|
|
السلام عليكم …
شلونكم خواتي …
بنات ليش الدكاتره ما عندهم ذمه وضمير ؟؟؟ ليش ما يخافون الله ؟؟؟ اهم مو صارو دكاتره عشان يعالجون الناس ؟؟
انا بدش بالموضوع .. كل وحده فينا قاضه اذنها وانا من البنات اللي قذيت اذني 3 قضوض
ومع مرور الايام اذني ما قامت اتحمل القض وتصكرت وكل يوم يمر قاعد يطلع لحم زايد بذني راجعت الطبيب حولوني الجلديه .. دشيت عن دكتوره تخيلو ما قالت شنو هذا بس قالت لازم نكويه
وقمت اروح مواعيدي وجويت اذني امبي تعورت وماكو تحسن اشوفها قاعد تكبر ! المهم قلت لها ولا تحولي مستشفى ثاني قامت وبلشت فيني ليزر ! طافت سنين وليلحين ما تعالجت سكت عنها قمت اغطي اذني بشعري عشان محد يشوف من الناس ومابيهم يحرجوني !
مع السنين سويت حادث وخيطو صدري(منطقة النحر) صار فيها جروح من سبت الحادث !!
المهم سوولي غرز ومع الايام !! ولا ينتفخ ويطلع لي لحم زايد .. يعني صار منضره كلش مو حلو
تأزمت نفسيا !! رحت عند دكتور تجميل معروووووووووووف ! قالي بسوي تيست وانشالله تظبط العمليه طبعا خذه مبلغ وقدره !! واخر شي جم شهر ولا يطلع بمكان اللي سوالي فيه عمليه لحم اكبر من اللي قبل !! .gif "Eh S(11)")
يوم رحت له قالي : ( هذا مرض اسمه كيلويد يعني اذا صار بجسمج جرح شي طبيعي بيلتئم من نفسه لي يصكر الجرح ويروح بس انتي عندج جلدج نشط يطلع خلايا خلايا وما يوقف يعني حته لما يلتئم الجرح ويصكر اهو يقوم يطلع لحم زايد)
وقالي (حاولي كثر ما تقدرين ما تنجرحييييييييييين)
انا نفسيتي صارت صفر واهلي تعبو وحتن زوجي تعب معاي مسكين !!!
وقال بعطيج ابر كل شهر ! وتكلفة الابره الوحده غاااااليه وكل شهر لمن اروح له يعاملني معامله خااااااااايسه يعني ماله خلق يشوف ويهي بمعنى اصح ! الله يسامحه كرهت نفسي و وقفت العلاج الخربوطي لان خلاص طفشني ..
ناس قالو لان روحو البابطين رحنا والدكتور عالج لي جرح واحد بصدري والحمدلله استانست واايد بس اللي باذني ماكو فايده منها قال لازم عمليه بس اول ما تسوين العمليه تروحين مستشفى حسين مكي جمعه ويسوون لج جلسة (كيماوي) 
وضروري بعد العمليه على طول عاد انا امي قالت له مو انت الدكتور ؟؟ مو انت بتسوي العمليه ؟؟ ليش مو انت تتصل مع مستشفى حسين مكي جمعه وتتفق ان في اليوم الفلاني بتيي عندك مريضه وتسوون لها الجلسه !!
قال لا انا مالي شغل وما اقدر وقام يتعذر !! وتره جلسة الكيماوي حق امراض السرطان يعني مو شي هين انا صراحه امي ما عجبتها السالفه !! خذينا موعد ورحنا حق مستشفى مكي جمعه دشينا عالمدير ولا يقول على اي اسااااااااااااااااااااااااااااااااااااااااااااس هذا الدكتور يبي يسوي لج جلسة كيماوي ! قال تدرين شنو يعني كيماوي عني بنتج ما تحمل سنتين !!.gif "Eh S(2)")
انزين ليش ما بلغنا ؟؟امي انصدمت وقال مستحيل حق هالمرض نسويله علاج كيماوي شكووووو قال عطوين اسم الدكتور وانا اعرف اشلون اتصرف معاه !! قال هاذي اخر مرحله علاجيه اللي ميؤوس منهم كلش نسوي لهم جذي شكو بنتج مرضها عادي.. قال لا تسوون عمليه عنده دامه مو عارف شنو شغله ومو امين !!! انا قبيت ولا دخلت المستشفى !!
المهم في واحد جزاه الله خير سوه لنا واسطه ان نروح نعالج عند مركز اسعد الحمد ! ودلانه على دكتور زين ..
