السلام عليكم ورحمة الله وبركاته
وايد سمعت عن بنات سوو نحت الجسم او شفط للدهون وفي بنات ودهم يسوون ويسألون اي دكتور احسن
المشكله …. هل سألتو انفسكم ؛؛؛؛؛؛؛؛؛؛؛؛؛ عن حكم الذهاب الى الدكاتره "الرياييل "
تدرين ان مايجوز تروحين حق الدكتور وانج تأثمين على هالروحه ويحاسبج عن جسمج اللي كشفتيه حق ريال غريب مايحلج تتكشفين عليه
في ناس تقول عادي هذا دكتور ؛
صج انه دكتور بس مايصير تتكشفين الا اذا كنتي مضطره
تدرين شنو مضطره ؟…..يعني حالتج توصل للموت "اسم الله لاعليج " ومافي دكتوره .اما اذا فيه دكتوره فأنتي مو مضطره
لا تقولين الرياييل شغلهم احسن
من يتقي الله يجعل له مخرجا ويرزقه من حيث لا يحتسب
وانا استغرب من اللي يولدها دكتور وتقول شغله مضبوط
والله مايجوز هذه عوره مغلظه .يعني مو اي عوره بعد
قال تعالى "يوم تشهد عليهم السنتهم وايديهم وارجلهم بما كانوا يعملون "
والله هالجسم اللي قاعده تكشفينه على الدكاتره راح يشهد عليج يوم القيامه
فاتقو الله في انفسكم واتقوا يومآ ترجعون فيه الى الله ثم توفى كل نفس ما كسبت وهم لا يظلمون
لا تقولين بسنع جسمي عشان ريلي لان لايعه جبده مني والله ماراح ينفعج ريلج يوم القيامه وما تدرين يمكن تسوين العمليه عشانه و ربي يعاقبج ويحرمج حتى من ريلج اللي كنتي مسويتها عشانه وتخسرين الدنيا والآخره
ويمكن تسويينها وما تقومين عقبها ويمكن تسويينها وتفشل ويصير فيج شلل "اسم الله عليج "
وقتها تقولين ليتني ما سويتها ليتني قاعده على شحومي احسن …….. والله هالجسم وهالصحه والعافيه نعمه من الله تحتاج شكر ومن شكر الله على هالنعمه انج تحفظينها عن المحارم وتحفظينها عن المعاصي وتسخرينها بطاعة الله لان الله عطاج اياها ويقدر ياخذها منج باي لحظه
لا تقولين كل الناس سووها وماصار فيهم شي ؟ اشمعنا آنا ؟
ماتدرين يمكن الله سبحانه وتعالى يمهلهم بالدنيا ويخليهم يستانسون وبعدين يعذبهم يوم القيامه
سامحوني خواتي على اسلوبي يمكن يكون جاف شوي بس والله من حبي لكم وغيرتي عليكم
وانشاءالله في ميزان اعمالك
عسى الله يرحمنا برحمته ،،،،
والله يجزاج كل خير
وانشالله كل وحده الله يبي لها الخير يخليها تدخل هالموضوع وتقرا وتهون
جزاج الله الف خير
البنات حيل مستهسنسن بهالسالفة والله المستعان
جزاج الله خير
يعطيج العافيه ..