نقاش حاد مع خالتي كانت بتنقلب هوشة والسبب

مرحبا
امس كانت يمعتنا في بيت يدتي
أنا على غير العادة ماقعدت وايد لأن صار شي قهرني ونرفزني
..

الله يسلمكم كنا قاعدين وسوالف وحلو وموالح، فجأة خالتي يوصلها على الواتس اب
عن إضراب المعلمين جان تقرا الكلام المكتوب وهو هجوم على المعلم الكويتي
بالضبط ماني متذكرة الكلام يعني الي اتذكره من الي قرته:

انتوا ما تخافون ربكم..
شلون بتخلون الطلاب يحترمون الدراسة دام انتوا ما تحترمون الوزير
ما تحمدون ربكم زايدنكم كادر ليش الطمع؟
لو فيكم خير جان يابنا حق عيالنا مدرسين خصوصيين
وبالنهاية كاتبين انشر ليصل إلى عدد كبير من الناس

وانا ميتة ميتة قهر >> محسبوتكم معلمة بعد ما تبوني أنقهر!!

..

انفتح باب النقاش وصار النقاش حاد وكانت بتنقلب هوشة لو انا ما تعوذت من ابليس
وطلعت من بيت يدتي ورجعت بيتنا.. مو انا بروح الحج ومابي ألحين أقبلها مشاكل

..

واااي ميتة ميتة ميتة قهر. باجي الوزارات لما سوو اضراب على العين والراس ما قالوا لهم
واحنا الفقارة لما سوينا اضراب سنع وعدل والكل تكلم عنه صرنا ما نحمد ربنا وناكل ونمش بالطوفة وويهنا مغسول بمرق!!

..

إذا كنت قبل مو مقتنعة بسالفة اضراب الوزارة ألحين اقولها علي وعلى أعدائي أي اضراب بيصير من الوزارة انا اول وحدة رازة ويهي فيه. لأن احنا أكثر فئة من الناس تتعب وتكرف وينهد حيلها وأكثر فئة تحلل معاشها وزود بعد.

..

لا تشوفون ويهي وانا قاعدة أسمع الكلام وااااي منقهرة منقهرة. ولا يقولون اذا فيكم خير ما يبنا حق عيالنا مدرسين خصوصيين.. أوكي أنا بعلق على هالنقطة وبس.
وحبيت أقول هالكلام مو شامل الكل

تدرون ليش تيييبون حق عيالكم مدرسيين خصوصيين. لان
" بعض " الطلاب والطالابات اييون المدرسة وعبالهم ان المدرسة منتزه سياحي. ومخهم قوطي انواع قلة الادب والشطانة وماينفع وياهم أي شي. فشلون تبونهم يستوعبون الدرس؟ أأكيد بتاخذون أقرب رقم مدرس من الجريدة ويدرسه علشان يقدر يحل. نتوا بالواتس هذا شملتوا كل المعلمين والمعلمات الكويتيين وقلتوا انهم مافيهم خير. ومايعرفون يدرسون يعني شنو عبالكم كل المدرسين والمدرسات اسلوبهم بالتعامل واحد؟ وأنهم ياكلون ويبلعون وما يسوون شي؟ مشكلة مشكلة الي مايعرف شي عن التدريس ويتكلم عنها ومسويليني فيها ابو العريف

…

ما أقول الا موتوا قهر وبنعتصم ونضرب والي مو عاجبه خل يشرب من البحر لين يقول بس..

>> هالورد للمعلمين والمعلمات من لاب توبي لحد بيوتهم

ماعليج لا تحرين نفسج

الفكرة اللي الناس ماخذتها عن المدرسين انه معاشاتهم اعلى معاشات وماعندهم شغل والمشكلة ما يقول هالكلام الا الفاشلين اللي شهادتهم اقل مننا تلقينها باموت خذت شهادت الثانوية وتوظفت بمكان مافيه شغل بطالة مقنعة على بالها كل الوظايف نفسها

وعلى سالفة المدرسين الخصوصين الحين حتى طلبة المدارس الخاصة يجيبون لهم مدرسين خصوصين .. بعدين هذا مو ذنب المدرس اذا المناهج زفت حشاكم وكل يوم يجربون منهج جديد وقرارات ارتجالية وفوق هذا كله يعلمون عيالهم عدم احترام المدرس ويبونا نعطي ونعلم بالله وشلون

بس ثاني مرة اذا صار مثل هالنقاش عن الكادر نصيحتي لج لا تحرين عمرج وتنقهرين بالعكس قولي للي تكلمج كادر المعلمين موضوع خاص بالمدرسين بس اللي مو من الميدان التربوي ماله حق يتكلم عن الزيادة وكادرنا بينزل غصب عن اللي مو راضي واولهم وزيرنا ههههههههههههههههه*

