|
|
شلونكم بنات
يايتلي حالة ما ادري شنو اهي بالضبط وليش ؟؟
صارلي يمكن اسبوع احس مو طايقة نفسي
على طول منقمت قلبي حتى اني الصبح اقوم من النوم مثل الهم قاعد على قلبي
الأعصاب صايرة شي مو طبيعي وايد عصبية مع اليهال
زوجي مو متحملته
لدرجة ساعات بناتي يكلموني او زوجي احس مو متحملة اسمع صوت اي احد فيهم ولا لي طاقة او مزاج حتى اتكلم معاهم والله امس بنتي تسلطت علي بالأسئلة سؤال ورا سؤال سؤال ورا سؤال سؤال ورا سؤال اسم الله عليها
جان اصرخ بس سكتي
اكسرت خاطري بس صايرة اعصابي فايرة بشكل مو طبيعي حتى اهلي اللي طول اليوم اكلمهم بالتلفون امي تدق علي تقولي شفيج ما تدقين مثل قبل ؟؟؟
والله ما ادري شنو فيني والله
انا الحين حامل بالشهر السادس وهذا مو اول حمل لي
حملي الاول والثاني ما يت لي هالحالة ابهالقوة
صايرة على طول اطالع جسمي ومتنرفزة من شكلي ووزني خاصة اني حملت وانا قاعده اسوي رجيم وكنت حيل ضعفانة قمت كله تلوع جبدي الحين من جسمي
واحاتي وايد الطلق لان نوعي اقعد يوم اذا مو اكثر وانا اطلق
يعني ساعات فجأة ابجي
زوجي يقولي شفيج ؟؟؟؟
اقول له تذكرت الطلق ووضعي بوقت النفاس
يمكن تحسون اني مكبرة الموضوع
بس والله انا نفسي مو عارفة شنو اللي صاير معاي
هل اهو من الحمل
هرمونات
محاتاة الولادة وزيادة مسؤولية اليهال
او لاني توني من اسبوعين تقريبا يايبة خدامة يديدة وللحين قاعده اعلمها شغلها
ما ادري احس مو طايقة شي
لدرجة امس قلت له ودي احجز غرفة بفندق بروحي مابي احد ابي اريح نفسي من كل مسؤولية ابي اقعد بروحي منزعجة من كل شي
صايرة من اتضايق اقول الله ياخذني
ما ادري شفيني
ما ادري
ادري تكلمت وايد بس حسيت اني مو قادرة اوقف حسيت ابي بس اتكلم واطلع اللي فيني
وسوفت ليدي
مشكورين حياتي
بس قاعده اقرا قرآن بس مو بشكل يومي يعني كل جم يوم اكمل جم صفحة
بس متضايقة وايد مع ان ماكو سبب انا عارفته لهالضيقة
الله يشرح صدرج حبوبه
مشكورة حبوبة
بس سؤال
لازم سورة البقرة اقراها كاملة بنفس الوقت ؟؟؟؟
احسها طويلة فدايما اقراها متقطعة على جم يوم
ومافى مشكله اذا غيرتى جو ودى بناتج عند امج وروحى فندق يومين والا يوم وريحى واستناسى مع ريلج ووضحيله ان اللى فيج اثار الحمل وانا اسمع اكى كله تقول ان حمله عن حمله تفرق بكل شى فيها ….
الله يسهل عليج ويكون بعونج يارب
بس السبب الرئيسي اهو:
| او لاني توني من اسبوعين تقريبا يايبة خدامة يديدة وللحين قاعده اعلمها شغلها |
وجود عنصر يديد يعل وويخرب بدون قصد وليلحين ما تعودتي عليها يسبب كآبه
انا امجربه
اصلا تكرهين حتى وضعج اذا مرت عليج وانتي بالصاله
ودج كله تكون بدارها
عادي عادي شهرين واتعودين
اصلا اذا ولدتي تقولين اشوه اني يبتها علشان تشيل شغل البيت
مو هذا اللي صاير ،، من زود الملل حاطة حرتي بالنت والمنتدى ،، زوجي من يشوفني مجابلة النت يقولي فيج شي ،، وبعد عمري كلامج يهبل طمنتيني الله يطمنج
،، وعلى فكرة ترى انا نفسج مدمنه هالكيكة 
Q8ia_100%
اي والله تصدقين ؟؟؟؟
احس ساعات ما ودي اشوفها بس ماسكة روحي مابي اخرب على نفسي ،، بس والله هم يمكن مع الثقل ولوية اليهال وضغط الدوام احس نفسي فايرة
مشكورة وايد
دلوعة
تسلمين حياتي
pretty sarona
الله يسمع منج انشالله تكون مسألة وقت ،، لاني صج صج متأزمة
حياتي انتي مشكورة
حياج حبيبتى وعاشت البلوندى يم يم
لا تحاتين احنا موجودين كلنا معاج واهم شى انج تكونين متواجدده بالقسم ترى ما نستغنى عن مواضيعج
و الحمال يسوي جذيه حتى لو ماكن معاج جذيه من قبل
و بعدين
شوفي توقيعج و بتهدين
كنت حييييل اتضايق و مالي خلق اليهال امشي و اصرخ و ازف و اطق والله اليهال كسروا خاطري حتى ريلي خذه نصيبه مني … كنت لايعة جبدي من نفسي و من جسمي ( كلها هرمونات الحمل انشالله فترة و تعدي )