ندء الي الحوامل والعضوات كسبي اجر

بنااااااااات ابي باجمات وملابس حلوه للحامل علشان العيد لفيت الاسواق ماكوشي وين احصلهم الاوليه المنطقه العاشره

هلا اختي … حاسه فيج لاني لما كنت حامل اعاني من هالشي وكل حامل ..

شوفي مرات تلاقين محلات عاديه مو مالت حوامل بس تلاقين عندهم قصات تناسب الحوامل ..

انا من زمان مو رايحه السوق بس الاقي للحوامل مرات في العثمان او سوق السالميه ..

في بمجمع زهره محل حوامل اليوم حاطين عنه بالجريده و غاليريا 2000 تلاقين جم محل ..

جربي روحي كويت ماجيك ممكن تلاقين شي … واذا كلش مالقيتي اخذي موديلات من النت وخيطي .. شتسوين بعد ..

الله يعينكم ويسهل عليكم ..

اعذريني ما ادل بالمنطقة العاشرة..

بس روحي السالمية غالاريا 2000 بتلقين محل بالسرداب اسمه ناين منث

عندهم شغلات كشخه حق العيد..

عاد انا منزمان كنت رايحتلهم ما ادري شلون بضاعتهم الحين..

و في محل يمه كله بجامات اتيييييينن بس غالي على بجامه!

و ان شاء الله البنات يفيدونج اكثر..

حبيبتي أنا حامل ومعاناتي مثل معاناتج ولقيت أحسن حل الخياط

ماعرف شلون اصممم او احط موديل لاني متعوده عالجاهز

ماعرف شلون اصممم او احط موديل لاني متعوده عالجاهز

عند مذركير فيه بنطرونات جينز شحلوهم حق الحوامل .. وعندهم شغلات حلوه وعمليه .. بس والله الجينز كديته ومرييح حيل وبس لبسي عليه من هالشلاحات
والله يعينج ويسهل عليج يارب

وين مذكير

عندكم مذركير في الفحيحيل

بعدين المحلات الحين كلها كلوشات و صدر قصير ..

ومذركير عندة بيجامات حوامل

بجامات عند مذركير أو لاسينزا مو بجامات حوامل بس قصتهم مريحة وفيهم مثل حزام ينربط ترخينه على راحتج انا اخذ مقاس كبير وارخيه يكفوني لين اولد ..
وملابس حق العيد في محلات مو خاصة للحوامل بس عندهم قصات تصلح مثل ريفا ومحلات مجمع النقرة وفي محل اسمه اكسارا بالبستان تحصلين عندهم شغلات تصلح ..

وين بالضبط مذركير