|
|
بنات واللي يعافيكم عندي كم سؤال وأبي منكم الأجابه
س1:بغيت كل مايخص صلاة التراويح من اذكار وادعيه خاصه لها ووقتها وفضلها وخطواتها بالتفصيل(ضروري)
س2:هل صلاة التراويح هي نفسها صلاة القيام وصلاة التهجد(يعني لها أكثر من أسم ولا أنا غلطانه)؟؟؟؟
س2: بغيت كل مايخص صلاة الوتر من اذكار وادعيه خاصه وعدد الركعات ووقتها وشرح خطواتها بالتفصيل,,,
س3:شلون استقبل ليلة القدربالتفصيل ومتي يكون الدعاء فيها مستجاب ؟؟؟؟
س4:شلون اختم القرآن في رمضان في وقت لايتعدي 3 ايام وهل الأجر يكون مضاعف اذا ختمته في العشر الأواخر؟
تكفووون بنات هالأسئله محيرتني اتمني الحقي الجواب عندكم
شكـــــــــــــرا
صلاة التروايح تختلف عن القيام .. التراويح تكون عقب العشا اما الجيام فهي اللي تالي الليل
دعاء صلاة الوتر : اللهم اهدني في من هديت و عافني في من عافيت و تولني في من توليت و بارك لي فيما اعطيت و قني و اصرف عني شر ما قضيت انه لا يذل من واليت و لا يعز من عاديت تباركت ربنا و تعاليت
طريقتها الله يسلمج .. اهي قبلها الشفع مادري اذا لازم الشفع معاه او لأ .. بس صلي ركعتين الشفع و ركعة الوتر
تقولين فيهم سورة الاخلاص و سورة الكافرون و سورة الأعلى .. يعني كل ركعة قولي فيها وحدة من هالسور ..
الوتر … تصلين ركعة و لما ترفعين من ا لركوع رفعي ايدج و قولي الدعاء اللي ذكرته لج و عقب ادعي باللي تبين و لا تنسين تدعين لي 
.. و بعدين كبري و سجدي .. و تقبل الله منج ..
ليلة القدر .. تستقبلينهتا اكيد بالجيام و التهليل و التكبير و الدعاء .. بس في من يقول ان اهي بالليلة 25 و منهم من يقول انها بالليلة 27 و منهم من يقول انها متنقلة .. مرة 23 و مرة 25 و مرة 27 و مرة 29 .. خلج على هالراي علشان تجتهدين اكثر و تضمنين .. مو حلووة تنامين و احتمال تكون الليلة ليلة قدر .. الله يبلغنا اياها ان شاء الله ..
و سامحيني اذا قصرت الباجي ما اعرف عنهم .. حياج الله
هيلدا .. سامحيني .. ترى السور الثلاث اللي ذكرتهم لج تختارين وحدة منهم و تقولينها في الوتر ..
لأن بالتراويح يقول وحدة منهم بالوتر .. اما الشفع فيقول فيها سور صغيرة
مثل الزلزلة و الهاكم التكاثر و أحيانا الكافرون و الفلق أو الاخلاص
يعني مو شرط بالشفع يقول وحدة من الثلاث اللي ذكرتهم لج ..
و بالنسبة لدعاء القنوت – دعاء صلاة الوتر – في جملة سقطت سهوا
لما تقولين " و قني شر ما قضيت ".. كملي و قولي "انك تقضي و لا يقضى عليك "