مو عاجبني بس مجبوره عشان العزيز الغالي بو عيالي

شلوووونكم

خواتي

منو فيكم عندها شي في البيت محتفظه فيه بس علشان زوجها يبيه والا اهيا لايعه جبدها منه او مضايقه

يعني مثلا انا عمي ابو زوجي عنده بوم كبير كان متوهق فيه مو لاقيله مكان وبنفس الوقت يحبه ويبيه جان ريلي يقولي شرايج ناخذه ترا وايد شكله حلو وانا وايد احبه ، قمت انا ووافقت على اساس ان البوم اصغر مما توقعت ، وانا ما كنت وايد مقتنعه بس قلت اول مره زوجي يقترح انحط شي بالصاله واول مره احط شي بالصاله على ذوقه فوافقت ، يوم يابه والا شكبره

والحين كاهو مقطوط على الارض وصاير بيتنا جنه متحف لوووووووووووووووووووووووول والله مو عاجبني

ويوم قلت حق زوجي خلنا نرجعه حق عمي قالي لاااا ما راح نرجعه ولا تتكلمين عن هالموضوع مره ثانيه

الصراحه اسغربت .. شنو يعني غصب السالفه !! وسكت عن الموضوع بس رديت فتحته يا ربي ما اقتنعت يعني شنو سكري الموضوع ؟؟ ما ا عرف اسكت عن شي مو لاقيتله سبب

ورديت فتحت الموضوع يرد يسكره رديت فتحته مره ثالثه عقب ما عطيته مقدمات وقتله ليش مجلب بالبوم انت بالبدايه خيرتني واخذت رايي ولو من البدايه كنت قايلتلك لأ ما كنت بتييبه وتحطه عندي صح قالي صح
قتله عيل ليش الحين ما تبي حتى تفتح موضوع ان نرجعه حق عمي ، جان يقولي لان اخذنا وخلصنا عيب نرجعه دام اخذته من ابوي عيب ارجعه .. ( وجهة نظر غريبه )

هذا البوم وهذي سالفته

وناويه ا ذا عدلت بيتي ونفظته اييبلي استاند واطي احطه تحت البوم بعد ما انظفه واصبغه << ترقع بعد شتسوي

والحين

انتواااا

شنو اكو شي في صالتج او غرفتج او حوشج حاطته غصبا عليج مجامله ومسايره لزوجج بو عيالج ؟؟؟

وشلون تصرفتوا معااااااااااااه ؟؟؟