هذي الروضه . اروح لها ؟؟؟

السلام عليكم خواتي مدرسات الرياض

انا في حيره من امري ولاني فعلا اقدس هالمرحله من حياة الطفل التعليمية والتربوية

واحب استشيركم خاصه اللي عندها خبره طويله في مناهج رياض الاطفال

عندي بنتي في حضانه ثنائية اللغة والسنه هذي بتروح الروضه – اولى روضة يعني –

فشرايكم اخليها بروضة حكومية ولا روضه خاصة

تكفون ابي منكم الراي .

انا مدرسه بس موتخصص رياض اطفال ولا عندي احد يفيدني عن مناهجهم .

هل راح تتأسس عدل بالروضه الحكومية وتتهيأ للمدرسه ؟؟؟

ارجو الراي والمشوره ولاتطولون على ولكم مني خالص الدعاء في شهرنا الكريم

بصراحه … انا اشوف فيه رياض حكومة وايد زينين و نموذجيين … يعني لازم تسألين عنهم قبل … و هم ترى الخاص زينين اهم شي انج تحاولين تعلمين بنتج الاساسيات بالبيت … يعني الالوان علميها باللغتين و الارقام علميها لل20 … ترى الياهل بالعمر يسجل …
انا بصراحه هذا اللي سويته … سجلت ولدي بروضة حكومة .. و علمته يكتب اسمه … و الارقام بالعربي و الانجليزي كتابة و قراءة … و الالوان بعد .. و الحمدلله الروضة طلعت نموذجيه .. و فايزة بالمركز الاول على مستوى المنطقه .
عالعموم بالتوفيق انشالله

رتبه دبلوماسيه

تسلمين – اسعدني ردج

بس انا مخططه ان ادخلها مدرسة انجليزيه – وللروضه الانجليزية طافنا التسجيل – عرفتي .

فخايفه السنه اللي بعد اليايه ما يقبلونها الروضه الانجليزيه !!

السؤال الحين : عادي اخليها بالروضه الحكومية وبعدين مدرسه انجليزيه ؟؟

حبايبي ما اطول عليكم

حبيت اسأل :

فيكم احد سامع عن روضة الرحاب- بمبارك الكبير – حكومية طبعا

شلون مستواها – مدرساتها – نظافتها ؟؟

بسجل بنتي فيها

ارجو الرد لاني على نار وما بقى شي على الدوامات

آنا أشوف رياض الأطفال الحكومي وايد زين

لو تبين تبدين الخصوصي، ابدي مراحل متقدمه من ابتدائي ومتوسط وثانوي ..

للرفع .. وإن شاء الله تلاقين إجابة ..

صباااحووو صبااايااا

عزيزاتي زميلاات المهنه حبيت ابلغكم ان ماااااباااقي شي عالدوااام

بس متى بالضبط مادري ..؟؟؟ اي تاريخ عشان ودي اسافر بالعيد اخاف مايمديني

وبعد ابي النقل

ودي اشيك ع نقلي وين حطوووني شلووون اعرف اروح المنطقه الحين ولا بداية الدوامات ؟؟؟

ناطرتكم

الدوام 59 ان شاء الله

والنقل طلع حبيبتي راجعي المنطقة او دقي عليهم تعرفين وين حطوج

اب اب

مشكورة

تسلمون وما قصرتوا – بس باعرف وين تنباع كتب kg 1

ادرسها بالبيت مو احسن ؟؟

حبيبتي تبين نصيحتي خليها تأسيس بالخاص أحسن الان مناهج الحكومه مافيها تأسيس للابتدائي لانها عباره عن خبرات بس وبعديين صعب تودينها من الحكومه الى الخاص الأنهم يطلبون أمتحان مستوى الخاص ولا يقبلون الا لازم مستواه زيين

مشكورين وما قصرتوا

حبيبتي الحين في رياض المنهج
وايد حلو المنهج واليهال يتعلمون عربي وانجليزي ورياضيات
في ابلات يتحلطمون من المنهج والكميه
بس انا من خلال تطبيقي للمنهج مع عيالي بالمستوى الاول
كان واااااايد حلو ويحبونه واكثر شي يشدهم الانجليزي
ويتعلمون الاعداد باللغتين مع الكتابه
وغير الكلمات

وبعد عندنا كراس الطفل ردوه ووايد حلو

بصراحه انا عيالي طلعو مني ثقافتهم كبيره وهذي شهاده اهلهم لي الحمدلله

شوفي رياض المنهج المطور بمنطقتكم و جربي تطلعين عليه

الحين موبس خبرات والعاب بالروضه لا الروضه تطورت
وصج كل هالتعب على الابله ومحد حاس فيها وحسبالهم ابله الروضه تروح تنام بالدوام ماتشتغل
بس يكفي عيالنا يطلعون عندهم حصيله ومعلومات يديده و اللغه مطوره عندهم

بصراحه انا اذا شفت عيالي تغيروا اخر سنه وفرق عن اول السنه
هذا بالنسبه لي اكبر هديه ممكن احصل عليها