نصيب من رب العالمين

السلام عليكم
والله ما أدري اشلون ابدى لاني أشوف المشاكل اللي بها القسم وتهون علي مشاكلي واشوف نفسي مكبره السالفه….
بنات وحريم وكل من يعز علي بها المنتدى والله يشهد كلكم حبوبات..
ماأطول عليكم
انا من يومني صغيره وانا احب ولد عمتي والله اهو اللي دفعني لها الشي لان كان دايم يلعب معاي وكان يهتم فيني وبفترة المراهقه كان دايم يسولف عني وعنه ويقول انا باتزوجج ومن الحجي……. وانا ياحليلي كنت غارقه بالاحلام

وكبرنا وتغطيت منه طبعآ عاداتنا جذي لاني (سعوديه)
المهم لما كان عمري 19 سنه سمعت انه خطب……….ماتتخيلون اشلون انقلبت نفسيتي بالرغم ماكنت اظهر هالشي للي حولي وكان الموضوع ازي
وعدت السنه واهو بعده ماتزوج فقلت أكيد ان السالفه اشاعه وكنت ادعي يابنااات طول الوقت ان الله يهديه(لان اخلاقه زفت)وانه يرزقني اياه زوج……..
وبنفس السنه في الصيفيه تآكد لي خبر خطوبته الصيفيه اللي طافت…على اني من فتره شلته من بالي وقلت اش له ادعي ربي واحدد الزوج اللي ابيه …… فنويت اني ادعي ربي انه يرزقني الزوج الصالح الحنون اللي يخاف الله فيني وما حددت الشخص طالبه فقط ان يكون من عند رب العالمين يعني ربي اللي يختاره لي
وسبحان الله تزوج وكل ما فكرت فيه اقول والله هذي خيره من رب العباد انه صرفه عني…
وانا ولله الحمد الحيـــــــــــــــــن مبسوطه ومستانسه ان ربي ما استجاب لدعوتي لاني ياما سمعت قصص حب وما ادري شنو وكل شي يروح في خبر كان بعد الزواج ……
ابي تدعون لي بالزوج الصالح وان الله يهدي بنات المسلميم من هالمكلامات والمواعدات اللي ماوراها اللي الضيقه وغضب الرب
وأن شاء الله بها الساعه المباركه اني ابشركم عما قريب بخبر خطوبتي من الرجل اللي أختاره الله لي
تقبلو ودي (العضوه الجديده=>أبتسامة الحياه)

الله يعطيج على قد نيتج

الله يرزقج ويوفقج يارب

أختي انا كنت مثلك الولد عمي من لما كنت صغيره ولما كبرنا انا عمري 16 قالو ما يبيك يبغي

وحدهـ ثانيه وانا سكاته ماحبه عادي عندي…

وجاني خطيب وانا عمر 17 سنه نخطبت واتزوجت في نفس السنه وصار عندي بنت والحمدالله مبسوطه مع زوجي

وولد عمي الحين ماتزوج ولا عندهـ نيه بعد

انا قلت لك قصتي عشان تطنشينه وفكره بالمستقبل … واكيد باذان الله راح تتزوجين ماراح تجلسين بيت اهلك طول عمرك كذا

شاكره لج مرورج وتفاعلك

الله يرزقج الزوج الصالح و يرزق كل العازبات

آميـــــــــــــــــــن يارب ويرزق الجميع
شاكره لج المرور

الله يسعدج يارب ويخليكم لبعض
وانا والله راضيه ومتآكده ان هالشي خيره لي والحمدلله
مشكوره على مرورج العطر

الله يسعدج يارب على هالدعوه اللي تونس

اللهم ارزقنا عاجلا غير اجلا ازواج صالحين تقين نقين غنين مخمومين القلب بارين بوالديهم
وجعلهم قرة للأعينن وجعلنا قرة للأعينهم وجعل بيننا وبينهم الموده ورحمه والف بين قلوبنا وقلوبهم
وسخرهم لنا وسخرنا لهم انك سميع مجيب الدعاء

آمـــــــــــــــــين
مشكوره يالغلا

الله يرزقج بالزوج الصالح انشالله

آمين يارب العالمين
يارب في هالساعه بين الاذان والاقامه يارب انك تشفي ولد ام نوونه وانه يمشي علر ريوله وانك ترزقه الصحه وحسن الخلق آمين…………

حبيبتي فتره وتعدي ماعليج ياقلبي

عسى الله يرزقج بنصيب الصالح يارب

عسى الله يرزقج الزوج الصالح ويؤلف بين قلوبك يارب