هدية الزوج

السلام عليكم

اشلونكم بنات انا عرسي بعد شهر وشوي
وابي افكار حق هدية لزوجي بس ابي شئ مميز وغريب وحلو اذا ممكن

دمتم بود

ليش العروس تهدي المعرس ؟؟؟؟؟؟؟؟؟؟؟؟؟؟

بصراحه ماطرى على بالي كلللللللللللللللش

حبيبتي انا من رايي لاتعطينه الحين ماله داعي .. عطيه اذا في مناسبة

طيب انتي وش هديتيه من قبل الهدايا عشان اعرف واقولك وش تهدينه

مو حلو الشيء يتكرر

وان شاء الله انفعك

انا شريتله عطر فزاع مجموعة

انتي نفسج هديه

وبعدين فكري تعطينه هديه

لووووووووووول

انا بدمج الهديتين مع بعض

عيد ميلاده عقب عرسنا ب10 ايام

اااممممم مادري والله مافكرت فيها كلش

انزين معقوله اذا البنت ما تعرفه ولا مكلمته تجيب هديه بعد؟

مافكرت بهالشي فشله انا ماكلمه ولا يكلمني شلون اعطيه هديه من اولها ههههههههههه

اي صح انا معاكم شلون ماكلمته ولا كلمني اقدم له هديه ومن اولها واقوله تفضل احس مو حلو يمكن لي صار مده بينا اوكي بس من اولها ماانصحج وبعد الميزانيه يالله يالله تكفي احنا اولى بفلوس الهديه نكمل الى ناقصنا فيهم اهم هباش صايره كل ماشفت جم باقي من المهر انصدم اسحب 200 دينار اروح السوق اشتري بحدود 100 ادور الباقي ماكو وعلى هالحال

اي انا من رايكم شكو هدية ماعرفة ولاكلمته

خليها بمناسبه احسن

شفيكم بنات يمكن اهيا مو مثلكم تعرف ريلها
حبيبتي اذا تعرفين ذوقه بالعطور اخذيله عطر او ساعه او اي شي اهو يحبه
بس حتى لو كنتي تعرفينه حلو تأجلين الهديه بعد العرس بفتره

وموفقه حبوبه

هلا ..

حبوبتي من رأيي تأجلين الهديه لعيد ميلاده .. طبعا جهزيها مع جهازج

وبما انه بعد عرسكم ب10 ايام يعني مطيحين الميانه

سويله يووم روعه .. بيومتها دلليه ع الاخر .. واعزميه على عشا طبعا وانتي اخر كشخه .. وقدميله هديه بسيطه

لو ساعه .. وليما تردون سويله ليله رومنسيه خطيره .. وجذي تكون احلى هديه بالنسبه له ..

شرايج ؟؟

بالعكس حبيبتي انا وياج قدميله هدية احنا بعايلتنا دايما العروس تقدم هدية للمعرس واذا شفنا وحدة ما قدمت حق زوجها شي هدية زواجهم ننقد عليها ونقول عن عايلتها وعنها انهم مو سنعين وماعندهم ذوق وذرابة سامحوني بنات لا تزعلون الناس اطباع , والرسول قال تهادوا تحابوا وشنو احلى من هالمناسبة زواجنا وبنصير زوجين وحبيبين , وهني بهالفترة تبين طينة المره وطينة الريال , من رايي احسن شي ساعة حتى تتم عنده على طول ويتذكرج فيها دايما ( هالساعة هدية زواجنا من زوجتي ) راح يقول حق كلمن يسأله ساعتك حلوة ومدام الشتا بالطريج نقيله جم قطعة خام من الراقين والغالين بعد مع عطر غالي وحطيهم بعلبة وفنتقي فيها وقدميها . والله يتمم عليكم يارب انا مو متزوجة ادعيلي بالزوج اللي يحبني ويسعدني وعسا الله يسعدج ويهنيج