|
|
البنت اللي مسوية نفسها اجنبية .. وتطقها ضحكة يوصل صوتها الى السقف .. والليتات تحترق من قوة الضحكة ..!!!
عيب .. والله عيب
انتي عبالج انج واااايد متطورة (ماك تشيكن ما شاء الله عليج .. عيني عليج باردة) …
وانتي قاعده مع رفيجاتج على الكافيه وتتكلمين بصوت عالي .. واذا ضحكتي تضحكين بصوت عالى تتعمدين الكل يسمعه … او ما تهتمين ان الناس كلها تسمع ضحتج ..
يا بنت الناس .. ترا هذي يسمونها في بلاد المسلمين .. وعند الناس اللي متربين وعندهم اخلاق ودين :
" قلة حيا "
والمرة اللي ما عندها حيا … سقط لديها احد اركان الانوثة …
فلا يقصون عليج وتستانسين على نفسج وانتي تطقين كل ضحكة اقوى من الثانية .. يقولولج تهبلين جنج ايطالية .. وتصدقين نفسج وكل مرة تقولين لنفسج " انا اذا سافرت محد يعرف اني كويتية من لبسي وشكلي" ………………………. وضحكتي !!
……………….. الله يرحم ايام اللي الحريم الاولياتاللي من يسمعون وحدة عمرها 9 سنوات تعلى ضحكتها .. قالولها :
"جب … ضحكتي من سرج بلا .. ضحكتي من سرج "
وهي عمرها 9 سنين !!!
انتي شايفه شكبرج ؟؟؟
وانا اقولج … اتقي الله في نفسج .. وانوثتج .. وحيائج …
همسة باذنج :
ترا الحيا سهل انه ينفسخ بدقيقة .. لكن الادب اللي صعب اكتسابه .. والاصعب المحافظة عليه …
وصلت المعلومة يا ام الكااااع كااااع ؟؟ 
……… وتبقى مجرد وجهة نظر
اول مرة ادري ان في بنات يشوفون تطورهم بالضحكة العالية !!!
امبي ذكرتيني برفيجتي
او
اللي كانت رفيجتي
تركتها بسبة ضحكتها ،، ان طلعت معاها مكان واضحكت والله كل من يلتفت علينا وانا اقولها شوي شوي فشلة
قمت انحرج اطلع معاها تضحك بصوت عالي وتطووووول ان اضحكت ما اسكتت
ومشكورة والله يعطيج العافية
جزاج الله خيييييييير
ونايس توبيك
اللي قاعدة تضحك وحدة الله يستر عليها. والمشكلة ان اهي وريلها يتضاحكون والناس ساكتين صج مايستحون على ويوههم وهيلقيين
الشرهة على ريلها اللي راضي تضحك بهالصوت العالي بنات كانت حيل اووووفر
الله يعينها على روحهـآا !!
ومشكورة مدندنه ع الموضوع ^^
الحمدلله عالسلامه حبيبتي وعاش من شافج
ومشكـوره عالموضوع
وصاجه حبيبتي صار التطور على علو الضحكه
مشكوره ع الموضوع
من طول الغيبات ياب الغنايـــم
وصاجه بعض بنات هالوقت لاحيا ولامستحا
الله يهديهم بس