هذا اهوا السؤال الي باط جبدي

قوة بنات

بدخل ع موضوع وبختصر السؤاااال

ابي افهم ليش ترضين تتزوجين واحد متزوج؟ وتكوني شريجه نمبر 2؟؟؟؟

سمعوني انا ادري في بعض حالااااااات يمكن نادرة

الي اهيا الزوجه الاوله ماتيب عيال وله موقايمه في واجبها كزوجه والخ

لا لا

اناااا اقصد شي ثاني والي اهوا ان الزوجه الاوله كل شي غيها كامل والكامل لله بس حضرت السي سيد طق فبالها ياخذ وحدة ثانيه يحر الاوله؟!

يبا والله ماحد بياكلها غيرج انتي

في موضوع حق عضوه توني رديت عليه والي اهوا تقول فيه واحد متزوج اثنين وحدة عمرها 24 والثانية 19 ويبيهم ………….

ابي افهم هذي ام 19 شنو حدها ه هالزواجه هذي ها؟؟؟

ادددددددررررررررررري الشرع محلل 4 ادرييييي

ابي احد يفهمني شنو الي موفاهمته به الشي

ماعليه كلام مخربط لاني اكتب من ايبود وبعد عشان اكتب وانا افكررررررررررر

بليز مابي هجوم وطق مطاقق

سي يو لما ينزل الموضوع

باي

كل واحد ونظرته يعني انتي شايفتها من سابع المستحيلات واهم شايفينهاا عادي والحياه طبيعيه

انا معاج
بس انتي فكري فيها هي مثل اللعبه
شنو افضل تاخذين لعبه من يد غيرج ولا تنخذ منج
اكيد تاخذين اللعبه احسن فالزواج نفس الفكره انتي تاخذين ريل من مرته اسهل بوايد
الله لا يحطنا في هذا الموقف يارب
اهم شي تدعون هذا الدعاء" الله يبعد عن زوجي بنات الحرام وبنات الحلال "
وان شاءالله يخلي لنا ازوجنا و يهديهم

ياقلبي أذا البنت كانت ناضجة وواعية تتزوج ما فيها شي حتا لو كان عمرها16 أعرف بنات وايد تزوجو بهالعمر وحياتهم جنة …
بس قصة هالبنت ويا زوجها تعور الراس صراحة 2في واحد يستهبل ….

انا اشوفها مسألة قناعات وضروف مانعرف شنو الي حاد ام 19 تكون ضرة
لو عرفنا احتمال مانستغرب
وبعدين في نوعين من الرجال في واحد ودج تدوسين فبطنه لانه مرته مو ناقصها ولاشي باعترافه
مو احد يدافع عنها بس يبي يغير ويبي وحدة ثانية بس ماتكفيه وحده ومايترس عيونه الا التراب
وفي واحد من الريايل وهم طبعا الاقل تقولين ياليت يتزوج على مرته هامله عمرها وهاملته وابد مو جايبة
خبر همها طلعات واسواق وتجمعات ووناسه ومو درايه شنو صاير حولها والشكل والجسم اعوذ بالله
ولو قال لها اذا ماتعدلي عمرج بعرس عليج قالت انا جذي وماراح اتغير تبي تعرس عرس
هذا بالله شو يسوي بعمره
مادري في شغلات جد تجيب العلة ولا وحده اختي تعرفها وهذا نوع كبير من النسوان لان عيونه فارغه ولو وده نسوان الدنيا كلها
يخون زوجته وهي مع احترامي لكم حمارة تدري انه يخونها وساكته وبالعه ولمن فكر يتزوج قالت تخون اي اما زواج لا
الكل استغرب منها قالت اي خل يخون بكيفه محد درى عنه اهم شي تالي الليل يرجع لي ولاولاده ولا يقولون الناس عني ريلها تزوج عليها
طيب شنو رايكم فيها هذي
وبالاخير كلها ارزاق يعني فعلا في اسباب مقنعه للزواج الثاني احيانا بس احيان كثيرة مال امها داعي

ليش حاطه اللوم علي الريال انتي الحين ؟؟؟؟؟؟؟؟؟

ليش ما تقولين العيب من الرفله زوجته الاولي اللى خلته ياخذ عليها ولا في واحد صاحي يتزوج ثنتين الا اذا كان طفران حياته من الاولي ..

بتقولين مرته كامله والكامل الله شدراج انتي؟؟؟؟؟؟؟ شفتيها متزقرته بالعروس وبالدوام وكلامها عسل ويا العالم قلتي سنعه ؟؟

شفتي اسلوبها مع ريلها ؟ شفتي حنتها ورنتها وعدم احترامها له ولهله ؟؟؟؟؟؟؟؟

لا شفتي حياتهم مع بعض بتعرفين السبب يا قلبي ….

ام كوثر اسم الله عليج ليش جي مشتطه!

شوفي خل اقولك
هالزمن الرجال ..اللي بالفعل رجال صارو قليلين
واغلب البنات تغير تفكيرهم تقول اخذ واحد رجال راعي مسؤليه وفاهم وعاقل ومتزوج ولا اخذ واحد لا راعي مسؤليه ولا شي
الحين وربي قما نخاف على رجالنا …بعض البنات ماهمها تاخذه ولو قدام عينك وتتزوجه
زمن اغبر ياكافي
الله يخليلي زوجي وما يشوف غيري

ههههه رايج فيه شي صح ان للوحده ماتعرف شنو بين الريا ل ومرته وانتي اتشوفينها سنعه بنظرك لكن يمكن في شى خفي ماتشوفينه

يمكن تشوفين هالشيء صعب ومستحيل بس عندهم عادي
شيء سهل .. والله في حرريم يهبلوون مايطلع منهم العيب تنصدمين
لما تقولج ريلي متزوج علي !!
الله يهديهم ان شاءالله .. وبعدين في حريم صج مو كفوو لازم ريلها ياخذ
عليهاا مراه لما ياخذ عليهاا بعدين تتسنع وتعرف غلطتهااا

ام كوثر ياعسل انا قلت يمكن هي الثانيه ومبطه جبدها ههه انتي مثل اختي جى يوم تقول رأيها كله معصبه وشاده حيلها بس في اغلب الأوقات يكون رأيها صح يحليلها

حبيبتي انتي .. وانتي اختي الصغيره وانا ما زعلت منج يا قلبي

اختلاف بوجهات النظر فقط لا غير ..

عسى الله يخليلج اخيتج ان شاءالله