نشله وعطاس وحساسيه شنو اخذ وانا بشهر الثالث

سؤااااااال الله يرضى عليكم شبت فيني احتقان بالبلاعيم بعدين الحساسيه اعطاس ونشله ولوازمها شنو مسموح آخذ اقدر اخذ بندول وانا بالشهر الثالث واقدر اخذ حبوب الحساسيه اللي مجربه ترد علي

حبوب الحساسيه متاكدة انه لا لا لا في حبوب خاصه للحوامل بس راجعي طبيب احسن يا عمري

شسوي ماكو الا باجر تعبت واااايد

الله يشافيج حبيبتي ،،أنا اكثر وحده كنت اعاني من اللوز والحساسيه وآه من الحساسيه
بس كنت اعالجها وقت الحمال بمطبوخ اليمون صج يريح..تاخذين نص ليمونه وتطبخينها مع قلاص ماي لما تذوب الليمونه من داخل بعدين تخلينه يبرد شوي وتتحلينه بشويه سكر وتشربينه دافي …اما اللوز طبعا علاجها المره بس وقت الحمال تبخري فيها بس..

ان شاااء الله يالعنقاء بجرب الليمووون ويعطيج العافيه عالرد

ما تشوفين شر بس روحي الطبيب احسن
والبندول الازرق ترى عادى انا سالة دكتورتي
وما يضر ان شاء الله

حبيبتي لنل صيدلانية .. ونصيحة اذا تقدرين تتحملين خلج بس على المشروبات الدفية والراحة بس اذا ما تقدرين لا يكلف الله نفسا الا وسعها
تقدرين تاخذين بنادول كولد اند فلو cold & flu بس اخذي الاصفر مو الاخضر لانه يدوخ ,هذا البنادول فيه شي حق الحساسية تقريبا مثل الزيرتك zyrtec
واذا الاحتقان شديد وفيه حرارة تقدرين تاخذين مضاد حيوي amoxil
وماتشوفين شر يا حبيبتي

اخذي زيت زيتون بقفشة صغيرة وشربيهااا ممتازة للبلاعيم

وشربي عصير برتقال وعصري علية ليمونه ممتازة

اذا رحتي الطبيب ماراح يعطيج اي شيء واذا عطاج مو زين عليج شربي اشياء طبيعيه يعني بابونج وتبخري فيه بعد استنشقي بخاره والله يشافيج يارب

حبيبتي موزين تاخذين ولاشي كلش
انا يوم كنت بالرابع نفسج نشله وكحه وصخونه وكل شي رحت الطبيب قالي مااقدر اعطيج شي كلش
موزين حق اليااهل ولاتفكرين تاخذين بندول كلش موزين والله
بعدين انا ماتحملت رحت الصيدليه سالتها قالت هم ماقدر اعطيج شي بس قالت اخذي فيتامين سي فوار
خذيت وباليوم 3 مرات اشربه احطه بالماي واشربه والله زين كاان

مشكوريييييين على الردود والله اني استفدت واااايد والله يعطيكم العافيه

حبيبتي … تقدرين تاخذين للحساسية أريوس … اللي علبته ازرق وابيض … وممكن تاخذين مضاد … بس لا تاخذين بنادل cold & flu …. بس روحي طبيبة الحمل مالتج هي أكثر واحدة تفيدج … الصيادلة خوافين وما يعطونج شي …

أنا للحين ماخذه كورسين مضادات واحد منهم بالثالث … بس لأنه مهم تحافظين على صحتج … وترى عادي مناعة الحامل تنزل

امبي انا اعاني الحين بنفس اعراضج ومعاهم كحه

ماراح يعطونج شي..

ماكو احد مرض كثري بحمالي… من حملت لي الخامس وانا كل اسبوعين ترد علي الانفلونزا :s

خلج على عصير البرتقال وحبوب ستربسلز واذا رحتي الطبيب يمكن يعطيج مضاد….

شربي اشياء دافية على طول

ماتشوفين شر وديري بالج على روحج

الله يعييييينج

شوفي ترا شي طبيعي ان الانفلونزا والحساسية تاخذ وقت طويل بالحمل .. فلازم تتحملين شوي

انا صار فيني جذي وقالتلي دكتورتي عادي آخذ بندول العادي مرة باليوم (بس ماكنت آخذ مادري ليش اخاف ) وهم نصحتني بحبوب فيتامين سي الفوار اللي تحطينه بالماي ..وهذي زينة للبيبي بعد ..

بس بالنسبة للحساسية لاتجازفين وتخترعين خلطات من عندج او تاخذين شي من الصيدلية .. روحي الطبيبة وخليها تكشف على حساسيتج
لأن الحساسية انواع
انا الحين فيني حساسية وصارلي شهرين تقريبا . . حسبالهم من الاكل بس طلع من حبوب الحديد وعطوني ابرتين وكريمات وحبوب ..

و الله يسهلج ويشافيج