|
|
تخيلو انا متزوجه صارلي 4 سنوات والحمدالله احب زوجي ويحبني بس الحين قمت افكر اهوا يحبني ولا تعود علي مادري؟؟؟امبي امبي مغثوثه ياربي ماقدر اتكلم حق اهلي مابيهم يكرهونه…تخيلو من تزوجنا وكرتي البنك عنده يقولي علشان لاتلعبين بالفلوس لان انا نوعي احب اصرف ماخلي اب كرتي ولا فلس من ينزل معاشي..المهم عندي مننه 2 واهوا وايد حنون وطييب وهالشي يشفعله..بس احسه مصخها اهوا كل مااطلب منه يعطيني ومايقصر دبل معاشي وانا دايما اطلب منه واذا ماعنده اقدر ضروفه مره بس شكيته لاهلي وحقدو عليه شلون ماخذ كرتي وعقبها ابوي دايم يسالني ها كرتج عندج اقوله اي مع ان رده لي ورد خذاه..مو هذي سالفتي..ريلي حيل مع ولد عمه ذبحني رفيجه حيل من يوم كانو يهال ومرته هم قامت تكرهني وتكره ريلي من كثر مايطلعون بعض وهم امي كله تقولي شنو هالصداقه ليلحين في صداقه جذي..والكل ينغث محد يسالني عن ريلي لان كل من يدري انه مع ولد عمه..انا ومرت ولد عمه قمنا ننقهر من بعض لان ل طلعه اذا بنطلعها مع رياييلننا لازم نكون 4 كبلز مانقدر نفرد براحتنا وغصبا علي اذا حملت واذا صارت مناسبه لازم تدري عنها..واي باموت قهر حتى زف يزفني جدامها وريلها بعد واثنينهم نفس الطبع طينه وحده والله تعبت وساعات لما احر ريلي واقهره عادي يطقني طق اليهد ينسا عمره ويتحسف بعدين ويحلف مايجيسني..امبي وايد مقصر بحقي والله وبحق عياله مانشوفه ماشوفه الا وقت النوم واكون نايمه ويطلع هم اكون نايمه عمره مايكل عندي وصاير لمن يقعد معاي ماكو سوالف.اهوا كله مشغل بحكم شغله بس تعبت وانا اقدر ضروفه جان زين شغله الي يشتغله مشبعني ومشبعه كله يقول ماعندي ويتشكى اوووووووووف والله زهقت ودايم يقارني بمرت ولد عمه وانا اموت حرررررررررره وقهر…وهم ذاك مو مقصر لاني صارحت مرت رفيجه من كثر ماكنت مقهوره قلت لها ماني بالعه الطلعه معاج جان تقول حتى انا ومن ضمن سوالفنا اكتشفنا اثنينهم نفس الطبع والجذب عند ويهج ونوعهم يصدقون جذبتهم وانا مابي اخرب بيتي ومابي اقول حق اهلي لان والله احبه واهوا يحبني بس مادري قمت اشك بحبه مع العلم مره كنت حامل وطحت على موبايل عنده ناسيه ومخليه رنه الله فضحه وزعلت وماكنت ادري اني حامل واجهضت وطحت عليه المره الثانيه بس ماسويت لويا نفس المره الاولى لاني كنت مسافره واذا تنرفزت بالغربه عادي يذبحني من الاعصاب..وبردت السالفه وكسر خطه اشكرا كنت اسولف مع وحده بخطه الخارجي مسجات وبنيه وينكر لييييييي الموت امبي والله مادري شسوي اشتكي حق منو ولا منو….فهموني وبليز لاتشيشوني..شلون اسنعه ماكو فايده جربت معاه كل التجارب عاملته جنه ياهل قعدت وصارحت يلف ويدور وينكر ويضحك ويضيع السالفه واسكت علشان لااكبرها..وهالصيف والي فات ماسفرني مع ان عنده فلوس وانا اصلا لو ماعنده اهله كان بيسفرنا على حسابه مايبي ..انا منهاره انا الام والابو بالبيت تعبت..حتى بالفراش ترا وايد مقصر بحقي..يعني صج تغير عن بداية حياتنا…امبي ماني قلدره افكر بس كله شايله بقلبي وهددت اني اقول حق اهله..طبعا قلت حق امه تدافع عنه تقولي لاحبيبتي مافيكم شي يحبج وتحبينه.كل الرياييل جذي حتى ريلي.سوري طولت عليكم قولولي شالحل………….
لانج حسستيه على انج مو قد مسؤولية التصرف بفلووسج … يمكن قصدج بتحسسينه انج تحت رعايتة وانج مو متعوده على المسؤوليه عبالج بتكسبينه .. وكل بنت افبدايتها تغلط فا الي صاار قام يتحكم ابطاقتج وبمصرفج الحل بدون مشاكل شنو؟؟
يا فلان ابي بطاقتي اليوم بروح مع خواتي ولا مع اي احد بروح السووق وتوه نازل راتبي وابي جم شغله ضروري شنو شغل حريم ابي البطاقه عطاج البطاقه لي رديتي لاتردينها له قوليله هو بعد ليش يبا انا اصرف بروحي خلني احس حالي حال الناس انتا اصلا تعطيني فوق معاشي وماتقصر بس ودي اتكون عندي البطاقه اسحب متى ما ابي استخدمها متى مابغيت مابي احس اني ياهل 
وبس بجذي ماراح تناجرينه ولا تحرجين نفسج ولا راح يقول منو مشيشج علي …
المشكله الثانيه لاازق بولد عمه ..
