نصيحه مني للعرايس

:شلونكم عروساتنا

بدش بالموضوع سيدة

ابي انصحكم نصيحة ومابي منكم شي غير الدعا ان الله يكفيني كل اموري مع زوجي مما يشوي خاطري ويسهر ناظري

بنات انا اول ماتزوجت كنت عالنية طيبة ماكنت اهتم

طبعا بايام الملجة زوجي كان يقولي انه خطب جم وحدة وانا الي ارتاح لها وقالي انه خطب بنت خالته
بس ابوها عييا

انا حطيتها في بالي وكنت كل ما اروح ازوارتهم
ان الزوارة في بيت خالته
الكبيرة
فكنت كل ما اروح اشوف بنت خالته تخز ريلي وتدلعه وتصب له الجاي وتقهويه وتعطيه اكل يعني تباشره
اشتعلت فيني الغيرة
زعلت شوي وطنقرت لمن سالني زوجي قالي شفيج قلت له انت ترضى ان ولد خالتي يدلعني ترضى ان ولد خالتي يباشرني
ترضى بولد خالتي يخزني عصب وقالي لا اذبحج انتي وهو
قلت له شلون رضيتها على نفسك

حتى هو حس ان هذيج غلطانة وقالي والله انها ماكنت تسوي جذي قبل لا اتزوج
وصج حتى مرة كانوا خواته قاعدين ونا مارة ولا اسمعهم يسولفون حق بعض شفيها فلانة متغيرة واختهم الثانية جان تقول يمكن عالشان الي اصغر منها تزوجو
انا انقهرت بنات وخليت هذه الحقيرة كل تفكيري
لي درجة اني كرهت زوارتهم وكرهت زوجي ولمن اتخيلها مكاني اكره زوجي اكثر مع ان مسكين زوجي يعني كانت خطبت اهل بس مو الي ميت عليها بس الشيطان شاطر وكبر السالفة في بالي
وهي طبعا ل من شافتني بكل زوارة اتضايق منها زادت بحركتها

لمن قالي زوجي خلاص لا نروح بيوم الزوارة نروح بيوم ثاني قلت له هم زوارتهم الجمعه انا اروحلهم الخميس او السبت
المهم زوجي دوامه شفتات ومن زمان مو طالعين قلت له تكفى لي طلعت من الدوام ابيك تعشيني بمطعم بعد معانات رضا المهم بدلت وخلصت واحنا راكبين السيارة ولا تدق خالته علي قالت لي تعالي زوارتنا ليه ماتجيني بزوارة البنات قلت له انشاءلله باجر امرج قالت لي لااااااااااا باجر ما ابيج
قلت لها خلاص هاج خاله وخليت زوجي يكلمها طبعا انا مديت البوز شلون تقولي ما ابيج وزوجي يطالعين وياشرلي اشفيج المهم سكره من خالته قالي شفيج قلت له الي صار بس طبعا ما سوا شي يقولي هذه خالتي كبيرة ما اقدر
رحنا المطعم ما تعشيت ولا اكلت شي مبوزة ووبالطريج سالني قالي شفيج قلت له اسال نفسك
قالي مو مسوي شي غلط
قلت له حسبي الله عليكم يلي خليتو الناس يشوفوني بهذه النضرة اهله صارو يشوفوني اني انا ما اجي ازوارتهم واني انا المقصرة بحقهم بنات صرت انا الغلطانة قلت له مو هذه مشورتك قلت له شوف لو انت مو فاتح مجال لهذه الجربة بنت خالتك انها تدلعك ج
امي جان ماصار كل هذا وانت ما حطيت في بالك اشياء عالشان تصدر هذا القرار اني ما ازور في ازوراتهم
قلت ماحطيت في بالك العيد ماحطيت رمضان المناسبات وغيره
نصيحتي بنات لا تعلمونك ازواجكم اذا في وحدة حاطة العين عليه
عالشان هو لا يحطها في باله نفس غلطتي بنات انا الي نبهت زوجي عليها وهذا لي يومك من اول ما تزوجت للحين ندمانة على هذا الشي
وان مرت عليكم اشكالها لا قدر الله لاديرون لها بال
والله يوفقكم مع ازواجكم ويرزقكم الذرية الصالحة

