<<< هدوم النفاس >>>

السلام شلونكم بنات

ولادتي بتكون باذن الله اول 12 ..

تهقون شنو بيكون الجو وقتها؟ بارد؟ عشان اعرف شنو اشتري بضبط صيفي او شتوي ..

و ايهو احسن بنظركم قمصان نوم مع اروابهم؟ والا بيجامات مع اروابها؟

و ياريت تقولونلي من وين؟ لاني ببتدي اجهز من الحين … متشكرين خااااالص

هلا نطوعه..

الله يسهل علينا انا نفس شهرج ان شاء الله ولادتي اخر 12..

و شريتلي خام و بفصله ان شاء الله..

اتوقع الجو بيكون باااارد خلاص من 11 يبتدي يبرد..

اذا لج خلق فصلي..

و اذا مالج خلق اشتري قميص نوم عادي مو بجامه..هذا من رايي..

و موفقه

اشترى بيجامات دافيه بس ييبي فوقهم روب كشخه ما ايبين الى لابسته او ما ايبين البيجامة بالضبط لانه الجو بيكون بارد

ام فروحه …

اميييييييييييييييين يارب و اجمعين .. مشكوره عالرد .. بس انا ماقصد قميص المستشفى مال الاستقبال لا هذا اكيد تفصال ان شاء الله .. انا اسال عن ملابسي اللي بلبسها طول فتره النفاس شنو اشتري شتوي لو صيفي؟ و شنو اريح و احسن و عملي من خلال تجاربكم القميص و الا البيجاما؟؟؟ و وين القى قميص او بيجاما مع اروابهم ابي شكلي يكون ذرب حتى وانا بالبيت حق نفسي اولا و حق ريلي لي ياني مايشوفني مهتمله …

ناطره ردودكم يا حلواااات

مس تايقر … مشكوره حبيبتي .. انا بعد افضل البيجامات احسهم ادفى خاصه للبيت او بالمستشفى قبل لا اييوون الناس

بس وين القى ارواب حلوة .. ياحبذا لو تكون طقم مع البيجاما او القميص

الارواب بالطاهر وانور وايد حلوين بس بانور احسن وخصوصا حق تفتيحة الشتا
انا شفت عندهم السنة الى طافت قبل الشتا بشوي وايد حلوين

اهاااا عبالي تقصدين بالاستقبال..

بالنسبة لي كله شريت اقطان و ستان حق البيت..

لان بيكون دافي..

و اصلا على قولتهم لازم تتدفين بملابس داخليه انج تلبسين بنطرون..

اما البجامات فعندي واااااايد فماشريت..

و العفو يا الغالية

حبايبي ماقصرتوا ..

بطل انور اشوف شعنده خاصه انه مسوي خصم .. و شكلي باخذ اقطان و احط عليهم روب ثقيل لان مثل ماقلتوا البيت بيكون دافي ..

يبيله فره بالمهلب عيل

مشكورين و ناطره مزيد من الردووووود

راح يكون الجوربيعي يعني لا بارد ولا حار
تقدرين تشترين قمصان قطن هي اللي اكثر شي تناسب هالوقت
او ستان مبطن قطن
اتمني لج تقومين بالسلامه وبمولود مبارك ومتعافي ان شا الله

ورووود … يا حياتي مشكوره على مشاركتج و دعوتج الحلوة … اللهم آآآآميـــــــــــــــــــــــــــــــن

انا اقترح عليج بجايم لان شهر 12 احتمال الجو يكون بريد اذا مو بارد
بعدين اذا كنتي لابسه قمصان اول و تالي لازم تلبسين شي تحته عن الهوا والبرد
ف البيجاما تغنيج عن لبس قميس وسروال طويل

وروحي العثمان او الفنار في محل قمصان نوم اسمه لو اموت ما احفطه اييب بجايم حلوه ورايقه وهم ماركس سبنسر بعد

هذا مجرد راي وهم مايمنع انج تاخذين قمصان نوم تنويع وحق النهار

نطوعة انا و لادتي اول 12 معاج انشوف منو لي تولد اول… انا بالضبط عطتني الدكتورة موعد الولادة 912 والله يهون علينا انشاءالله … بالنسبة للملابس خذيت قمصان اقطان طويلة للمستشفى و روب امشير و ان طلعت من المستشفى انشاءالله بطلبلي بجايم بنطرونات من برة و اخر النفاس الصراحة بفصلي البلايز او النفانيف القصار مع استرجات برمودة تحت الركبة شكلهم يطلع كييوت و طبعا الدرارير اذا بييلي احد من بعيد شوي..

sa7ab … مشكوره حبيبتي خوووش راي و صراحه ردج يبرد الجبد كافي و وافي .. شكلي بشتري بيجامات اكثر من القمصان على قولتج ادفى بس ماتوقع امي بتخليني البسهم من غير بنطلون طويل تحت يعني لاااامحاله الطبقااات ..

دبدوبه … الله يسهل علينا ياربي و يرزقنا بالذريه الصالحه السليمه اللهم امييييييييييين
من وين شريتي قمصانج و روبج؟ ودي تدلوني على محلات .. و من رايي طلبي اللي تبينه من الحين لانه يلا يوصل اذا بتطلبينه من بره !! و حتى التفصال فصلي من الحين بالنفاس يتروالي بتكونين منشدهة و مالج خلق ولا مقاقه الخياط و تنقي الموديل .. بعدين مايحتاج تفصلين الاشيا اللي فبالج و تبينها موجوده وايد بالاسواق و اعتقد ان وقت نفاسنا شتا مو مال نفانيف قصار و برمودا مع ان الستايل حده يشوق وانا احب جذي بس احس للصيف انسب شرايج

الدرارير —> شكلج تقصدين الدراريع صح؟ 😛

نطوووعه .. انا جربت نفاس الشتا ليش كنت والده شهر 1 .. و كنت البس بجامات قطن وقت النوم لان اتلحف عدل و الدار اساسا دافيه .. و بالنهار كنت البس الترينغات المخمل بالبيت لاني ما احب الدراريع و معاهم ملابس داخليه و دلاغات .. فخلي شغلج شتوي و صيفي .. و على حسب .. بس اهم شي دوم تدفي عشان ما يدشج الهوا .. لان عواره مو شي هين .. و الله يهون عليج .

مشكوره حبيبتي زينه .. صاجه ازهب شتوي و صيفي احتياط .. عجبتني فكره التريننغات المخمل حق البيت احس شكلج كان نااازك ماشالله .. منين تاخذينهم؟