|
|
السلام عليكم ورحمة الله وبركاته
شلونكم ؟
حبوبات انا بالجامعه وعندي تقديم لدرس نموذجي بأحد مواضيع منهج العلوم للمرحله المتوسطه او احياء الثانويه للصف العاشر بس !
ومحتااره بالموضوع اللي اكتب عنه ؟ كنت ابي اتكلم عن الزهره وتركيبها والتكاثر فيها بس اختارته بنت وراح علي 
فابي من خبرتكم موضووع يندرج تحت الوحدات المتعلقه بالأحياء إذا ممكن
أو أي موضووع فيه متعه وإفااده ومجال للنقاش مع الطالبات وفيه مجاال. إني أجيب معاه وسائل للشرح
يعني شنو الموضوع اللي تحسون فيه مجال أبدع فيه ؟ يعني مابي موضوع بارد ومجرد إلقاء للمعلومات » فاهمين علي أكيد
بليز اللي عندها فكره تعطيني ولو. رؤوس نقاط وأكون شاكره لها
عسى ربي يووفق اللي تساعدني ويسهل عليها كل صعب ويحقق لها أمانيها
يعطيكم ألف عافيه
وحطي لج وسيله عن الشبكة وخلي الطاالبات يعملون شبكة من صور الحيوانات الموجودة جدامهم
هالفكرة حلوة سويتها انا بدرسي والكل انعجب فيه وراح ايكون فيه تفاعل للطالبات ويحبون الدرس اذا اشتغلوا بنفسهم
بعد وينكم بنات
اجهزه جسم الانساان واااايد تلقين وساائل وافلاااام باليوتيوووب
وفي درس الغذاء بالفم في فصل الجهاز الهضمي عن اهميه الاسنان و الغدد اللعابيه
موفقه حبيبتي
و بعد عندج درس هرم الطاقه حيل حلو
و هرم الدليل الغذائي ممتع و سهل سوته زميله لي
سوت مجسم لهرم غذائي من فلين و لونته نفس الكتاب و حطت داخله سلال
و موزعه ع الطاوله الرئيسية المجموعات الغذائية حليب و فول سوداني و فواكه و خضار و صمون بشكل مبعثر الخ..
و طلعت البنات يرتبون المجموعات داخل الهرم و اخر الدرس وزعت عليهم علب بلاستيك شفافه
فيها وجبات غذائيه صحيه متكامله بسيطه اهي ميمعته لهم حليب كي دي دي صغير توست شريحة جبن و موزه الخ ..
حيل حلو الدرس و مفيييد للكبير قبل الصغير
و الدروس اللي قلتلج عنها بالصف السادس الفصل الاول
موفقه اختي 
بشووف الدروس اللي قلتو عنهم
نويت أسوي عن المغناطيسيه >
بغيت أفكااركم شلون أبلش بالدرس ؟
و إذا فيه تجرربه بسيطه
و من وين أشتري مغنااطيس حذوة الفرس والمستقيم اللي لونهم أزرق و أحمر ؟ و برادة الحديد ؟
بليييييز > دآشه عررض سح 
أحببتس
وبعدين عندج الصف السادس وحدة جسم الانسان عن الامراض او تركيب جسم الانسان اذا عجبج حددي علشان نعطيج افكار للوسائل
كحل ، فديت قلبتس :$