رحنا للدكتور ولا يشوف اللي بأذني وصدري وقالي شنو سالفة المرض وفهمني وان لازم وما انجرح وقالي كل ما تسوين عمليه عند اي دكتور راح ترد اكبر فالحل ان لمن نسوي عمليه ونشيلها لازم نغزج ابره وتالي نخيط !! بس !!!! تخيلتو !!!
وعطاني موعد عمليه وللاسف صارلي ظرف وما رحت له !!
رحت باخذ موعد يديد ولا السستر تقولي مسافر !!!
المهم استغربت !! حسيت ان اهو موجوده داخل بس … سكت ورطلعت
عرفت ان الدكتور يشتغل بمستشفى خاص وماشالله اهني قريت موضوع بنت
والصراحه الظليمه شينه وااااااااااااااااااااااااااااااااااااااااااااااااا ااااااااايد بنات يمدحوووووونه !
قات حق زوجي خل نروح الخاص يمكن نحصله !! وافق زوجي !
رحنا الخاص ولا ننصدم موجود !! مو مسافر !!
المهم فتحت ملف ودخلت عليه انا و زوجي !!
قلت انا ييتلك بالحكومه وقالو انك مسافر وجذي وجذي سالفتي ! استغربت ان مو متذكر عني ما صارت لنا فتره طويله عشان ينسى !! قلت ميخالف يمكن عنده مرضى واااااايد ونساني !!
انا كنت بقوله ان بسويها بالحكومه واحنا بالغصب حصلنا دكتور زين يعالجني له ولا من بعد واسطه وحب خشوم وذل !
ولا يفاجئي بكلامه ! ان انا الدكتور الوحيد اللي بالكويت يسوي هالعمليه !! (واهو صح اغلب الدكارته قالو روحي لفلان الفلاني ) انا بالكويت بس و واحد بالسعوديه !
متصورين بنات ان اهو مع واحد بالسعوديه اللي عرفون يظبطونها ! ومتدربين على ايد دكتور جنه بريطاني ما اذكر والله !! سكتنا ظلينا نسمع ولا يقول تكلفة عملية اذنج 500 
وغير كورس الابر ! انا استخفيت ! يوم سمعت جذي ! اوله اذا لحمه صغيره 500 عيل
اللحم اللي بصدري جم يكلف 2000 …؟؟؟؟؟
سكت وقلت اوك .. طلعنا
وبعدها رحنا للحكومه كلمنا الشخص علساس يكلمه ان ضروفنا ما تسمح لنا كلللللللللللش انا طالبه وريلي على قده كفايه قط فلوس من قبل ولا فادوني !!!
المهم دخلنا على السستر ولا السستر ادق على غرفة الدكتور حست ويها انصفق !
ولا تقول الدكتور مو موجود !! ولا اقولها امبله موجود احنا تونا مكلمين دكتور ثاني قالنا موجود ولا في موظفه كويتيه جزاها الله خير دشت الغرفه مالت الدكتور ولا تطلع ويها مقلوووووووووووووووووووب قالت لي والله مو موجود حطو رقمكم واحنا بندق انا ريلي عصب قال انتو شفتو بعينكم الدكتور دخلنا اهني وقالكم دخلوهم على الدكتور فلان !! شلون مو موجود ! جان تقول الموظفه (شبتسوون اذا الدكتور ما يبي يشوفكم ولا راح يسوي لكم العمليه)
اخخخخخخخخخخخخخخخخ انا عيوني دمعت جدامها !! ما قدرت اتحمل !! الحين انا علاجي بين ايدك ومحتاجتك حييييييييييييييييييييييييييييل تقولي ماتبي تشووفني ؟؟؟؟
قام ريلي وطلع فهم السالفه وكلم الدكتور الثاني وصح كلامه ماكو احد يقدر يغصبه ! انزين شلووووون اهو دكتور يعالج المرضى مو يذلهم !!
ليش يا بنات جذي يعني انا بنت الديره ومعاي تحويل وبالواسطه حصلنا اسرع وقت ان نشوفه
ليش ما يبي الا يالخاص !! عشان فلوس ؟؟ تره الفلوس وصخ دنيا !!
واهو مبين ان الحمدلله مرتاح ماديا !!! يت علي انا ؟؟؟
تركته ومرت سنه وانا اعاني مارحت حق ولا دكتور لاني مقتنعه بكلامه واحس ان اهو راح يعالجني واهو مبين واااثق من نفسه !!
