نصيحه من ذهب للامهات البكريات

السلام عليكم ورحمة الله وبركاته حبيت اقولكم شى من تجربه شخصيه انصح كل ام جديده اذا رحت تجهزين لاول مولووووود خذى كل شى زين حتى ولو كان غالى يعنى الطفل الاول حطى عليه كل غالى وزين وبعدين خشى اغراضه لاخوانه والله انا والحمدالله عندى 5 اولاد اكبرهم عمره 12 سنه وللحين اخوانه يلبسون ملابسه وسبحانه الله والله لوتشوفونها ماتصدقون تحلفون انها جديده لان نوعيتها من الغالى الزين وبعدين لاتعطون الخدمات يغسلون الملابس الغاليه مايهمهم بخلطونها مع بعض ويخربونها عليكم واحسن طريقه لغسل ملابس البيبى انها تنقع فى ماء وصابون مبشور من غير فرك 000000 اتمنى انى قلت شى يفيدكم

تسلمين حبيبيتي
وانتي الصاجه الغالي سعره فيه .. والغالي ببغالي ربي يخليلج عيالج وتفرحين فيهم معاريس

ببغالي = للغالي

وانتي صاجة انا الملابس اخذهم كشخة ويكدون بس الصراحة الشغلات الاستهلاكية اقطها او اوزعها مثل البجامات والملابس الداخلية وهالسوالف

انا سمعت من امي ان الياهل زين تلبسينه ملابس ياهل ثاني خاصه المواليد ليش مادري
بس كلامج صحيح الملابس الزينه سعرها فيها والخامه تكون حلوه بعد مو بس غسله تلاقين الخام خلاص انهرى

عدل كلامج والله .. مشكوره عالنصيحة

على طاري الزين انا اول ما ولدت شريت حق ولدي وايد ملابس غالية بس حسافة ما بينو كله نايم والحين ابي اشياء حلوة وتكد وسعرها معقول مو اكثر من 25 او 20 للبلة وين القى بهالسعر ؟

شوفى مسك 3 انا امووووت على ملابس جاكادا فى ليلى جاليرى السالميه يعنى صج تحسين ان الياهل رزه وكشخه وحلاته ان الجوتى والدلاغ والشباصات والجنطه بعد للبنات والكاب للاولاد يجون نفس الطقم يعنى صج كشخه بس مو دايما اشترى منه لانه غالى بس والله فيه بدل اسعارها حلوه احب اشترى منه فى المناسبات الخاصه وفى الاعياد تعالى عاد شوفى غيره الحريم

يعطيج العافية على النصيحة بس في اشياء تستهلك لازم تقطينها

مشكوره كويت
اول واحنا يهال اذكر كان في محل اسمه كيد ستور بالسالميه للحين موجود؟

اي كيد ستور موجود ليلحين هههه

خل اجرب لاكلدا همممم هذا وينه كيد ستور ؟

يعطيج العافية عالمعلومة

صح لسانج

عدل كلامج والله