|
|
البنـك الدولـي : زيـــدوا أيـام المــدارس
وجّه ملاحظات حول التعليم في الكويت:
الدراسة الحالية لا تتوافق مع المعايير الدولية فهي تبلغ 170 يوماً. والأصل أن تكون 220
كتب ناصر العتيبي: تحذير أطلقه البنك الدولي ضمن جملة ملاحظات سجلها على التعليم في الكويت:
«دوام المدارس قصير، ولا يتوافق مع الفترة الزمنية التي حددتها المعايير الدولية.. فهي تبلغ 170 يوما
في العام الدراسي، والاصل ان تكون 220.. وهذا حتما يسيء الى تحقيق الجودة التعليمية».
وتشير مصادر الى ان البنك الدولي «يؤكد ان نظام القبول في الكثير من المؤسسات التعليمية في الدول
المتقدمة يعتمد على عدد الأيام التي درس فيها الطالب خلال العام الدراسي الواحد والساعات، إضافة الى
التدقيق على محتوى المناهج الدراسية وتوافقها مع التطورات المتسارعة في المجال التعليمي».
وتوضح المصادر ان توصيات البنك تتمثل بـ «إطالة اليوم المدرسي، لئلا تتعرض شهادات الطلبة
مستقبلا الى عدم الاعتراف بها وفقا للمعايير التي قد تضعها الجامعات في المستقبل».
لكن وزارة التربية لم تتخذ اي قرار حتى الآن في شأن هذه الملاحظات، غير أن المصادر شددت لـ «الوطن»
على انها «جادة في الاستمرار في خلق جودة التعليم بما يتناسب مع المعايير الدولية ،
خصوصا انها قطعت شوطا طويلا في مسايرة التعليم المتطور».
المصدر : جريدة الوطن
الزبده : يعني اما تطولون ايام الدراسة او ما نعترف بشهاداتكم يا عيال الكويت
احنا مداومين شهر كامل لا شغله ولا مشغله اذا طولو الايام شنو راح نسوي .gif "Eh S(1)")
الله المستعـــــــــــــــان
عساج عالقوة حبيبتي
تحسين وااحد مو عارف وين الله قاطه الي كاتب هالمقال !!
شكوو الحين كلام مافيه منطق !!
يعنـي توهـم يحسـون بهالسالفـه ..
أمبيـه حـده مو صـج بصراحـه .. يعني احنا نكوون نخلص المناهـج وقاعديـن ..
وأساسا الصبيان ما عندهـم طاقـه من يجي شهر 4 و5 وهم مسنفريـن .. ما يبون حتى يدرسوون ..
بعديـن كل الدول اللي يمنـا نفس نظامنـا ..
حتى المدارس الخاصـه ..
حق شنو التفلسف ؟؟
>>>>>>>>>>>>> عصبـت .gif "Eh S(14)")
.gif "Eh S(6)")
الله يهديهم بس احنا ناس مو مكاين !
كاهي مصر والسعوديه عطلوا قبلنا بشهر ولا احنا يبونها من الله علينا !!!
هذا ظلم للطلاب قبل لا يكون علينا حرام واايد عليهم11 شهر دراسه , شدعوه يبون يخرجون فيثاغورث ولا أديسون ..
يعني يبونا نداوم طول السنه…
البنك الدولي مايدري عن جو الكويت ..وشلون الحر عندنا؟؟
اصلا قرار من حقوق الانسان اذا وصلت درجة الحرارة 50 ….يتوقف الموظفون عن الدوام!!!!!!!!!!!
وايد كويتيين يدرسون عندهم ويتوفقون واييبون اعلى الشهايد .. شهالحجي ؟
هذا لازم ينعدم لوول
ناقصنا تعب
آنا مسافرة ومستانسة ومن القرادة قاعدة أقرا الجريدة بالنت
وما شاء الله حاطينه بالصفحة الأولى …والله نسدت نفسي من الصبح …حاشتني كآبة
وبعدين معاهم … هالسنة طولوا الدوام إسبوعين وخلصنا مبجر حيل قعدنا ما عندنا شغل 
بس سوالف
وكل يوم طالبين لنا ريوق من مطعم …. ما بقى مطعم ما جربناه
يعني إذا طولوه زيادة شراح يصير ..نقعد نلف سمبوسة وكبة للرمضان ((خخخخخ 
))
والله على مناهجنا ماينفع يطولون السنة الدراسية …
وإذا بيطولون السنة الدراسية رجاءا رجاءا رجااااااااءا
نبي نادي صحي بالمدرسة عشان نلعب رياضة ونهضم إللي تريقناه 
يا جماعة إنتفخنا من الصمون والفطاير
الله المستعان
ومشكورة على نقل الخبر