الحين بعرف بنات شسوي ؟؟ اروح له ؟؟ الحين توظفت وقلت اقدر من معاشي اشيل تكلفة علاجي !! اروح ارد له مره ثانيه بس احس اني مذلوله اذا رحت ! بعد ما قال ما يبي يسويها الا بالخاص !! شسوي بنات والله اني اعاني !! تعبت !!
اخاف اروح له ويرفض !! وايد ناس قالو اشتكي عليه ! شلون بالحكومه ومو راضي يسويها عيل ليش يشتغل بالحكومه !! بس انا مابي اسوي مشاكل ولا فاضيه اني اشتكي على دكتور !! واصلن ماراح يخسرون دكتور عشاني انا !!
شسوي بنات ؟؟ في احد تعرف مرض جذي وتعالجت ؟؟ تكفون ساعدوني يعني والله انا شذنبي اول الدكاتر لعبو فيني !! ودكاترتنا بالكويت مووووووووووووووووووو شي
واسفه لاني طولت بس والله ودي افضفض واتمنى الاقي حل وشكرا بنات
وحسبى الله على نوعيه هالدكاتره المااااااااادين والمصيبه شكثررررررهم
حاولى تعالجين بالسعوديه اتوقع بيطلع اارخص من دكاتره الفلس الى عندنا على الاقل هناك عندهم رقااابه مو هني لاحسيب ولا رقيب
حبوبة
توكلي على الله واستخيري
وعقب روحي له
والله بيقدر لج اللي فيه الخير ان شاءالله
عسى الله يشافيج ويرفع عنج
سالفتج تعور القلب
ادعي حق ربي واكثري من الاستغفار وان شألله تفرج
اسأل الله العظيم رب العرش العظيم ان يشفيج ياااارب
إختي عزيزتي ،
هل هاللحمه مسببه لج تشوه كبير ؟
يعني ما تقدرين تمارسين حياتج مع اللي حولج براحه ؟
أحس المسأله بسيطه يعني مجرد لحمه زايده ،
ف ليش انتي وايد مهمومه من هالشيء
نأتي للعلاج ..
سيريله دامه اووك ، مع اني احسها غلط بصراحه من بعد اللي صارلج
ربي يشفيج ويخفف عنج
الله يعينج والله لا ضضمه ولا ضمير عيل دكتور ليش
انا بعد عندي عوار بجزء من راسي وكل ما اروح يقولون مافيج شي ويعطوني ادول
وثاني مادري شنو وكل مرة نفس هالحجي تعبت لاعت جبدي من ادول وهالسوالف
جم مرة اروح مستوصف كله يعطوني هالدكتور وييع لاعت جبدي منه لان صارلي اكثر من 4 سنين هالجزء يعورني وايد وساعات يزيد علي
ما اقول الا الله يشافينا =) ويشافي مرضى مسلمين :*
والدكاتره أغلبهم لاذمه ولاضمير
و تره حياتي وايد دكاترة و محامين بعد جذي عندهم مبدأ انه الفلوس قبل كل شي
بس انا حيل مستغربة شكو الدكتوور يرفضكم عشان الفلوس من غير حتى ما توسطتوا عند الشخص عشان يكلمه يعني اهو راح و كلمه جان يرفض الدكتور انه يشوفكم
خوفج انه مو واثق وايد انه بتنجح العملية عشان جذي رفض يشوفكم و يتحجج و ما يبي يعترف انه ما يبي يسوويها ؟؟؟
الله يعينج و يسهل امورج يارب
ربي يشافيج
اعوذا بالله الله لايحدنا لمثل هالاطباء اللي مايهمهم الا الفلوس
انتي كل ليله ادهني صدرك واذنك بزيت زيتون اصلي مقري فيه
وان شاء الله ماتشوفين الا العافيه
الله يشفيك ويفرج همك
وانتي اذا اللحمه مو حيل مشوهه شكلج لاتكثرين روحات للدكاتره وابر وتشخيصات غلط تضرج ماتنفعج .. وأسأل الله العظيم رب العرش العظيم ان يشفيج
اهوه كويتي؟ ما ضنتي؟!
اذا مو كويتي حاولي تسوين العمليه بالسعوديه او اي مكان
بس مو عنده عشان تكسرون عيونه الحقير
وبعدين لما تخلصين العمليه اشتكو عليه لازم عشان يتادب
الله يعينج ويشافيج