نزول الرحم عند بنت مو متزوجه :( لييييش؟؟؟

قوه بنات ،،

الله يسلمكم اليوم نزلت علي الدوره قويه و لما اقول قويه يعني الم مو طبيعي بجي و صراخ و لوعه و
ترجيع و اغماء

انا كان يصير فيني جذي مره كل 3-4 شهور بس الحين اخر 4 دورات تقريبا كلها كانت جذي

انا لي صار فيني جذي لازم اروح الطبيب يعطوني ابره و درب و لويه ما يروح بحبه و جاي و مادري شنو بس اليوم لان بالشاليه توهقنا

يتني خدامه خالي تدهن بطني بطريقه معينه اهيا خبره دارسه هالشغله و مشالله ايدها خفيفه و صج بس بس دهنتني خف العوار حيل و عقب ما خلصت ب شوي اختفى ما احتجت حتى اروح الطبيب

الحين نيي حق المهم ،، و اهيا تدهني قالت حق امي ترا رحمها نازل عشان جذي قاعده تييها قويه قالت بس تخلص خل اييها اعدلها رحمها

انا اخترعت شنو رحم نازل و انا بنت مو متزوجه ليش شنو الاسباب ؟؟ هالشي ب أثر فيني مستقبلا يعني يسبب عقم لا سمح الله و لا شنو ؟ و عادي اخليها تعدلي اياه ما يضرني انت قلت حق امي خل نروح حق دكتوره قبل نشوف شتقول قالتلي الدكاتره ما يقولون رحم نازل

مادري شرايكم

الله يشافيج اختي

والله مدري مااقدر اقوولج شي
بس اللي اعرفه ان رفيجتي اكتشفت سالفة الرحم النازل بالاسابيع الاولى من الزواج والسبب قالو لها النسوان انها تشيل اشياء ثقيله وخصوصا ايام الدوره اهيا تسبب هالشي

ومسكينه عانت ويا سالفة الحمل مايثبت وياها
بس ويا العلاج صارت احسن والحين اهيا ام حق بنتين

انتي لاتسكتين عن روحج وروحي حق دكتوره نسائيه وايد افضل
مو شرط كلام الخدامه يكون صح

لان بعد رفيجتي الثانيه تعاني من الدوره وعندها ببعض الاعراض اللي ذكرتيها وطلع معها تكيس بالمبايض

والله يشافيج ويرفع عنج

لا تفكرين بسالفة الحمل لانها على الله

انا نفسج قبل لازم ابرة وقالولي مو زين تاخذين ابرة ماتيبين يهال بعدين وكاهو ولدي حبيبي نايم يمي =)

عوار الدورة شي طبيعي و يختلف من وحدة لي وحدة وان شاءالله يروح عنج العوار

نصيحة لا تلعبين بنفسج وانتي بنت مو متزوجة

لي تزوجتي بيطلع حزتها كل شي و ان شاءالله مافيج الا العافية

ماعرف

انا بعد الزواج جاني السبب فيني كحه قويه

استمرت معاي يوم رحت للدكتوره قالت لي سبب نزول الرحم الكحه

إن شاء الله مافيكِ إلا الخير ولا تأثر عليكِ

موفقه يارب اختي

سببها انج تشيلين أشياء ثقيله بالدوره

والدوره لازم اهتمام خاااااص .. ومن بعض اسباب انقلاب الرحم وصدته هي الركض او المجهووود بوقت الدوره ..

الحل لازم تتمرخين ولاتحاتين بس اهم شي انتبهي لنفسج بوقت الدوره لاتشيلين اشيا ثقيله ولاااا تبذلين مجهود

والله يحققلج اللي ببالج حبيبتي

اب اب

تهقين الخدامه دكتوره ولا احسن من الدكتوره اخاف صج بس ديري بالج لاتلعبين بعمرج وروحي لدكتور مختص افضل وما عليج الا العافيه

سلاآآمتك وماتشوفين شررر
انا كنت كذاا ايام الثانوي ..مثل ماقلتي بالظبط
بسسس الحمد لله لما قريت وفهمت وش لازم اسوي بهالايام
خففف وراح كل شي كان يعذبني .. والحين الالام الطبيعيه المعروفه بسس
اظن هالشي لانك ماتهتمين بنفسك وقت الدورة تبردين ..او تجهدين نفسك ؟

شوفي قبل لا تييج الدورة اهتمي بنفسج اكيد نعرفين متى موعدها قبل الدورة باسبوع لاتشربين اشياء باردة وتدفي شربي جاي احمر وجاي زعتر وزنجبيل وبابونج ويانسون كله بالدوره ولا تشلين شي ثقيل اهتي عدل

احس كلامها حجي فااضي كل البنات يتوجعون من الدورة معناته كلهم رحمهم ناااااازل شهالحجي عااد انا مرة قريت انه اللي الدورة تعورها حيييييل تبويضها زين لاتلعبين بروحج انتي توج بنت

اهيا ما قالت كلام بس جذي يعني من دهانها حست ان نازل
مادري شلون و الله 😐

و انا قلت حق امي مابي تلعب فيني بس كلهم امي وخالاتي قالولي ما يضر و عشان ما يضرج بعدين بالمستقبل بس انا بعد خايفه على قولتكم اهيا مو دكتوره 😐

الرحم النازل يبين عند الدكتوره و لا بس سوالف الحريم و جذي 😐

طيب هو كل اللي تسويه تدليك خلها تدلك ماتوقع يضر التدليك اذ نفع ماضر وماتشوفي شرر

الشر ما اييكم