نزله معويه وانا بالسابع

السلام عليكم بنات
أمس صار معاي شي الله لا يراويكم
على الساعه 7 بالليل حسيت بعوار خفيف في بطني بس قلت يمكن حايشني اشوية هوا و ظليت لي الساعه 9 بلش معاي تكرمون اسهال بس همن دست على نفسي و بدلت على أساس اني متفقه مع زوجي بنطلع نتعشى و بالفعل لبست و طلعنا رحنا 360 أول ما وصلنا المطعم بديت أحس ان العوار قاعد يزيد حيييييييييل و ما قدرت آكل بس نطرت زوجي يخلص أكله قلت له ودني مستشفى المواساة بسرررررررعه ماني قادره أتحمل و بالفعل رحنا بس طوارئ الباطنيه ما رضو يستقبلوني قالو انتي بالسابع ما نستقبلج روحي طوارئ النساء و الولاده قلت لهم بس انا الي فيني ماله علاقه بالحمل قالولي لا ما نتحمل مسؤوليه ، المهم رحت طوارئ النساء و الولاده و فحصتني الدكتوره كانت حرارتي 38 و البيبي الحمدلله كان زين فبس عطتني علاج و مشيت ، لكن بس طلعت من المستشفى جان أبدي تكرمون أستفرغ حيل و حسيت ريولي مو شايلتني رديت البيت و بعد ساعتين حرارتي صارت 39 و جسمي قام ينمل و كل نص ساعه أدش الحمام من كثر التقلصات في بطني
المشكله ان من الفجر لي الحين مو قاعده أحس بأي حركه للبيبي واااااايد قاعده أحاتي

أخاف صاير فيه شي و ريلي مو راضي يوديني المستشفى مره ثانيه يقول لا تحاتين أمس سويتي سونار و كان طبيعي … بس آنا يوم سويت السونار حرارتي ما كانت وايد مرتفعه و كنت أحسن من الحين و حتى الاستفراغ ما كان امبلش معاي

الله يخليكم بنات ادعولي و ادعوا حق البيبي ان يكون بخير و أرد أحس بحركته تكفون

حبيبتي لا توسوسين

اكلي كاكاو ونامي علي جنب وارتاحي شوي راح تحسين فيه ان شالله وحتي البيبي ينام مو طول الوقت يتحرك عرفتي

التزمي بالادويه وان شالله يشافيج يارب

ان شاء الله مافيه الا كل خير يا رب

بس ما ادري لازم تروحين الطبيب .. لانه الحامل اي شي يصير فيها
لازم سييييييييييييييده تروح للطبيب علشان ما تندمين بعدين
كلمي زوجج وزفيه هههههههههههههههههههههههه

والله الزم ما عليج ضناج روحي تطمني علشان ترتاحين

وان شاء الله ما في الا كل خير يا رب

حياااتي والله والله كأنج تقولين سالفتي وانا بالسادس والله يومين ماحسيت بحركة البيبي وحالتي كانت صعبه وزوجي موراضي يوديني يقول كل شي تمام لاتوسوسين مرت علي بنفس حالتج بس نثل ماقلتي نزله معويه وتعدي بس نطري يومين عليها
وعسى الله يشافيج يارب ويخليلج البيبي وتشوفينه سالم معافى بإيدج يارب العالمين

والله أنا صار فيني نفسك بحملي الثاني وعطوني علاجات وتعافيت
لا تخافين الشغله عاديه ان شاء الله المهم روحي مره ثانيه للطبيب
اخذي ادويه للنزله المعويه

روحي للطبيب الحرارة موزينة للحامل

حبايبي ما تقصون والله
انا الحين الحمدلله حرارتي نزلت بس لي الحين معدتي تعورني بس العوار أشوه أخف من أول
بس الحين قاعده أنطر انشاءالله يتحرك البيبي حتى لو حركه بسيطه … بشوف بنطر لي بالليل