ادعولي يا بنات ان زوجي يشيلها من باله ويسخره لي ويخليلي بنتي لان كل المشاكل الي صايرة بيني وبين زوجي سببها هي

وي أنا ميتة خوف لا تخرعيني الله يهداج
أنا على وجه زواج إن شاءالله واموت من الغير و ولا أعرف شنو أسوي يمكن
البجي هو دواي
الله يعينج وإن شاءالله يسخر زوجج لج وإن شاءالله أنا بعد

حبيبتي الله يوفقج وانا ما قلت لج عالشان تخافين
انا قلت لج يا قلبي عالشان لا تقلطين غلطتي ولا تهتمين حق هالاشياء

ام فجر شوفى حبيبة ليش مخلية البنت فى بالج بالعكس اجى زوارتهم واضحك واسولف وحرتى اخليها فى قلبى

ماابينها لاحد واخذ الدلة واقهوى الناس ومن ضمنهم زوجى وماابين لزوجى لو فية احد من اهلة انا موعاجبنى

ومادام زوجج يحبج ومقتنع فيج فخلى كل الناس وراج وخلينى اكسب الناس بدل لااخسرهم

واللة يوفق الكل

هلا أم فجـــــور

نصيحتج من ذهب ,,

لكــن الحمد انج مقتنعة باللي سويتية كان غلط والمفروض تاخذين الموضوع عـــادي وأدري غيرة الحريم وما تسوي :P:P:P:P

مثل ما قالوا البنات روحي الزوارة ولا هامج شي ضحكي وسولفي حتى مع بنت خالتة سولفي خل زوجج يحس إنج ناسية الموضوع وانه سخيف وخلاص الحين انتي زوجته انتي المهمه مو بنت خالته 😛 صح؟ لوول

استمري بهالشكل وان شالله راح ترتاحين وهم زوجج يرتاح مو كل شوي مذكرتة بالسالفه ومطنقرة عمال على بطال:P

والله يوفق الجمــــــــــــــــــــــــــــيع

…

والله لو منج اروح واكشخ واضحك واستااانس وادلع ريليييي ولا ابييين شي عشان لا تتمكن منه وتستانس ولا تشوفني محتره وتزيد !!

الله يوووفقج قلبي ويسخرلج زوووجج

اي والله صح لايمكن اعصب وهيا موجوده بلعكس سوي حركات تحرها بزوود قولي مثلا ان بدلت بنتج زوجج الي جايبها لها حديه من غير ماتدرين وتكونين منقيتها نقوه انتي يعني يكون شي يجنن وربي راح تحتروهم قولي عن بدلتج قولي زوجي مااات عليهاا عجبته حيل..وناوين نسافر وتكونين يم زوجج وتطقينه علي جتفه شوي بجتفج وتضحكين يكون اهوا المسكين مايدري بلموضوع شي فبيضحك )بلحالين مدخله زوج بلموضوع بصوره غير مباشره وربـــــــي لتموت ساعتها انتي استانسي ^_^ دورج تشمتين فيها بسها …وصح كلامها سولفي معها عادي جدام زوجج وراه بطقاق لاتكلمينها كلش بس جدامه^^ والله يوفقج ومشكوره علي النصيحه الغااليه عندي لانج نبهتيني

حبيبتي ام فجوره

الله يسخر لج زوجج ويعميه عن غيرج …

الساااالفه يا الغاليه كبريهااااا تكبر صغريهاااااا تصغر

الاهمال راح ينهي الموضوع بالمره انتي دلعي زوجج ولا تطرين هالموضوع جنه ما صار ولا انتبهتي له
وحتى لو اهو نبهج قال شفتي اليوم او صار جذي قولي لا يبه عااادي محد يقصد

