|
|
قوه يا احلى كويتيات
الله يعطيكم العافيه
هذي أول مشاركه لي وحبيت اقولكم قصتي مع الحمل وحبوب المانع !!
انا صراحه قصتي طويله انا عندي بنت عمرها سنه ونص وبعد الولاده اكلت حبوب جنيرا لمدة سنه ووقفتها وللحين ما حملت دكتوري قالي بعد 6 شهور من تقطعين الحبوب تأكدي من القرحه في الرحم لأن احتمال من الحبوب ورحت له كان عنده ولاده وعمليه ورحت للدكتوره عاليه الفضلي وللأسف كانت جدا تجاريه أول زياره كانت علي الدوره وقلت لها انا بتأكد من القرحه بس قالت لي سونار داخلي وانا لعدم خبرتي قلت اوكي عقب قالت عمليتج ورحمج زينين بس هذي حبوب منشطه وغسول وحمض الفوليك (( بدون تحاليل )) وسوي هالتحاليل وعقب 5 ايام تعالي عشان أتأكد من القرحه لأنها ما تبين بالدوره !!! ليش السونار مادري !!!.gif "Eh S(14)")
المهم عقب 5 ايام رحت واول ما بلشت أخذت عينع مادري مسحه بدون سونار وعقب السونار وقالت ماشالله الرحم نظيف حيل ومافيج لا التهابات ولا قرحه ؟؟ ليش المسحه !!!! ربح وبس !!!!!!!!!!!!!
وشافت نتيجة التحاليل زينه بس هرمون الحليب مرتفع (( لأن انا فيني خمول بالغده )) ووصفت لي حبوب اللي تنشف وقالت البويضه حجمها صغير مع العلم ان لي 9 ايام من الدوره يعني مو يوم تبويض ومارضت تقولي الحجم الطبيعي تتهرب من السؤال كان حجمها 11 في اليوم التاسع من الدوره ولما رجعت سويت بحث بالنت طلع ان حجم البويضه يكبر عالاقل 1 ملم باليوم يعني بأيام التبويض بيكون حجمها طبيعي انشالله بس اهي وصفت لي 5 ابر من الصيدليه وطالبه مني آخذها 4 ايام مادري ليش الابره الخامسه !!!!!
المهم انا ما اخذت الابر واخذت حبوب اللي تنشف لأني حدي ما كنت مرتاحه لها وحسستني اني عقيم وضيقت خلقي وسافرت ورجعت وعايشه على البركه وحدي محتاره بنفسي مادري شسوي ؟؟
شاركوني برايكم وادعولي الله يرزقني
والحكوميه خواره ومالهم خلق احد
بس روحي مكان ثاني
لان القرحه ترا موزينه
انا صارت فيني
ومن اعراضها الم بالظهر كانج شايله شئ وماشيه وبسرعه تتعبين من اي مجهود وساعات تكون في ريحه بالملابس الداخليه اذا كانت عميقه
بس لاتخافين طريقه ازالتها بسيطه
توكلي علي الله
الله يشافيج
بس انا الحمدلله ما فيني قرحه من السونار اللي سوته والعينه بس طلعتلي طلعه بحجم البويضه ؟؟؟؟؟؟؟؟
وكلش موتجاريه هذا اذا كان فيج قرحه
بس اذا مافيج شي روحي عند الدايه ام فيصل بجابر العلي عندها عسل يقوي وادوياات تحملين على طووول والله عن تجربه
مع قراءه سورة مريم وال عمران بنية الحمل
وهم قالولي تقرحات ومادري شنووو وترى سالفه حجم البويضه عادي اختي من الحبوب تخلي عندنا شوية ضعف بس بل الوقت ترجع ان شاء الله
وترى دكتوره سلوى الرفاعي خوش دكتوره انا عالجت عندها التهابات وهل السوالف شهاده لله طمنج وتريحج واحسها مبروكه جربيها
شوفي دكتور ة ثانية احسن
دكتورج نفسه مره ثانيه ودام مافيج قرحه
لاتحاتين ان شالله مافيج الا العافيه