|
|
قوه بنات
هذي هديه مني لكم حسو أمي الله يخليها لنا ..
اللي عليه طق اعصي بعايلتنا والجيران ومعارفنا
وطبعا صورته عشان انا وانتوا نستفيد ..
بالدوره والنفاس وبعض البنات اللي
ينفسون ببيتهم فديتهم يقدرون يتعلمون..
وبما انكم تدرون مطبخنا من يومين محترق
فبقايا الدخاخين والاضرار للحين بالمطبخ فلا اتدققون
صور تفصيليه جدا جدا خطوه بخطوه..
بسم الله نبدي
المقادير الجدر الأول:
5قفاش حليب بودر
3فناجيل سكر
حبة بركه(مقادير الحبوب اوضح بالصور لان
اقول لامي شكثر تقول شوفي وانتي ساكته خخخخخ)
حلبه
رشاد
قفشة وسط زعفران خيوط
وقفشة وسط صبغ العيش=زعفران يسمونه اعتقد
….
مقادير الجدر الثاني:
كوب طحين
ربع كوب حسو
كوب دهن
….
نذوب 5قفاش الحليب بجدر تارسين نصه ماي
نحط مقادير الاعشاب طبعا امي مقدارها كاهو الغطا الاحمر لوووووول
حبة البركه
الحلبه
رشاد
نخلط طبعا قبل لا نحطه عالنار
نحطه عالنار ونحط الزعفران الخيوط وصبغ العيش
تشوفون الجدر الثاني؟
نبلش ونخلي الاولي يفور على كيفه نقصر عليه
كوب الطحين ونحمس =نحركه
نضيف ربع قلاص حسو
نحرك
والله يابنات انا اصور ركضه وامي تشتغل مالها شغل فيني مندمجه
وكل شوي تقولي طلعي برا لا تحترقين لووووووول
بقت من الخدامه هاللقطه .قلاص الدهن
نحرك ليمى يصير كريمي ومافيه اي تكتل
لاتخلونه جذي حركوا بسرعه بسرعه يصير كريمي
من بعيد شكله امي حاره ماتغشمر خخخخخخخخخ
||
انتبهوا هالخطوه خطره!
صبي اللي بالجدر الأول(الحليب والحبوب..)الفاير
عالجدر الثاني(الطحين والحسو والدهن)
راح يطفر الحليب بشكل كبير (انا اخترعت وامي تقول برااااا)خخخخخخخخخ
انتي بعدي وتالي بسرعه قربي وحركي بسرعه لا يتكتل
قاعد يبطبط:>
حركي ليمى شوي تستوي الحبوب يعني أقل من5 دقايق تقريبا
وبالعافية
ودته أمي لجارتنا عليها بالعافية وخلتلي صحن
وودي اصور لكم ويه اختي واهي منصدمه
اننا ماخشينالها لووووووووووووووووووول
صحني كليت ثلاث ارباعه وعطيتها الربع الاخير
خخخخخخخخخخخخخخ خفت اقص
حاطته لوجه الله وللافاده
لاتنسونا بدعائكم
أختكم اشتياق
تسلم ايدج
وايد الوالده
بجربها وارد لج خبر
شوشو شكله لذيييذ
والله أنا وقت الدورة جبدي تكون مسدوده ومالي خلق آكل شي
بس هذا خفيف على الجبد وجنّه سيريلاك ^_^
الله يجزاج خير ويوفقج ويصلح حالج
ويزيل همومج ويسعدج دنيا وآخره يا غاليــه
مشكوره ياقلبي عالموضوع
سؤال الحسو الحبوب اشتريهم من العطار
وهل هو يسمن وهل يصلح للبنات بعمر 14 16
هل ممكن اعمله واحفظه في الثلاجه ليومين ثلاثه مايخرب
والله يبارك في ميمتك ياااارب
بس سؤالي شنو الحسو يعني يشبه الشوربه بس طعمه حالي والا ايش؟؟ مامره شفتها بالسعوديه عذريني بس منكم نستفيد
طريقه يديده بجربها غير عن اللي اعرفها
يعطيج العافية وتسلم ايد الوالدة
مشكووووووورة ماقصرتي فرصة نجرب
وجزاج الله خيرررررر
شكلج مزعجتها لووووووووول
ماتسوي لي جدر
وابي عصيده بعد << طراره وتتشرط
>> تكسر الخاطر ماذاقتهم
صدقه لووووووووووول
اتغشمر انا ميته واكل عصيده وحسو ودورت ارقام حريم مافي
ان في مشروع عند امج انا اول الناس تشتري <<< تقلد ام شواقه بررررررررررررررررررررررره