|
|
ممكن تسوولي نظام حق البيبي عمره شهر
انا بجريه وما اعرف
انا اعطيه حليب كل 3 ساعات او 4 ساعات
وبين هالفترات اعطيه اعشاب وبابونج وسكر نبات وماي
والصبح تمريه
ووايد يبجي اسمله عليه من هالغازات والامساك
وحليبه سيميلاك
واذا يبجي عطيه ماء غريب
و بعدين دام ولدج شهر الرضعه تكون كل 3 ساعات و احيانا 4 ساعات نظمي الرضعات عشان لا يصير فيه غازات و لا تعطينه شي بين الرضعات لأن الرضعه كافي و انا عقب الاربعين بديت اعطيه شاي ميلوبا بابونج و اعتبره رضعه و عطيته ماي التمر مره قالولي يسوي غازات قبل 4 شهور و قفته و تقدرين تعطين خلطة كمون و حبه حلوه و سكر نبات و حبة البركه حق الغازات و اعتبريها رضعه و اذا ياع بين الرضعات عطيه بس ماي لغاية موعد الرضعه اليايه و بس
بس يتفخ البطن و يخلي الياهل ريحته يووووووووووووووو
واستعمل نان
الغازات لو شنوتعطينهم لازم يبجون من الغازات
بس ترا حليب ولدج سميلاك حيل متروس غازات
كنت اعطيه بنتي في الاربعين والله المسكينه ماتنام لها حتى ساعه
من عوار الغازات غيريه له وعطيه سميلاك اتش ون حق الغازات
وايد حلو خفيف على معدته ولاتهملين ادوية الغازات لانها تخفف الالم
وحاولي اذا كنتي ترضعينه توقفين بين كل رقم وتترعينه وبعد ساعه من
الرضعه قلبيه على فخذج وضربي ظهره بخفه راح يرتاح شوي ان شاء الله
ولا تكثرين عليه الشاي والبابونج مسكين مايتحمل وباذن الله بس يتم عمره
شهرين ونص راح يتحسن وتخف غازاته ان شاء الله والله يخليه لج يارب
حبيبتي خلي مخج وياي وحطي هالكلام جدام عينج مدام انتي ماما جديده لازم تعرفين شي مهم البيبي عشان يكون مرتاح وماياديج لازم يكون فيه 3 اشياء :
1.شبعان (يعني لمن تشربينه حليب عرفي الساعه جم عطيتيه ولازم الساعه جم الرضعه الثانية )عشان لاتنسين
2.نظيف يعني مبدلته ومبودرته وملبسته ملابس نظيفه واهم شي حفاظته تاكدي انه مو منصلح ولا محمر وخلي عندج كريم (سودو كريم )
وايد زين حق حفاظته وادا تقدرين هم فتحيها خليه يتهوا خلي تحته مشمع وفصخيه (كربونه) وحطي فوقه شرشف خل يتهوى عالاقل مره باليوم او باليومين
3.الغازات يعني لازم جسمه يكون خالي (شلون )…..؟
اختاري حليب ممتاز حقه اللي يخليه يخرج عادي ومايترس جسمه غازات (مثل ابتاميل الاصفر -او نوفولاك )هديله افضل نوعين حليب
ثاني شي ماي غريب مال المستوصف ادا شفتيه طلع روحج بالحنه عطيه ماي غريب مالج شغل باللي يقولج عطيه كل يوم حجي فاضي مو ضروري الا في حالته تكون وايد متعسر من العوار وهم زين تعطينه (شويه كمون -ينسون قفشه صغيره مالت الجاي – نبات )
وهم زيت الزيتون دهني بطنه فيه ودفيه يعني بس تدهنينه على طول لبسيه عشان لا يحوشه هوا
4.السباحه تهتمين بنظافت جسمه عدل بين اصابعه ورى ادونه تحت رقبته وهم اباطه ومكان الحفاظه اهتمي انج تسبحينه بالاسبوع 3 مرات ادا مو مريض اكتفي مره بالاسبوع سبحيه لمن يطيب
لاتستخدمين الكلنكس المبلل مال جونسون ولا اي ماركه عشان تمسحين رقبته او خشمه اوايدينه او تحت ديري بالج ترى جلده ينصلخ استخدمي المااااااااااااااي الله قال سبحانه وجعلنا الماء طهورا
امبيييه وايد قرقت سوري بس حبيت افديج لانج نيو مام ومابي منج غير الدعاء حق زوجي وعيالي وطبعا انا وياهم لوول
اول شي هالياهل معدته للحين مااكتملت يعني ماتتحمل غير الحليب
وغيري الحليب ترا سيميلاك يسوي غازات وثقييل عالياهل
ولاتستخدمين غير الينسون .. لأن يهديه ويخده ويطلع الغازات
ولاتعطينه خرابيط وتمر وهالسوالف الا عقب6اشهر