|
|
نعم …. هذا ما سيحدث في يوم (ان لم يحدث فعلا من قبل ) … فستجدين من يلعنك ويدعو عليك في الغيب …
ليش ؟؟؟؟
بس وحدة تكتب موضوع تقول ساعدوني عندي مشكلة مع زوجي… تهل النصايح … اكثرها تحث على الطلاق!!!!
لحظة …
اخواتي … يرحم والديكم… والله يبارك لكم ازواجكم ويخلي عيالكم …. فكروا شوية !!!
المنتدى فيه عضوات من مشارب مختلفة … ومن مستويات مختلفة .. ومن دول مختلفة .. وثقافات .. واعمار .. وافهام … مختلفة
…………………… ما يصير
كل وحده تصير مطفوقة وتتسابق على الرد …. واول وابسط رد (( طلبي الطلاق )) !!!!! !!!!!!
المنتدى فيه :
* حضرية
* بنت قبائل
* محافظة
* متحررة
* يتيمة
* مقطوعة من شجرة
* فقيرة
* غنية
* الخ الخ الخ
يعني لما وحدة تقول اختلفت مع زوجها … وصرتي تنفخين فيها … وتشيشينها … واقنعت وتطلقت
………….. وظروفها (زفت)
اهلها ما يتحملونها مع عيالها (بسبب المادة … او اي سبب اخر)
وبعد مدة تعقدت امورها … لا هي من زوجها ولا هي من اهلها … ولا هي قادرة تواجه الوضع الجديد
بتصير بذمة منو ؟؟؟؟
يتصير بذمتج يا ام الفهيم ….!!!
والله لا تدعي عليج ليل نهار يوم انها نختج ووثقت فيج وضيعتيها !!
………………….. نعم
الغالبية يقصدون الخير …..
لكن اللي تتسرع واول ما تقول " تطلقي " وتتسبب بهدم بيت … ويطلع رايها غلط …. شتسوي؟؟؟؟
لا تكن كصويحبات يوسف …..!!!
ولا تكن من قال فيهن الله تعالى :
" فَيَتَعَلَّمُون َمِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚوَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ "
هؤلاء فرقوا بين الزوجين بالسحر … فلا تفرقوا بين الازواج بسحر الكلام … او قوة الاقناع او غيره
يعني قولي خيرا ….. او اكرمينا بسكوتج …..
مو لازم تشاركين اذا ما تعرفين الا تشيشين البنات على الطلاق !!!!!!!
( طبعا مو بس الطلاق حتى الدعوات الاخرى لمواجهة الرجل والوقوف ضده … لان مثل ما قلنا ما نفترض قبل الرجل من بيئة معينه لهذا الموقف مثل رجل اخر في بيئة اخرى او من مستوى اخر )
يعني اذا قلتي لصاحبة المشكلة " صبري " او " فكري " او " دوري احد يساعدج"
…………… مو احسن من كلمة " طلبي الطلاق .. والله لو انا منج ما اعبش معاه يوم واحد " !!!!!!
اذا كنتي متزوجة …. فحبي للناس ما تحبينه لنفسج …. واذا كنت مطلقة … لا تجرين الناس للي انتي فيه
………. وطبيعة الناس
يمشون بسياسة القطيع (نظرية علمية) …. وحدة .. ثنتين … قالوا طلبي الطلاق … كل ما دخلت وحدة الموضوع قالت مثل اللي قبلها طلبي الطلاق …. بدون تفكير !!!!!!
والمسكينه صاحبة الموضوع … يمكن تتأثر … وتقول مو معقولة كل هذول غلط وانا صح
وتصدق !!!!!
وتقع الواقعة !!!!!
……………….. اما خواتي اصحاب المشاكل
لا تنجرفين ورا كل كلام … ولا ورا كل وحدة تتكلم
( انا احسن الظن فيهم ان شاء الله … بس بعضهم يخفقون في الرأي )
فسوف تقعين في مالا يحمد عقباه … وقتها صاحبة الحل اللي طلقتج … والله ما تعرفج .. ولا ترد عليج اصلا !!!!
واخر كلامي ان اذكركم بقول الله تعالى :
( إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ)
………………… وتبقى وجهة نظر
تبين الصراحة انتي مو متزوجة و انا اشك فيج مدندنة بس مواضيعج و الله مفيدة
للامام
ليت هالبنات المطافيق بردووودهم
يا يقووولوون شئ عدل ويهدي النفووووس ولا ماله داعي ترد لمجرد الرد
|
المشاركة الأصلية كتبت بواسطة كويتية شقردية
 خرعتيني على بالي انا هههههههههههههه
تبين الصراحة انتي مو متزوجة و انا اشك فيج مدندنة بس مواضيعج و الله مفيدة للامام |
(( اللي فوق راسة بطحة )) هههههههههه
حبوبة شقردية …
يقولون في الامثال " لا تنظر الى من قال .. بل انظر الى ما قال " 
اذا شفتيني يوم غلطت … حاسبيني
واتمنى انتي او اي وحدة من خواتي العضوات تنبهني على اي غلطه " فجل من لا يسهو "
بس ما نسألكم الا صالح الدعاء .. فوالله اننا اعوز ما نكون اليه
بس حتى ولو المفروض من البنت ماتصدق الغبيه وتروح تطلب الطلاق
شنو انتي لهذي الدرجه عايتفن رجلتس وماتبينه
مااقول الا الله يهديهن ياارب
ومشكورة خيتوو ع الموضوع
الله يهدي الجميع ويصلح الحال
ويهدي البنات
و يعطيج العافيه
بس اغلب البنات الي يطلبون المساعده اكيد عقولهم براسهم
ماعتقد وحده حطت كمبيوتر جدامها و دخلت عالم النت ما تعرف مصلحتها وين و بتسمع كل كلمه تنقال لها
و اغلب الي يكتبون مشاكلهم مجرد يبون يفضفضون عن الي بداخلهم و يبون احد يسمعهم
قل خيرا او اصمت
لاتعلقون تعليقات تخرب بيوت اذا بتساعدوون
ياتتكلمون بالخير او رايكم مومهم كلش
يعطيج العافيه اختي عالموضوع
|
المشاركة الأصلية كتبت بواسطة مدندنه
(( اللي فوق راسة بطحة )) هههههههههه
حبوبة شقردية … اذا شفتيني يوم غلطت … حاسبيني واتمنى انتي او اي وحدة من خواتي العضوات تنبهني على اي غلطه " فجل من لا يسهو " بس ما نسألكم الا صالح الدعاء .. فوالله اننا اعوز ما نكون اليه |
مشالله عليج كلامج حده عجبني
الله يتمم عليج ويحفظج انشالله
اقترح يتثبت الموضوع لأنه فايدته كبيرة
ميرسي