حبيبتي مشكلتج نفس مشكلة مرت ولد عمه اثنينكم بالهوا سوا … انا عندي لا تسوين سالفه مو عيب انهم يتطابجون على الاقل يرافج ولد عمه احسن من واحد ماتعرفين شنو مايته .. ومتزوج احسن من لا يرافجلج عزوووبي وتعالي شووفي البنات بالمنتدى شكثر متاذين من هسالفه حبيبتي انتي مكبرتها بسسسس زوجج زايدها حبتين شتسوين؟؟؟
تجذبينه لج … حبيبتي ادري بتقولين انا مو مقصره .. صدقيني انتي حتى تغيرتي عن اول الزواج لاتنكرين؟ العيال والعشره ولمن تاخذين عليه وايد بس تشوفين نفسج تغيرتي عن اول ماتزوجتي كانت كشختج ورزتج وكلامج الحلو معاه غيير بعد المشاكل والايام تقسي القلوب ساعات …
ردي مثل اول مثل ماكنتي عرووس … لاتقولين مستحيل شسوي !! لاا حبيبتي ردي قصي شعرج صبغيه غيري شكلج غيري طريقة لبسج بلبيت .. غيري كلامج معاه ..جذبيه وحببيه بلبيت يبي افلام وقوليله يا فلان اليوم مسويتلك عشا موو طبيعي ويايبه افلام خنشووفها مع بعض لاتقولين بيقول لا اختاري وقت مناسب وخلي كلامج كله وناسه سوالف حلوه لاتذكرينه باي مشكله سواء مشكلة عيالج مشكلتج انتقاد له .. لا حبيبتي وقتها انسي كل شي لانج بمرحله تبين تجذبينه حق بيته …. ولي طلع دزيله مسجات ولهت عليك يالغالي …ومن هلحجي السنع .. يوم اثاني سويله ليله من هليالي الي بالمنتدى .. في مووضووع مثبت فووق اكيد بيفيدج كله ليالي طبي وتخيري افضل لج ليلة المساج .. لان ريلج كله لاهي بشغل وتعبان وحاله …
طبخي انتي طبخات غريبه خليه يحبها ومايحصلها بمكان ثاني .. اهتمي بعيالج وخليهم كله هادين بوجوده نوميهم اذا اهما بسن تعطينهم الوان وكراسه يلهون بدارهم … وشغلي وقتهم علشان ماايبجون ويصير البيت بنسبه له …
لوويه ودثره وصراخ ويهال والمرا تتحلطم وقاعده عافسه ويها ومكتئبه …
حبيبتي كل وحده عقب فتره من الزواج تمل مو غلط بس يبيلها من اينبها وانا نبهتج الحين ….
اذا سويتي كل هذا بتشوفينه يقعد بلبيت اكثر بينجذب للبيت اكثر ولي حب البيت وشافج كامله والكامل الله سنع واخلاق وحلات وترتيب وربة بيت سنعه بتشوفينه يبيع كل بنت من بنات بليس وبيقول انج ماتستاهلين الي ايسوويه ووقتها يبحس بذنب ..
وانتي قلتيها يحبج وتحبينه فا حلي المشكله .. واذا بتقولين ليش انا اتعب عليه وعلى راحته واهوا الي غلطان انا اقولج صبري لانج مرا والمرا اهيا اساس سعادة البيت اهيا الي تخلي بيتها جنه واهيا الي تخلي بيتها نار …
حبيبتي ملاحظه : لاتننسين كل يوم تشغلين سورة البقره افبيتج … ترى تحميج وتحمي ريلج وعيالج .. وتبعد عنكم كل عين وكل حسد بتقولين على شنو ياحظي ومادري شنو حبيبتي الناس ماتخلي احد بحاله وفوق هذا سورة البقره اطهر النفووس وتحسسكم براحه نفسيه
وعسالله يوفقج 
<<< تحياتي عزوبيه ;d
الله يهديه انشالله ويهدي بالكم يارب
وخلي نقاشج معاه بلحظة صفاااااء مو واهو معصـــــب
ان قلتي لهلج بتكبر السالفه
وان سكتي بتموتين قهر
اخذي بطاقتج منه
واصبري راح يتغير ان شاءلله
اما تمسكينه وتكلمينه باللي غاثج وان ماتغير الحل الثاني تنادين ابوج للبيت ومحد يتدخل غيره لاتنادين امج
تقولين يطقج طق اليهد .. و يخونج .. ومقصر بحقج .. و و و و و !!!
شاللي مصبرج على هالعيشه !!
احسن لج تكلمين واحد فاهم و عاقل من اهلج و تقوليله كل شي علشان يعرف ان وراج ظهر و يعملج الف حسااب ولا يتجرا عليج ..
لاتقولين احبه و يحبني .. شفايدة الحب اذا مافيه احترام و تفاهم و تقدير !!
ادري يمكن كلامي يضايقج بس هالشي انا اسويه لو انحطيت بمكانج لا سمح الله !