^
^
وانتي صاجة حبيبتي تسلمين يا قلبي

انا معلمة وموديه ولدي تقويه تدرون ليش
لان ولدي يدرسونه وافدات والله ان مدرسة ولدي العربي يايه من الصعيد وماتعرف شي ولمن رحت اكلمها مدرسه الاولى تقولي صبري عليها توها يديده شنو بايدي اسوي ولدي قعد ينزل مستواه بسبتهم وخالتي تقولي اهم اصلا يتعمدون مايشرحون بضمير علشان الطالب يلجأ للدروس الخصوصيه

ياااا روووحي ياا منال أنا الوحيده بالعايله المدرسه ونفس معاانااتج احتر لما يحطووون على المدرسات ولما افتح النت بغير جوو اطيح على كتاباات تسد النفس وترفع الضغط مثل وحده الله يهداها اسمهاا ام الخير كاتبه بقسم المعلمات كلام يسد النفس بعنوان اتقوا الله ياا معلمات
الله يعيناا واضيف على كلامج بخصوص المدرس الخصوصي اقول للي يتهمونا بالتقصير كلنا لوو احسنتوا التربية چان ما هذا حال عيالكم موو كل شي تقطونه على المدرس

حياكم بنات نورتوا
وتسلمون على اضافاتكم
حاطين عيونهم علينا وانا اقول ليش مو مترقعين..

صدقتيييييي على ايام المدرسه البنات نايمين و لعب بالحصص واذا ياه وقت الامتحان و اقاموا وسوا اضرااب حق الابله و قالوا عنها مااتعرف تدرس ولا تفهم واهم اساساً شايفتهم بعيني ماينتبهووووون وسواالف و شطانه بالحصه

الله يعينكم

^
^

وانتي صاجة..

اب اب اب

نفس حالتي شكثر تحرشوا فيني على الكادر

وان المعلمين ما عندهم ضمير الحمد لله والشكر على اضراب يوم

اشوف كادر المهندسين اقروه وفوق هذا موظفين المطاااااااااااار

لنا الله

زادوا النفط مع ان زياداتهم مبالغ فيها وحتى الاداري والوافد ومحد تكلم

زادوا الخطوط الجويه والجمارك محد بطل حلجه

ليش لأن معظمهم رجال والحريم مستفيدات لأن الزيادات لأزواجهم

وعليهم بالعافيه وعسى الله يبارك لهم

احنا احترمنا القانون ومشينا عليه وكنا ضد الاضراب

وشنو كانت النتيجه محد عبرنا

وشفنا اللي سووا اضرابات وعفسه انقرت الزيادة على طووووول

فطبيعي نغير نظرتنا للاضراب

المفروض اللي محترم نفسه وما لجأ حق هالأسلوب يكافؤنه ويقرون زيادته لكن شفنا العكس

ليش الدنيا قامت لما طالبوا المعلمين بالزيادة !!!!!!!!!!

أنا أقولكم

لأن الرجال أقلية والغالبية نساااء

لو أزواج هالمعترضات ع الزيادة معلمين جان قالوا يستاهلون ويتعبون

بس لأن الغالبية نساء وكل وحدة تحاتي حماتها ومرت حماها لا تجيها الزيادة

حتى الوافدين والوافدات زادوهم وقالوا كلام ما ينقال في جمعية المعلمين الوافدين ولا أحد اعترض عااااادي يزيدون الكل

بس أهم شي المعلمات لا تجيهم زيادة

يموتون والكل يتكلم مع انهم عيال هالديرة

الحمد لله ان الرزق من ربي مو من البشر

والحسد أول ما يضر يضر الحسود نفسه

ديرة حسد

!!!!!!!!!!!!!!!!!!!!!!!!!!!!!!!!!!!

فديتكم بنات..
والله ينصرنا ان شالله..

منال انا قبل اسبوع رايحة زوارة

ولا وحدة اتنطلي اتقولي ترا زادوكم

بس هل انتو تستاهلون ؟؟؟؟؟؟

مرة شكبرها والله كبيرة تخيلي اتقولي جذي و انا مرة اشووفها

هذا دليل شنووو ؟؟؟

ماكو احترام لنا خيرر شررر

^
^
واااي
لو بس مو انها مرة عودة او عمرها كبير
جان شرشحتها لج لو انحطيت بنفس موقفج
قطيعة هالناس شنو؟؟؟؟؟؟؟؟؟؟؟؟؟؟؟؟؟؟؟؟؟؟

======

وبعدين انا مادري ليش الكل حاطين عيونهم على معاش المعلمة
سواء رياييل او حريم حتى وقت الزواج يقولون اي اخذ مدرسة احسن
قطيعة ما تشوفون معاشنا مافي بركة!!! من عيونهم