نشاط لاصفـــــــــــــــــــــــــــــــى مبتكر & واااااااااو &

شلونك خواتى

قواكم الله

انطلاق واحياء للحملة اللى شنوها البنات

اقدم لكم هالنشاط الروعه وهو يصلح للصيف حق اى خبره

لان النشاط المبتكر ابدا ما تربطينه بالخبره

المجال مفتوح لابداعك ( من محافظة الفروانيه ما يدرون وين الله قاطعهم )

المهم

قعدت تحلطم علينا الناظره باجتماع لاصفياتكم مو حلوه الموجهه الاولى يمكن تطل علينا نبي ابداع

نبى حركات

عاد قلت لها ولا يهمك انت تامرين امر لكن منو بيدفع ؟

توهقت قالت انا الميزانيه شهريا 300

بدال لا نقطها على قرطاسيه ايب لكم اشياء حقلاصفياتكم

قلت اوكى افكر وارد لج خبر شنو نسوى وشنو نبي

المهم خطر بالى هالنشاط وكان الجو حر

فكرته عبارة عن :

نشاط حر للسباحه باحواض صغيره مع اعطاء سلوكيات السباحه

كان روووووووووووووووووووعه والاطفال ينو من الفرحه والتبربس والمشرفات عجبهم وجك جك تصوير

بصراحه لولا الحيا جان طبيت معهاهم

الادوات :

1- حوضين سباحه متوسطين وقليل العمق حق اطفال الروضه شرتهم الناظره من الاسواق الشعبيه

حوض ازرق للصبيان وحوض وردى للبنات

2- يابت لنا 20 روب من المحاميد

3- وفرت لنا 20 قبعه بلاستيك للشعر من بو 100

4- وفرت لنا 20 نعال زنوبه للاطفال ( نعال البحر )

5- سشوار قوى عشان بعد السباحه نشف الشعر ( معنى حذرتهم يا ويله اللى يقط القبعه ولا يحوش شعره نتفة ماى وفديتهم كانوا وايد حريصين ان شعرهم ما يحوشه ماى )

6- وفرت لنا 20 شورت للصبيان + 20 لبس مايوه اسلامى للبنات ( تقول اخاف من شكاوى الاهالى خلى شغلنا اسلامي لوووووووول .. من خاف سلم )

الشغل :

خليت فراشتين يترسون لنا الاحواض بنص الساحه هههههههههه لا تشوفون الصفوف الثانيه

طقتهم الحره يحرام اليهال كلهم يبون الماي

وبالصف ناديت فراشه ولبسنا بعد الوجبه الخفيفه وكل واحد حط هدومهم الروضه بالمخزن

ولبس الروب وانطلقنا

سلمت عليهم

وعطيتهم سلوكيات

عن الماي والسباحه والنظافه

وحمدنا ربنا على نعمة الماي

وشنو اثر السباحه بتقويه العضلات

وعطيتهم شويه مدح

وان اللى يلتزم بتعليمات المعلمة راح كل مره اسوى لهم فناتك

شغلنا نشيده حماسيه وطبوا الاطفال بالاحواض

البنات بحوض والاولاد بحوض

والاروااب خليناهم بسله كبيره

ولعب ووناسه والمشرفات قاموا يصورون

الناظره حضرت ربع ساعه وكانت حدها مستانسه

وقالت اذا يانا ضيف بنخليج يا ابله تعيدينه

وطبعا انا رفعت جوها ومدحتها

لانها صج ما قصرت كل الاغراض من ميزانيه الروضه

ويوم خلصنا

ساعدونى الفرواشات نشفناهم ولبسنا

ونفخه سريعه بالسشوار لراسهم

واااااااااااااااااااااايد استانسنا

والاطفال ينوا من الوناسه

قالت الناظره بالانصراف شرايك يا ابله نسويه يوم مفتوح الاطفال مع اهاليهم

والاغراض نطلب منهم

خو كل اليهال عندهم ملابس بحر وروب

قلت اوكى

بس للحين ما طبقوا هاليوم بروضتنا

طبعا الاغراض كلها بعد ما غسلناهم ونشفوا

صفطتهم الفراشه

ورجعناهم لمخزن الروضه لانها عهده نستعير ونوقع استلام وارجاع

ما قصرت والله الناظرهرايتها بيضه الله لا يغير عليها

اتمنى خواتى فدتكم

ما ابى منكم الا دعوه بظر الغيب