بنات انا سوت لي الدكتوره الحين سوانار من بعد ما عطتني 5 حبات اكلهم ايام الدوره وقالت لي انه البويضات يبيلهم منشطات اكثر وعطتني لمدة اربع ايام ابر كل يوم ابرتين وقالت لي بعدها تعالي راجعيني عشان اشوف حجم البويضات يعني بتسوي لي سونار عشان ابرة التفجير بس والله بنات نفسيتي تعبانه 
احس الابر قاعده اتمتنيي حيل وخصوصا اني الشهر اللي طاف خذيت الحبوب وابرة التفجير وما حصل حمل وانا مستمره في زيادة الوزن وخايفه والله من هالشي لاني عانيت بالريجيمات قبل الزواج وكان وزني حلو بس الحين اخترب كل شي من بعد الحبوب والابر وخايفه فوق كل هذا ما احمل تعبانه نفسيتي من هالشي والله
واعذروني على الطواله
الله يرزقج حبيبتي وحاولي مع العلاج تسوين رجيم احسن شي وتخفيفين اكل
والمشي ضروووري انا لمن اخذ علاج كنت امشي يوميا
لانه العلاج بروحه يمتن
وبغيت اسألج بالنسبه لزوجج ..سوا تحليل ولا لأ؟؟؟
اذا مو مسوي لازم لازم يسوي وتتأكدون انه سليم قبل لا تتعبين مبايضج وتاخذين ابر
اذا تحليل زوجج سليم انصحج سوي تلقيح وافتكي احسن
وبمراجعتج اليايه حق السونار اقترحي عليها وشوفي شنو تقول الدكتوره
والله يرزقج ان شاء الله يارب
غفران حبيبتي انا ريلي مو مسوي تحليل كلش وقلت حق دكترتي قالت لي اول اخذي الابر لمدة 3 مرات يعني 3 اشهر اذا ما حملت منهم خلي ريلج يفحص وانا ما كنت ناويه على العلاج بالمره بس كان فيني التهاب وتعالجت منه ومره وحده كملت علاجي عندها عرفتي وساالتها انا ليش للحين ما حملت فعالجتني من الالتهاب وغزتني الابر التفجير الشهر اللي طاف وهالشهر زادت علي اكثر بالعلاج من ناحية الابر وانشالله الله يتمم علي هالشهر انا قلت بصبر هالشهر اذا ما صار شي بحاول اقنع زوجي بالتحاليل وشكوره حبيبتي على ردج وما تقصرين والله يرزقج وينولج اللي فبالج انشالله
حبيبتي انتي لا اول ولا آخر وحده تاخذ منشطات للحمل و ماكو شيء ايي بالساهل …
اذا نفسيتج تعبانه ما راح تساعدين نفسج علشان جسمج يستجييب للعلاج …توكلي على الله و عليج بالدعاء و الاستغفار و الصدقات بنيه اانجاب
و ان شاء الله لما تعرفين خبر حمالج راح تنسين كل هالضيقه
انشالله الله كريم ومشكوره على ردج حبيبتي عسى الله يرزقج انشالله
حبيبتي اهم شي وزنج
اذا زاد وزنج يخترب كل شي
قللي اكلج
والله كريم
قاعده احاول اقلل اكلي بس احس انه شي من داخلي يقطعني من اليوع مو قادره ولما سالت الدكتوره تقولي عادي اهيا الابر اتمتن ومشكوره حبيبتي على ردج والله يرزقج انشالله
معقوله بنات من بين 42 وحده بس 6 اللي ردوا الله يسامحكم جد احبطوتني زياده فوق ما انا فيني احباط
حبيبتي شي طبيعي زيادة الوزن
ومثل ما قالوا البنات أهم شي النفسيه
وحاولي تسوين رجيم مع المشي والشاي الأخضر
الله يعوض صبرنا خير
إن شاء الله الله بيرزقج الذرية الصاالحة يا رب والله كريييم..
الكلووميد بروحها ماتسوي شي
ميخالف تحملي كل شي يهون علشان البيبي
واذا نفسيييتي مو اوكي تري العلاج الي تاخذينه ماراح اييب نتيجه حلوه
وربيي رزقج يااااارب
مشكورييييين حبايبي على الردود بس انا تصدقون شنو اللي حاطته في بالي والله انه حاطه انه هالشهر هم ما راح اكون حامل بس قاعده اسعي ومخليتها على رب العالمين بس مفكره اوقف علاج من الشهر الياي اذا ما صار حمل واغير الدكتوره يعني بحاول اخذ علاج من غير هالشغلات اللي تزيد الوزن
عروسه …خليها على الله ولا تقولين انا حاطه في بالي ما راح احمل هالشهر …. انتي حبيبتي ما تعلمين الغيب ..خليج متفائلة العبد في التفكير والرب في التدبير خلي ربج يدبرها …… ما تتخيلين اشلون النفسية تلعب دور
عسى الله يبرد قلبج ويرزقج وضروري ضروري ريلج يسوي تحليل يمكن انتي ما فيج شي لا سمح الله وريلج بعيد الشر فيه …دكتورتج قبل لا تعطيج منشطات المفروض تطلب تحليل ريلج ………. انا دكتورتي قالت ما اعطيج ولا شي الا لما اشوف تحليل ريلج بالاول تالي نشوف وين المشكلة لاني جزتها كل فحوصاتي كانت سليمة
يا رب ما نسمع عنج الا كل اخبار زينة
والله اني قاعده احن عليه انه يسوي الفحوصات لكنه رافض ومو راضي يسويها اللي قاهرني انه مو راضي وهالشي متعب نفسيتي زياده ومشكوره حبيبتي على ر دج اللي يبرد القلب والله وما تقصرين عسى الله يرزقج عاجلا غير اجلا يا رب العالمين ويسهل امورج حبيبتي ويرزقني
الله يرزقج بالذرية الصالحة اللي تفرح قلبج ياااااااارب