|
|
.gif "Eh S(10)")
في موضوع مضايقني حبيت ادردش فيه معاكم
بأختصار عندي سؤال
ليش في بنات بس يتزوجون يستخفون على اهلهم وصديقاتهم
وفي بعضهم يشوفون روحهم وتصير نفسيتها خايسة
انا الحين حاشتني ثلاث مواقف مع بنات خالاتي ورفيجة عمري
طبعا بنات خالتي كل وحدة رفعت خشمها وماتتحاجه
وكله خايفين من العيون ومايتكلمون ولا يسولفون عن فتره ملجتهم
اما رفيجتي هذي صدمة عمري
اعرفها من 13 سنه ورفيجتي حييييييل واقرب من اختي
يوم تزوجت غيرت رقمها
وصلت لي بيتها وقلتلها ليش ماعطيتيني رقمج اليديد
تقولي ريلي مايرضى اعطيه رفيجاتي
وانتي بالذات مايبيني احتك فيج ومادري ليش مايحبج يمكن يغار لانج رفيجتي حيل
وانا راح اقطع علاقتي فيج عشان ريلي
الله يهديهم
بس انا املاحظة ان البنات مادري شيصير بمخهم لما يتزوجون بالبداية بعدين يتحسفون
بس بعرف انا ليش ماصار فيني مثلهم
حتى امي تقولي وايد كنتي طبيعية بفترة زواجج
واللي يرفع خشمه عليج منتي ملزومة تعطينه ويه
و لا تحرين عمرج
مادري الظاهر فيهم عقده اللي يعينهم على نفسهم
ما اتوقع وحده ماصار فيها جذى كلنا تعرضنا حق هالموقف
على شنو الكبر لله
وأي وحده تتزوج انصحها انه مواضيع بينها وبين ريلها ماله داعي تقولها لاحد لانها خصوصيه
وبالنسبه للي تتغير معاملتهم معاج لا تلومينهم تلقينهم لاهين وبعضهم صج رياييلهم مانعينهم
اخوي مانع زوجته تكلم رفيجاتها وبالقصب تتواصل معاهم
واذا قلت لج حتى رياييل ما يخلون حريمهم يطلعون مع خواتهم
انا اخوي جذي والله انه معاي ما يرضا تطلع
معني انا خاطبتها له والبينه صديقتي
لا تلومينهم لانه صج ما تعرفين ظروفهم