناسه

لووووووووووول تهبلين :**

والله انا وريلي حمدلله والشكر اذا سافرنا تقولين مينن مو اوادم
اهم شي الكاميرات ، لا من تليفوني ولا من تلفونه لا وزيادة على جذي كاميرة كانون
تشوفين نفس اللقطه اميه مرة بتليفوني وبتليفونه وبكانون
مشفح مو اوادم لوووووول
امبيه يعني عادي عادي ، سفره اربع ايام، نرد الكويت وننقل الصور للاب يطلع المجموع الفين صورة !
واخر شي نصفى على صورتين
لوووووووول

اما من ناحيه العقليه وايد يختلف
انا من ذوات القوام الكارديشاني :d
فاهني بالديرة جود اذا لبست جنز اطق فوقه كارديقان طويل والا شي
اما بره فلاتي ، يسكت مايقول شي
مادري ليش يعني
هههههههههههه

ههههههه
انا مثلجججججج
لما رحت مع قروب طبعا ماعجبه القروب وصرنا نروح مع جم واحد ومرته
عاد وحده معانا تهبل جميله حيل حيل عيونها ملونه وبياض لا اله الاالله رياييلنا زاقت قلوبهم
وحده وياي تقول خل تتحاش منها غير هذا الكلام الي تقطه وقحه شويومافيها حيا
المهم كان ينكت السي سيد وعيونه فيها انا ماغرت حيللانها اكبر مني واكبر ريلي المهم لما صورتها تقول لريلي اشرايك بالصورة جان يسفهاا
عقبهاااااااااا
قلت ان رحت معاه ومع مرته الوصخه راح اصير مثلها 
جان يقولي لا عادي المهم قطعناااا
ولما ردينا الكويت طلقها ريلها يقول لزوجي مو مضبوطه عاد عندهاولديين
هههههههه
طولت عليييكم بس ارد اقولج ينصب
وتوبه من هلنوبه مع القروباااات

موضوعج غير
زين النفسيه تعدلت وعساها دوم والله لا يغير عليج
انا ماعندى مشكله بالنسبه للفلوس آخر اهتماماته
مشكلتى انه بالسفر يصير رومانسي زياااااااده
على طول مبحلق فيج ويصور
الله كان لنا ذكريات حلوه بالسفر

لوووووول

اهو شوفي النفسيه تلعب دور لما الواحد يسافر و يشوف ديره غير وناس غير واماكن غير فالنفسيه already تكون احلى

اني رجلي عكس الناس

اذا ويانا ناس يجيب الهم والضيق والنكد

لانه تصير الرحلة ومو مرتبة والوقت يضيع

ومايعطيني وجه

واذا نرفزه شي يحط الحرة فيني

بس اخر مرة سافرنا مع اولاد خالي مع زوجاتهم كان رايق كله ويا اولاد خالي وهم معتمدين علينا فكانوا مؤدبين ياحليلهم مايعترضون على ولا شي

باختصاااار اكره اسافر ويا احد

واذا لحالنا كله ساكت يجيب الملل لو ما اني بجنوني اسوي جو

لاحووول

والحمد لله

الله يجدد اسفارنا كل سنه يارب

‘

طــَمووُشـَه ..

يَ حلوووچ وانتيِ رآيـقه

فديتج وفديت مواظيعج اللي تونس مثلج

طبعا اقولها وبكل فخر هههههه زوجي غييييييير بالسفر
من جذي لازم كل سنة نسافر خخخ

يصير ابو الرومنسية

ولما نرد من السفر يرجع بوفانيلة وسرواااال هههه

لووووووووووووووووول

صاجة صاجة .. ياني نفس الشعور والله مادري ليش:d

صراحه ماجربنا السفر مع ناس
كله بروحنا
بس الحمدلله زين بالسفر
يصرف ويقول اخذي اللي تبين لج مو لازم للناس ههه
تحسين النفسيه وتغيير الجو يغيرهم للاحسن