خليج مداااريته اهي اصلا ما راح تلقى لها مجال تبرز نفسهااا يمج لانج اكلتي الجو عليهاااا

لكن اللي صار صار والكلام هذا ما ينفع

اللحين رووووحي لزواراتهم بنفس حزتهم ولا بعد اسالي عنهم انتي لميهم وانسي السااااااااالفه واهم راح ينسون الموقف
ونفس الشي زوجج راح ينسى وراح يشوف ان فعلا زوجتي عقلهااا كبير مو كل شوي تعاتب وتتحلطم وتقارن نفسها فيني بهالمواقف وهالسوالف !!
لااااا راح يدري انج انتي كل شي بحياته ما تهم اي محاولات من اي وحده دامج انتي مرضيته وكاسبته ..

واتمنالج كل التوفيق يا الغاليه والله يخلي لج بنيتج يا رب

لا تصيرين نكديه بعدين يمل منج ويمكن يتزوجها حاليا هي ما تعني له شئ لكن اذا استمريتي بطريقتج هذي راح يمل منج .
خليج انت مصدر السعادة عنده داريه و دلليه تكسبينه و تكسبين سعادتج .

و دائما قولي

(( اللهم اكفنيها بما شئت ))

.

يـااااااااااااويـحي انا توني ماااعرست واسمع انه بناات خووااله ميتاات عليه.

الله يعييني..

بس احناا مو مثلكم يعني الرياجيل ماايقعدون مع الحريم..

ولو انا بمكاانج وشفتهاا تصب الشااي لزوجي اقوم واخذه منهاا واقول زوجي يقول ماايحب يشرب الجاي الا من ايدي تعود علي..

وصدقيني اهي راااااااااااااااااااااااااااااااااح تمووووووووووووووووووت من الحـره..

واذا انتي بنفسج ساامعه حميااتج يقولون انه بنت خالهم متغيره عن اول هذي مبين انهاا راسمه على زوجج..

المهم لاتبيني انج متضاايقه منهاا لزوجج..

وقولي لزوجج انها اهي مااتعنيلج شي الحين المهم انت..

وبليييييييييييز روحي لزواراتهم واذا قهوة ريلج انتي اخذي منها لاتكوونين قاعده حاالج حاال الضيووف..

وتـرى كلام ريلج صح هذي خالة وكبيره مايقدر يقولهاا شـي..

تسلمون يا قلبي وما قصرتوا
والله يسخرلكم ازواجكم
خلاص انشاءلله اروح ازوارتهم واقولكم شنو الي بيصير

يا عيني عليج يا لمه كلامج عين العقل

اي وربي لمه وداع صااااااااااااااااااااجه

الله يصبرج يا قلبي بس لا تبينيين انج محتره حتى لزوجج باجر لا بغى يحرج راح يعرف مفتاحج ..

حسبي الله ونعم الوكيل فيها اللي ماتخاف الله ولا تستحي انا ما اقول الا خليها تولي وروحي زوارتهم واذا رحتي ضحكي معاها وابتسميلها وسولفي معاها سوالف عاديه خليها تحس انج عارفه بالي اتسويه وخليج كلا مع زوجج وانتي باشريه واذا يت بتعطيه شاي مثلا انتي اخذي منها وعطيه زوجج خل اتحس انه عنده مرا وانج مومقصره بحقه عشان تحس انها غلطانه

ليش بنت خالته تعطي زوجك الشاي وغيره
لا قومي انتي قحص وروحي صبي شاي او قهوة لزوجك وقولي يحب يشربها من ايدي
وخليج قاعده يمه فخذك بفخذه ولما تسبقك وتصب له انتي مدي ايدك واخذي الاستكانه وعطيها زوجك لا يمد ايده مع ابتسامه شقاقيه ودعوه لها بالزواج خخخخخخخخخخ علشان تفتكين منها
وكله تدلعي على زوجك جنه محد شايفك تراها تطالع من تحت لي تحت ويحترون من هذي الحركات